فصلية 💔😔

بارت الثاني والعشرين

مر اسبوع
واجا اتصال لعلي غير كلشي بحياتهم
اشصار ويا علي ومنو اتصل بي هل راح يغير حياة زهراء وسارة

( علي )
السلام عليكم

اني خالك جبار

علي :. اهلا خالي شلونك شخبارك

خاله جبار :. الحمد لله والشكر خالي والله ما اجيتكم هاي الفترة بسبب حالتي الصحية وتعرف بعد انت
ام حسين شلونها؟

علي :. خالي معذور أن شاء الله صحة وعافية وسلامة
والله امي الحمد لله تسال عنك هاي وياك

ام حسين :. يا خوية هلا بيك يمة صوتك ردلي رويحتي يا بعد كلبي

جبار :. يا خية والله انا مشتاق الج ولكعدتج

أم حسين :.
يا ابن أمي الاخو ينراد له اخوان
يچسونه الزمن لو چان عريان
ويصيروله دول بلدان واوطان
وال ماجه بفرح .. اتجيبه الاحزان

جبار :.
يا بنت امي الاخو مو چلمه تنگال
يحط روحه درع ويناطح اجبال
من يعدل حملها الروح لو مال ... ؟
تعال وشوف حالي بهالزمن حال

ام حسين :. يا خوية معذور يا خوية والله مشتاقتلك

جبار :. أن شاء الله خوية جايج الباجر واجيب وياي الورث ولدي جابوا من طاهر وزع الورث وجابوا ورثج ويا ورثي
حصتج يا خية ٩٠ مليون
( اهل ام حسين كلش متمكننين جانوا عدهم بساتين وبيوت هواية ابوها جان يشتغل وعندة خير من الله لهذا كله هذا المبلغ الورق مالتهه )

ام حسين :. يا خوية الله يحفظك انت وواليداتك
ويخليهم خيمة وذخر الك كل الهلا بيك و تنور بيتي يا بعد بيتي

جبار :. ويحفظلج علي ويخلي خيمة على راسج يا خوية
مع السلامة خوية

ام حسين :. الله وياك يا بعد اختك

علي :. ها يمة شيريد خالي ؟

ام حسين :. يمة خالك الورث مالتي داز وليداته موصيهم ايجيبون ورثة ورثي والباجر مصبح علينا ايجيب ورثي ويجي طلعلي ٩٠ مليون يا يمة

علي وسارة وزهراء :. أن شاء الله يمة تتهنين بيهم واتصرفيهم بالخير أن شاء الله

ام حسين :. الله يحفظكم يمة أن شاء الله بوجودكم خيمة على راسي

علي :. أن شاء الله انتي اتضلين خيمة على راسنا ويحفظج النا

سارة وزهراء :. أن شاء الله امين يارب العالمين

سارة :. علي علي علي

علي :. نعم نعم نعم

سارة :. الباجر عندي امتحان مراجعة😁

علي :. يعني كاعدة كدامي وممراجعة كومي كومي من كدامي هسة جيبي كتابج وتعالي يله

سارة :. لا لا اشاقة وياك اني اشبيك راجعت وخلصت بس هيج جاي اشاقة