فصلية 💔😔

البارت الحادي عشر

سمعت صوت من الجهاز ضليت أصيح على الدكاترة ودكتور فدوة الحكني امي دكتور امي ..... 😥

دكتور :. فدوة لعينك بسرعة امي ما اعرف شبيها يمة يوم فدوة اكعد يلج يوم لا اتعوفيني وحدي😭😭😭

اجوي سيف وفهد بسرعة اشصاير سارة ولج احجي شصار

امي امي جانت تحجي وياية وبعدين طلع صوت من الجهاز ما اعرف شصار كانت متحجي وياية نامت ولك سيف اريد امي سيف

الدكتور:. البقية بحياتكم أن شاء الله اتوفت المريضة مع الاسف الله يصبركم 💔

انت شجاي تحجي دكتور شجاي تحجي امي اني امي اريدها وخروااااااا امي ما تعوفني والله وعدتني تحضر تخرجي مراح اتعوفني هية أتريد الزم شهادتي بايدي وارفع راسها سيف سيف حباب والله مسامحتك امي كالت دير بالج على اخوتج خاف ضاجت مني فهد حباب اسفة حباب والله بعد ما أضم شي عليكم بس خلي تكعد امي فدوة لكم اشبيكم تبجون امي ما تعوفني وحدنا امي ما اتعوفنا افهموا انتوا ادخلوا احجوا وياها ولكم ادخلوااااا
فقدت ضلت تلطم على وجهه ولج يوم لا تعوفيني يمة فدوة ننتضرج لا تكسريني يمة اكعدي

سيف:. انصدمت امي ماتت الغالية ماتت بعد ما اسمع صوتها بعد منو ايكعدني من نومي منو يقرة علية اريد اعيط اصيح بس سارة فقدت وفهد فقد أكثر منها اخواني  وابوية يحتاجوني بهذا الوقت
خابرت على زهراء كتلهه امي ماتت هسة جانت بالبيت تدرس لأن سادس

زهراء :. خابرني سيف كالي امي ماتت 💔
لا سيف فدوة كولي جذب سيف فدوة سيف امي سيف لا ولك امي ما تعوفني وحدي وللللللج يوم لا تعوفيني لا تخليني بهاي الدنيا وحدي

سيف :. حسيت لازم أحد يمي يوكف وياية خابرت على عمامي ما قبلوا ايحضرون الفاتحة وخوالي اجوي عبالك غربة ما ينشد بيهم الظهر ابد اضطريت اخابر علي يجي وياي

السلام عليكم علي

علي:. وعليكم السلام سيف اشبيك شنو ليش سارة عياطها واصل السابع جار شبيكم شصاير

سيف:. امي ماتت علي امي عافتنا امي ما كملت وعدها عافتنا وراحت محتاجك علي كلش اريد واحد يمي اخواني فاقدين ما اكدرلهم وحدي

علي:. الدنيا كلها ضلمت كدامي لمن سمعت خبر وفاة عمتي أم سارة جانت مرة حنونه كلش ما قابلة على طلاكنا وجانت كلما اروح تدعيلي ارجع بالسلامة حتى ورا ما اطلكنا دائما جانت تخاف علية من ورا دوامي

ام حسين:. يمة اشبيك يمة احجي شبيك كمت ترجف منو خابرك
يمة ام سارة اتوفت
يا يمة سودة علية يمة الله يساعدهم بمصيبتهم

علي:. يمة اتكدرين تجين وياية لبغداد سارة محتاجة أحد يمها لا عماتها يمها ولا خالتها بس هية واختها

ام حسين:. اي يمة اجي وياك بس البس عباتي واجي

علي:.انتضرج بالسيارة بسرعة يمة