فصلية 💔😔

بارت السادس

نرجع لعلي:. راح للواجب مالته بس جان جوة هنا يختلف عن سارة راح يرجع لحياته القديمة بدون سارة الي اتعود عليها بالبيت 😁💔

هسة راح تكولون ليش لعد راح يعوفها
السبب لأن يخاف عليها خاف يجي يوم ويقصر بحقها ويقصر بسعادتها وميحقق أحلامها الي تحلم بيها أما المرض طلعة حجة فقط

أما بيت سارة ..
سارة رجعت على الجامعة الحمد لله والشكر بس رجعت اكمل مرحلة ثانية لأن نصف السنه وتركت

كلهم صديقاتي فرحوا رجعت للكلية والدكاترة
دخلت اول محاضره جنت كلش متحمسة الها وجانت عن التسويق 🥹 كلش احب هاي المحاضرة الدكتورة بدت تشرح عن أهمية السوق وكيفية تنظيم السوق والسلع المهمة بالسوق وكيفية جذب الزبائن للسوق
وانطتنا مثال مثلا اني عندي محل واريد اسوق اله شلون الجودة اهم شي ونوعية البضاعة واحفظ السعر واسوي عروض إذا عندي منافسين بالسوق بنفس البضاعة اسوي عروض حتى اكسب زبائن واهم شي اسلوب البائع الخدمة أو نقدم الخدمة( البائع ) ..... وكملنا المحاضرة

ملاحظة :. اني بالحقيقة ادرس إدارة أعمال 😁😁 وهاي المعلومات كلها حقيقة ومادة حقيقية ...

أخذنا ريست من المحاضرة ٥ دقائق فقط
سارة :. يله بنات خلي ننزل ونأخذ شي من الكافتيريا كاش جعنا والله
صديقات سارة :. اي والله كلنا جعنا ونأخذ ويانا مي لأن نعطش بالمحاضرة
سارة:. كم ساعة المحاضرة
صديقات سارة:. ساعتين ونص

سارة:. يو والله هواية ممله وخاصة المحاسبة كلها رياضيات وممل واكعد احسب وسوي اوف يا رب تخلص بسرعة💔
صديقات سارة:. اي والله صدك

علي:. وصلت للدوام كلش تعبان وضايج وبالي يم امي ما يمها اي احد واختي لأن مزوجة ما اكدر اعتمد عليها بهاي الأثناء خابرني يوسف اتفاجات لأن هوا بالسجن
يوسف:. الوو لك اسمعني لا عبالك سجنتني راح اسكت عنك لا ما عرفت منو يوسف

علي:. احترم نفسك لك و اعرف ويا منو تحجي وشلون طلعت انت

يوسف:.ضحكتني اني يوسف شلون ما اطلع اسمعني بلا كلام زايد ما راح انساها الك والايام تثبتلك

علي:. دير بالك تقترب لامي والله اندمك سمعت

يوسف:. لا تخاف الأمهات ما اتقرب الهن ولا الآباء

علي:. اي يلة لعد شسوي سوي ما خايف منك
اني ترتاحين لأن  سارة فعادي مراح يكدر ايسوي شي وميندل بيت هم وين اصلا

سارة:. اول ما طلعت من الكلية تعبت كلش اليوم واهلي اجوي اخذوني بس اجاني اتصال غريب من علي حذرني لمن اطلع من البيت ويا اهلي وهوا اصلا ما يعرف اني رجعت للجامعة 🤷🏻‍♀️ بس كلت عادي كلام عادي بس والله ما راح انساها اله وايعاريني بمرضي واصلا مراح اسمع كلامة بعد رجعت يم اهلي هوا منو ويامرني لحد الان صح بعدة زوجي بس رجعت لاهلي ما آله حق ابد يحجي وياية هيج بعد
عاد رديت علي كتله ما الك اي حق تحجي وياي هيج حجي وتامرني انت راح اطلكني تمام منو اصلا انت واسمع كلامك وسديت التلفون بوجهه بس احس ايريد يطلعلي من التلفون من كد ما عصب علية بس بردت نار كلبي

علي:. خابرت سارة وكتلهه لا تطلع من البيت وحدهه بس ردها جان علية  ما الك اي حق تحجي وياي هيج حجي وتامرني انت راح اطلكني تمام منو اصلا انت واسمع كلامك صرت نار اذا اشوفها كدامي اجنزها والله على هذا كلامها بس شسوي خل ارجع من الدوام اني اعرف شلون راح اربيها صارت كلش لسانها طويل أيصير خير أن شاء الله بعد يومين واني انزل كون تدعي ما اشوف وجها ما اعرف شنو اسوي بيها

سارة:. رجعت للبيت اتغديت ونمت والعصرية كعدت كلت ماما ماما نكدر نطلع اليوم ضايجة كالت اي يمة تدللين أن شاء الله بس يجون اخوانج من الشغل نطلع هنا فرحت كلش💃💃
اجوي اخواني من الشغل واتغدوا هم وكتلهم اريد اطلع بابا قبل والولد هم قبلوا بسرعة رحت بدلت وكلت زهراء هم بدلت وطلعنا للجزيرة وركبت حل الالعاب الي بالي صارت ساعة ب١٢ ونص بليل  يله رجعنا للبيت بس هذا اليوم جان من اجمل ايام حياتي صارلي هواية كلش ما طالعة 🥹

هم رحت للدوام ثاني يوم للدوام جان يوم كلش عادي هم محاضرات طبعت ب٢من الجامعة

علي :. اليوم انزل من الدوام همزين جايب جنطة سارة وياية بس اتمنى اشوفها حتى تعلمها بعد ويامن تحجي أن شاء الله خل اوصل وان شاء الله أيصير خير 🤐 المهم بعد تقريبا ب٤ ونص وصلت لبيت سارة دكيت الباب

ام سارة :. منو ؟

علي:.اني خاله رجل سارة

ام سارة:. اهلا يمة اتفضل

علي:.لا يمة اني بس اريد احجي ويا سارة كلمتين واطلع هاي جنطتها

ام سارة:. يمة سارة اتاخرت اليوم ومبايلها مغلق واخواتها وأبوها راحوا ايدورون عليها وأبو الخط خالتها ايكول ما رجعت وياية يمة كلش خايفة عليها هية تخاف كلش 😭💔

علي:. خاله صدك تحجين يعني وين راحت خابرت عليها صدك مغلق وأخذت ارقام إخوتها وأبوها ما لكوها اني كلهم راح اجي وياكم ادور عليها بسرعة اخذت سارتي ورحت يم جامعتها هنا انصدمت رجعت للجامعة بدون متكلي بس ردت الكاها المهم ماكو دورت الافرع يم جامعتها هم ماكو لليل سارة ماكو واني وأبوها واخواتها كلنا اجتمعنا ابيتهم هم ماكو خوفي عليها ما صاير اتمنيت بس اشوفها وهية المشكله عدها قلب وتخاف خاف متخربطة بالطريق خاف صارلها شي لحد ب١٢ لحد دورنا وماكو
اخوها ايصيح ولكم وينها واريد اختي كام يصرخ بالبيت اختي وين ولج سارة وينجججججج ولج شمعة البيت وينج وأبوها بس يبجي امها بس اصرخ حسيت الدنيا اسودت بعيني صحت بيهم كافي أن شاء الله ما بيها شي راح اطلع ارجع ادور عليها البقية جاين وياك ....

تتوقعون وين راحت سارة؟

الكاتبة :. ضحى الحسيني ✨

الانستغرام
duhaalhsseini22