فصلية 💔😔

بارت الثالث والعشرون

الحمد لله كدرت اطلعهم وكتبت تعهد إلى الدوله بدفع المبلغ المطلوب منهم وجان سيف مصورهم وكامرات عندة منهم تسجيل بتلفونه قدمنا للشرطة التركية وخليت كرم يرجع إلى العراق بغداد علمود ايبيع البيت مالتهم وباعوا ب٢٥٠ مليون ورجع لتركيا سلمنا المبلغ كامل إلى تركيا وبعدين حجزنا كلنا ورجعنا إلى العراق ورحنا لبيتنا راد سيف يأجر اني ما قبلت كلت تشترون البيت وبالبصرة يمنا يله قبل الحمد الله اقتنع بهاي الفكرة كتلهم امان الكم من عمامكم ورجعنا لبيتنا وامي كلش فرحت بينا وبالخبر رجعتهم إلى العراق بس اجانا خبر خلانه كلنا بصدمة وتحول الفرح إلى حزن

الطرف الثاني :. السلام عليكم

سيف :. وعليكم السلام منو وياية ؟ ما طلعلي رقم

الطرف الثاني :. اني موسى ابن عمك بيت عمي الكبير احترك وماتوا كلهم

سيف :. الى رحمة الله والمطلوب ؟

موسى ابن عمهم :. شنو المطلوب اكلك بيت عمك ماتوا يعني جيب اخوك وتعال عاونه بالفاتحة الفاتحة ثكيله

سيف :. ضحكتي والله هههههههه اسمع لك لا نعرفكم ولا تعرفونا المات ما يجوز علي الا الرحمة ما اكدر اكول غير شي سبحان الله الي ما اهتم لموت اخو وكعد مثل الغريب هسة يدرون ولدة يجون يساعدون بفاتحته
مال اعاونكم لو احضر فاتحتكم هاي كطنه واشلعها من اذنك شوف حبيبي هذا الرقم بعد لا ادك علية لأن ما اشرف بيكم تمام يله روح لعمك ادفنا مع السلامة وسد الخط بوجهه

فهد :. ها شبيك عصبي وفاتحة منو؟

سيف :. عمك وعائلته بيتهم محترك وماتوا كلهم وموسى مخابرني اني وياك انعاونهم وشفت جوابي اله بعد

فهد :. والله العظيم فدوة لطولك على جواب هذا ولك فرحت كلبي

زهراء وسارة :. هلهلن هلوله طويله كلش

سيف :. اشبيجن ؟ هلهلتن

زهراء وسارة :. ولكم احلى خبر بحياتي ماتوا عسى لا محاللين ولا مهوبين والله علينا نذر اني وزهراء بس يموتون واحد منهم لو هل العجيز أهلهل وفيت النذر مثل ما مرته اجت وهلهلت بفاتحة امي لأن جانت تكرها هلهلت بفاتحتها

سيف :. ما استغربت بس وصلت اتهلهل بفاتحة امي يمة يا سم هذا سماويات اعوذ بالله ما يجوز بناتي غير الرحمة

ام حسين :. يمة ما يجوز غير الرحمة عليهم هاهية سدوا موضوعهم نهائيا لا يضوجنا اليوم فرحانه بجيتكم لا يخربون مزاجنا

الولد والبنات :. يمة عسى دومج مرتاحة وفرحانه

علي :. اكلكم عاجبني نطلع والله ونأخذ دولمة وبرياني ويانا ونأخذ هماتين طوبة ورق ودومنه

الكل :. فرحوا اي والله يا ريت

كرم :. يله اني استأذن منكم راح ارجع لبغداد الحمد لله والشكر على سلامتكم