قد أطعن الطعنة النجلاء عن عرض كفرج خرقاء وسط الدار مسكين

-البارت٥-

فادي : متأكدة ما قالت لكم بتروح مكان
كادي : قالت بتنزل للوادي وبترجع معد رجعت
فادي شرب الشاهي بسرعة : يلا يلا طالع اشوفها
كادي بقلق : انتبه لنفسك
فادي : ما عليش حريص
قفلت الباب وهي بالها مع النجلاء وقلقانة عليها 
طلع فادي ويتلفت ف القريه و شاف بشاير برا ونطق : السلام عليكم
بشاير : هلا فادي
فادي : بسألش شفتي النجلاء ما جت عندكم
بشاير قطبت : لا ما تقابلنا
فادي : طيب اخوانش ابوش امكن عندهم علم فيها
بشاير : مدري تعال البيت و اسألهم
دخلته المجلس وعلمت ابوها و اخوانها ونطق : ارحب ي فادي امرني
فادي : والله يا مبارك انا جاي اسألكم هل تعلمون النجلاء او لمحتوها دلوني
ظافر ابتسم بخبث وحامد يشتت انظاره عنه
عزام بحقد : ماندري عنها ولا نعرف عنها شيء
فادي : اذا لقيتوا خبر عنها لا تقصرون البنت بأمانتنا
عزام بكذب : يصير خير
فادي : فمان الله
وطلع من بيتهم
دخل أمجد : يبه وش فيه كلهم يدورون ع النجلاء
عزام : عسى محد يلقاها

"في نجران عزبة الشيخ مبارك"
رهيفة تحرك الأرز ع النار و سمر تقطع السلطة
دخل جواد : يمه خلصتوا ؟!
رهيفة خلاص الأرز استوت و الحنيد جاهز
جواد : قوة الله يكثر خيرش جعل هالايادي ماتمس النار
رهيفة : امين ي حبيبي روح الله يرضى عليك شوف ابوك وش يحتاج
جواد : لا تشيلين هم كل شيء جاهز شوي و يشرفون
سمر توجهت تجهز دلال القهوة العربية ريحة البُن المنتشره ارجاء المخيم وهيلها الفواح
انتظرت لين ما استوت وطفت النار عليه
واتجهت وهي تطلع لبتون الشاهي وحطت النعناع وع الجمر يقلي اضافت السكر تنهدت توسعت صقرها من تذكرت رماح وعشقه لشاهي و يعتبر خمره وبدت تدنن :
يا شارب الشاهي على قد فنجال
مزاج الشاهي...يوم تملى بياله
الكيف...فنّ من يبي قبله الدال
وكيفي...أشوف اللون دم الغزالة

و نطقت : اهههخ يا يمه اشتقت لرماح
رهيفة : كله من وراء هذيش البريعصي بس الصبر يابنتي لين ينكشف الحق
سمر : لو اشوفه قدامي برتمي بحضنه واشد عليه تعبير لشوقي له يمه رماح ما يعدي يوم الا وهو يحضني ويعطيني من طيبة قلبه
رهيفة :  رماح أطيب قلب شفته شجاع ولا يخاف ويضحي بروحه وقلبه رهيف
سمر : انشهد كذا عندي احساس انه بيجي اليوم مدري كأنه قلبي يقولي
رهيفة : ان شاءالله لكن ماظنتي
فدول ع صوت بوري السيارة وطلعوا مبارك و عياله مصطفين بهيبتهم و اسلحتهم تعانق سماها يستقبل اخوه اطلق السيف ووراه
اخوانه : ارحبوا ارحبوا بتراحيب المطر
وسمر وامها استقبلوهم بريحة العود المنتشرة
نزل سطام وعياله عقاب وولده يبلغ من عمر ثلاث سنوات سياف وعمه حزم ويليهم امهم قمراء و بناتها قصيد و العنود
مبارك : ارحب يا عضيدي توه ما نورت السعودية اقول من وين جاء النور
سطام احتضنه بشوق : البقى البقى يا عضيدي النور نورك
السيف احتضن عقاب ويربت ع ظهره ونطق : ماشاءالله ولد مين ذا 
عقاب مسك يد سياف : ولدي
السيف : ما شاءالله ماشاءالله متى اعرست و متى خلفت ولا درينا
عقاب ضحك والله صارت
السيف : مين تعيسة الحظ
عقاب ضربه ع راسه بخفه : اعقب والله من الجماعة هناك لكن الله يرحمها
السيف فهمه : الله يرحمها يالخوي
وسلموا ع الاكل ورحبوا فيهم

"عند الحريم"
قمراء حاضنه رهيفة ونطقت : ولهت عليتش لش وحشه
رهيفة : ما يوحشك غالي حياكم حياكم تفضلوا
سمر حضنت العنود و قصيد مع بعض وهم مستانسين ونطقت : بنات اخيرا صدق لقد هرمنا
البنات ضحكوا عليها وجلسوا مع بعض 
سمر : بنات نسيت عن اشكالكم تغيرتوا حليتوا زيادة ماشاءالله
قصيد استحت ونطقت : والله انتي محلوه تهبلين
العنود : اي ماشاءالله
سمر : اي صح تذكرت اخذت لكم هدايا بجيبها
وركضت تجيبها ورجعت لهم ومدت المخور الاحمر لقصيد و الأزرق للعنود ونطقت وجبت لكم بعد مخمرة فواحة واعطتهم حضنوها ونطقوا : تسلمين يقلبي مره تجننن
سمر : حبيبي تستاهلون عاد والله الحمدلله جيتوا وبتستقرون هنا وبتنا جنب بعض وكل يوم نتجمع
العنود : الله تخيلت
دخل سياف يركض عندهم متوجه لجدته قمراء وارتمى بحضنها
رهيفة : ماشاءالله من ذا ؟
قمراء : حفيدي ولد عقاب الله يرحم امه ولدته و توفت
رهيفة : الله يرحمها
قمراء : امين
قمراء : الا بسألش كم صار عمر سمر
رهيفة : اربع و عشرين
قمراء : ما شاءالله اذكرها صغيره والحين بسم الزواج وتجنن البنية
رهيفة ضحكت بخجل : اي ما شاءالله بس والله اشوفها بعيوني طفلتي وهي اخر عنقودنا غالية علينا
قمراء : ايه الله يحفظها لكم
رهيفة : شوفي ذا العود الازرق يجنن اخذته لش من شميته عرفت انه بيعجبش وجبت لش معاي وجلابيات بعد
قمراء : يروحي كلفتي ع نفسش ماله داعي
رهيفة : لا وين يا أخيتي تيجي عندي و ما اهديها مو من عوايدنا
قمراء : الله يسعدش يارب قولي امين
رهيفة : امين يروحي