Rewriting destiny [SB19 - STELLJUN AU]

PART IV: BOX

Kakatapos ko lang maligo, bubuksan ko na sana ang pinto ng kabinet, para kumuha ng isusuot ko. Nang magulat ako sa malakas na kalabog, may bumagsak kasi galing sa taas ng kabinet.

Napahawak pa tuloy ako sa dibdib ko, masyado na atang napaparami ang pag inom ko ng kape, kaya masyado na akong kabado at magugulatin.

Yumuko ako para tignan ang bagay na nahulog.

"Bakit nandito pa ito?" Tanong ko sa sarili nang kuhanin ito.

Teka ito yung box na, pinaglagyan ko ng mga bagay bagay nung high school ako ah.

Pagka bukas ko ng kahon, bumungad agad ang mga laman nito. Napangiti tuloy ako ng makita ang mga lumang larawan naming mag kakaibigan nung High school.

"Ito yung kakatapos lang ng class picture namin, tapos nag request kami ng group photo mag kakasamang lima." Napangiti tuloy ako habang pinag mamasdan ang litrato. Sobrang bata pa kasi namin dito, at kumpleto pa kaming lima sa larawang ito.

─── ⋆⋅✧⋅⋆ ───

"Christmas Party namin to ah." Sabi ko ng kuhanin ang pangalawang litrato sa kahon.

Bigla naman akong natawa ng maalala ang kalokohan naming lima. Pabida din kasi kaming mag babarkada, kaya nag presinta kaming mag intermission sa harap. Kaso sa kasamaang palad na tapilok ako, buti nalang binuhat ako ni Pablo...