قد أطعن الطعنة النجلاء عن عرض كفرج خرقاء وسط الدار مسكين

-البارت٤-

"في عسير الهول"
وصل رماح ونزل من خيله نفض ثوبه عدل شماغه ودق الباب ونطق : يا عم مساعد
فتح الباب وبيده عكازته ونطق : من انت فيه ياوليدي
أبتسم رماح لوجه بعد تدقيق : اوه ولدي رماح حياك الله حياك تفضل تفضل
تقدم رماح باس يده و رأسه ونطق : الله يحيك
مساعد : تعال تعال استريح
رماح : لا والله ماني مستريح الا انت ارتاح وانا بجيب لك كل شيء
مساعد قطب حواجبه و بحدة : منهو الضيف انا ولا انت
رماح : حلفت عليك ان تجلس يا عم ماني بضيف انا ولدك و بيت بيتي
ضحك مساعد : والله انك صدقت بس مايصير اي من طريق متعب ريح
رماح : الراحة بعناها من زمان
رماح توجه للمطبخ وجاب مويه و قهوة عربية و معمول وجلسوا ع الحصيرة مقابلين بعض
مساعد : اخبار شيخنا وأخبار الأهل وذيك العزبة سمر الرماح وش علومها
رماح : كلهم بخير ولك الحمد
مساعد: الحمدلله الله لا يغير علينا
ونطق : فيك شيء يا وليدي انت ما تيجيني الا وقت ضيقتك !
رماح نزلت دمعته ونطق : يا عم ظلموني يا عم اتهموني بشيء اخاف الله فيه اتهموني بالزنا حاولت ياعم ابرر نفسي انا مالي علم بكل الي يصير لكن ماسمعني وتبرو مني
مساعد بعصبية : مبارك وينه عنك ؟
رماح : يا عم ابوي ابوي الي اتهمني ولا سمع مني حرف
مساعد : مبارك هين والله لأخذ حقك الله فيه ياوليدي الله فيه بياخذ حقك انت ادعى ربك وانا معاك
رماح باس يده وسحبه مساعد وضع راسه فخذه ونطق : دايم الشجاع يتهمونه يتمنون ينزلونه و يلطخون شرفه لكن كل ما طاح يرجع يوقف اقوى من قبل كل ما ظلموك ربك يزيدهم اضعافه بس خلك ع الدعاء واخشع لربك
رماح ابتسم : اشتقت لحنيتك انشهد انك دواء ع القلب ملجئي الوحيد
مساعد : وش تنتظر وانا كبيرك كلكم عيال اخوايي عيالي
رماح عدل جلسته ونطق : عمي بسألك تعرف الشيخ هزاع ؟
مساعد ضربه بالعقال ع فخذه : اعقب كيف مااعرفه ذا صديقي ذا روحي وضلعي بس الله يرحمه ويرحم زوجته
رماح : وش قصته ؟ وليه يوم جاء واحد من معارفه نساعدهم ابوي رفضه
مساعد : تبي التفاصيل؟
رماح رشف من فنجاله : اي والله
مساعد : والله يا طويل العمر انا و مبارك و هزاع كنا أصدقاء الثلاثي وكلنا روح وحده من دهر دهر تربينا مع بعض بيوم من الايام صارت مشكله و ابوك قاطع هزاع لين يومك 
رماح : وش هي المشكله ؟
مساعد : مع الوقت بتعرف بنفسك
رماح : يا عمي ابوي ما حّن عليه حتى يوم توفى ولا راح يتعنى
مساعد : احلف بالله !
رماح : اي والله اني صادق
مساعد : اخس عليك ما مبارك ماتدري ان بنته مدري وين ارض ارتمت فيه ولا لقينا لها آثر وانت بعدك ناقد عليه
رماح قطب : بنته ؟
مساعد ابتسم : ايه بنته كانت دايم تزورني ماشاءالله محد وصل مواصيلها بنت رجال قول و فعل و كلٍ  يشهد لها ورزانه و جمال وضحك وكمل اذكر كانت تيجي عندي وتزورني وشافها راعي الغنم و اغمى عليه
رماح ابتسم ونطق : كيف يعني ؟
مساعد : خلها مستورة بتسمع عنها كثير ف عسيرنا
رماح بتغير للموضوع : يا عم ليه باقي عايش وحدك هنا ليه ما تروح قرية الشيخ هزاع
مساعد : قلبي متعلق بهالمكان وبفقيده
رماح : الله يرحمها ويغفر لها يارب ، عمي انتوا ما رزقكم الله بذرية !
مساعد : لا ياوليدي ميثاء كانت تعبانة وتوفت وكلهم عارضوني عشاني اخذتها وهي تعبانة لكن القلب مايقوى ترك الحبيب حتى لو كان بأسوء حالاته تموت ع ذمتي ولا هي ع ذمة غيري الله يرحمها ويغفرلها يارب ويسكنها فسيح جناته
رماح ربت ع ظهر يده : امين يارب امين
رماح من شافت الحزن طغى ع وجهه نطق : ايه ياعم عسير الهول ذي الفترة أجوائها افتح النفس و السيوله و الأمطار يبي لها كشتة
مساعد : اي موسمها 
رماح : الله ينعم علينا ويرزقنا
مساعد : امين