"عشق بين طيات الماضى 🖤"

الفصل السابع🧡

قبل متبدئوا قرائه ادعوا بالرحمه والمغفرة لأحمد رفعت وانه ربنا يردله حقه فى أقرب وقت🖤
««««««««««««««««««««««««««

″ بعض الاسرار من الافضل ان تبقى مختفية فى القلوب وتندفن برفقتنا ، فمجرد ظهورها تعود بجراح قديمه حاولنا لسنوات ردمها بالتراب ودفنها بزوايا قلوبنا المظلمه ″

                    ______________________

فى″ اسبانيا ″

فتحت باب الفيلا بهدوء شديد بينما تغزو ملامحها القلق من استيقاظ والدها ..

زفرت براحه فور ان وجدت المنزل خالى فصعدت على الفور لغرفتها قبل ان يستيقظوا ويشعروا بها وهيا عائده بعد منتصف الليل..

زفرت براحه فور ان دخلت غرفتها واغلقت الباب خلفها وهيا تلقى باغراضها باهمال بينما خلعت حذائها ارضا وهيا ترتمى بجسدها اعلى الفراش بتعب وارهاق..

تشعر بالضيق من تحكمات والدها الشديد اللتى تجبرها على تلك التصرفات اللتى تبغضها والهروب من المنزل دون معرفته والعوده بعد ان يخلدوا للنوم ..

انتفضت من مكانها بفزع فور ان فتح باب غرفتها فجأه خوفاً ان يكون والدها ولكن هدئ قلبها وهيا ترى والدتها من تدخل الغرفة..

اردفت والدتها بضيق من تصرفات ابنتها
_ برده خرجتى صح ؟؟

تحدثت ديما بعناد ولا مبالاه
_ no estoy haciendo nada malo ( انا مبعملش حاجه غلط)

نطقت والدتها سيرا بسخرية:
_ طب اتعدلى وانتى بتتكلمى وقلتلك مليون مره طول متتكلميش معايا غير بلغتنا

_ انتى عاوزه اى دلوقتى يا ماما ، انا تعبانه ومحتاجة استريح

اقتربت منها والدتها وهيا تربت على كتفها بحنان وهتفت بحنو :
_ ديما حبيبتى عشان خاطرى بلاش تعاندى باباكى ، هو عايز مصلحتك صدقينى

لمعت عيناها بدموع وهيا تبعد يد والدتها عنها بفتور بينما تعطى لها ظهرها وهيا تهتف بجمود :
_ هو مش بيخاف غير على نفسه وانه محدش يعرف سره بس انا ومشاعرى مالهومش لازمه .

_ مش حقيقى ، باباكى ميهموش حاجه فى الدنيا غيرك انتى واخواتك ..

استدارت ديما بغضب وهيا تردف بوجع :
_ اه فعلا ، عشان كده طول عمرى عايشه عارفه انه عندى اخت بشوفها صور بس وهيا حتى متعرفش حاجه عن وجودى ويمكن برده من حبه لولاده ساب بنته زمان وهرب ولا عشان كده برده بعت سام مصر ومهتمش بيه ولا هيعمل اى فى بلد عمره مراحها قبل كده .

اكملت بوجع حقيقى يغمر قلبها :
_ ولا يمكن عشان كده اجبرنى ابعد عن حازم عشان ميعرفش انا مين ولا بنت مين ، دا حتى مسابنيش اروح اودعه قبل ميمشى ..

مسحت دموعها بكف يدها وهيا تردف بفتور :
_ حاتم العجمى مش بيفرق معاه غير نفسه وان سره مينكشفش ، غير كده احنا بالنسباله عرايس مسرح بيحركها زى مهو عاوز وعشان مصالحه تمشى ..