Gecə saat ikidir
Bir azdan dörd olacaq
Yenə bugünki sevgi
Sabahkı dərd olacaq
Yenə pişik miyoltusu
Yenə çaydan buxarı
Yenə Allah çağıracaq
Bizi bir-bir yuxarı
Yenə hər şeyin üstündən
Zaman gəlib keçəcək
Yenə dərdli fikir kimi
Qoca dağların başından
Duman gəlib keçəcək
Yenə səhər açılacaq
Qaranlıq çıxacaq yoxa
Yenə əynimi dəyişib
İş adıyla gedəcəyəm
Səni... səni... unutmağa
