فصلية 💔😔

بارت العشرون

سارة :. طلبت ايدي لاخوها ويانا دكتور جامعي

علي :. صدك تحجين لو تشاقين

سارة :. اي والله

علي :. ها اتردين اتفكرين جواب خوش بوية خوش

سارة :. ضرب باب وطلع من البيت كله حتى ما خلاني احجي شي

خابرته وما رد علية اصلا اني رافضة الزواج بس هوا افتهم غلط اصلا وما اعرف ليش ضاج

علي :. اتاخرت علية وسمعتها اتكول مو انتي اتعرفين اني منفصله وتحجي بحياتها الشخصية وان شاء الله الله كريم وشي وسألتها وكالت صديقتها خاطبتها لاخوها
بسرعة طلعت من البيت كله وسقت بسرعة السيارة يعني هسة معقوله راح تقبل
اكيد مواصفاته زينه بيت وراتب ودكتور جامعي ليش ما تقبل قابل
ازين إذا سمعوا الولد ايقبلون
لعد ليش ما يقبلون اكيد يقبلون الولد ما ناقصة شي وهية جبيرة مو صغيرة ازين إذا قبلت شلون 

رحت للمركز اتصل علية ضابط كرم

ضابط كرم:. السلام عليكم شلونك حبيبي

علي :. وعليكم السلام ضلعي الحمد لله

ضابط كرم:. اكلك مو ردتني احجي ويا قمر علمود اكلها ومجاي تاكل زين وهيج شي انطيها التلفون خل احجي وياها

علي :. اني هسة بالمركز بس ارجع اخابرك

ضابط كرم:. الله يساعدك بس اكلك صوتك ما عاجبني ؟

علي :. لا ماكو شي حبيبي قابل شكو بس تعب الشغل تعرف والدنيا حارة كلش ما ينطلق الجو اصلا

ضابط كرم:. اي والله موت حر
بس أضم علية شوكت احنا ضامين سرنا واحد عن الثاني

علي :. لا والله شوف اليوم اني كلت لسارة خل ادرسج راحت حجت ويا صديقتها علمود تعرف المهمات مال المادة مالتها

ضابط كرم:. اي شكو بيها

علي :. اصبر جايك بالحجي المهم عاد صديقتها خطبتها لاخوها دكتور وياهم بالجامعة وعندة بيت وحدة وراتب زين
واذا اخوانها عرفوا اكيد راح تزوج وكالتها الله كريم يعني اصلا ما رفضت وكالتها اني منفصلة وهذولج قابلين على كلشي

ضابط كرم:. اصبر لا تستعجل يجوز هية اصلا ما تقبل ترة سارة صعبة مو سهله ابد ما ترضى باي شي

علي :. ما اعرف والله ما اعرف

ضابط كرم:. بعدك اتحبها ؟

علي :. انت وين رحت لا يا خوية بس لان خايف عليها واخوانها مخليهن امانه يمي

ضابط كرم:. احجيها على الدبة هاي حبيبي صديقي واعرفك يله هسة اني اجاني اتصال بليل عود انسولف

علي :. أن شاء الله كريم دير بالك على نفسك

ضابط كرم :. انت هم علاوي يله مع السلامه