فصلية 💔😔

بارت السابع والعشرون

بيوم عقد قرانها لسارة  سافرت إلى بغداد بحجة الشغل وما حضرت اي شي ويا الولد اصلا جان يوم أقصى من يوم قراية فاتحتها لأن جان عندي امل وهسة هذا الامل كله راح مني وصارت سارة لغيري وباسم واحد ثاني مستحيل بعد اكو امل يجمعنا سوا لهنا قررت اطلع سارة من حياتي ومن كلبي للابد ويدفن حبها بغداد صارت سارة من الماضي

رجعت ثاني يوم الصبح

ام حسين :. هلا يمة هلا حبيبي

علي :. حبيبتي يمة
باسها  براسها

ام حسين :. يمة اسويلك اكل

علي :. لا يمة اكلت بالطريق وفد ساعتين كعديني اريد أمر على كوثر هم اشوف شغلتها

ام حسين :. اي يمة اخيتك محتاجتنا عفية بابني أن شاء الله

علي :. صعدت بس ما غمضت عيني واني افكر شلون بعد اشوفها وهية شكلها شلونه و لابسة الحلقة  سعيدة ويا أو لا الف فكرة وفكرة براسي اجت دخت ونمت

نروح إلى كرم

كرم :. نقلتها للمستشفى اتلكوني الأطباء بسرعة أخذوها من ايدي وهية لحد الان لا ايد ولا رجل تتحرك علكولها مغذيات وانطوها إبرة خافض حرارة ورا تقريبا نص ساعة صحت قمر

قمر :. مي

كرم :. اي بوية هسة اجيب الج
جاب الها مي وشربها وعدل حجابها هسة شنو اتحسين ؟

قمر :. تعبانه كلش

كرم :. هسة راح اتصيرين زينه يا عيني غير تنتبهين وكعتي كلبنا
الدكتور انطاها خروج كال عادي تطلع بس لازم 24ساعة تبقى تحت المراقبة خاف ترتفع حرارتها

قمر :.  اسفة مو قصدي

كرم :. هسة انطوج خروج اطلعين ؟

قمر :. اي بس اريد ممرضة

كرم :. اي هسة اصيحها الج
اجت الممرضة وساعدتها ادكوم قمر وطلعتها وصلتها للسيارة واني صعدتها يمي اليكدام

قمر :. سيدي

كرم :. نعم بابا

قمر :. اريد ارجع يم النقيب علي

كرم :. قمر شجاي تحجين ؟

قمر :. اي سيدي انت مو كلتلي إذا ما عجبج ارجعج وعد رجال هسة اريدك من الباجر اترجعني يمهم

كرم :. والله كلشي أحله ما اخليها اتسمعج كلمة وحدة بعد وعد قمر واذا صار شي بعد اني ارجعج بايدي  بس لخاطري عيب منهم اني اخذتج ورا يومين ارجعج والله زحمة وتطلع ابوجهي اتقبلين؟

قمر :. لا ما اقبل بس بنفس الوقت ما اتحمل اني اسمع كلام نهائيا

كرم :. وعدتج بعد ما تنعاد ابد

هذا كله الحوار وقمر تحجي بصوت ناصي بالكوة تحجي لأن دايخة بسبب ارتفاع الحرارة

اول ما دخلت للبيت تلكتها ام كرم
والله خوش زلم مشوربة اتودي واتجيب للمستشفيات واتخاف على الغرب  امة ايسمعها حجي علمود وحدة لا أصل ولا فصل