U~
" အား.... "
'သုတ' 'ခမ်း' ၏ဆေးရုံခန်းထဲ ဝင်ရန်အလုပ်တွင် ဆေးရုံခန်းထဲမှ ထွက်ပေါ်လာသည့် အသံကြောင့် 'သုတ' သာမက အခန်းပြင်မှ ကိုယ်ရံတော်လေး
ယောက်ပင် ပြေးဝင်ကြသည်အထိ....
အခန်းထဲရောက်တော့ ကုတင်ပေါ်တွင် ထိုင်ငိုနေသည့် 'ခမ်း' နှင့်အတူ ဘေးတွင် မျက်နှာပျက်နေသည့် ဆရာဝန်တစ်ယောက်... 'သုတ' ရှေ့က ပြေးဝင်သွားသည့် ကိုယ်ရံတော်နှစ်ယောက်မှာ ချက်ချင်းပင် ဆရာဝန်အနားရောက်သွားကာ
ဘယ်ကထွက်လာမှန်းမသိသည့် ဓားတို့ဖြင့် လည်ပင်းကိုထောက်ထားကြသဖြင့် ဆရာဝန်မှာလည်း ကတုန်ကယင်ဖြစ်နေရသည်အထိ...
" မောင်.. "
'သုတ' ၏ခေါ်သံကြားတော့ 'ခမ်း' ကပို၍ပင် တအိအိအော်ငိုလာကာ 'သုတ' အနားရောက်သည်နှင့် 'သုတ' ၏ရင်ခွင်ထဲ မျက်နှာအပ်ကာ ပွေ့ဖက်လာသည်။
" မောင် ဘာဖြစ်တာလည်း ကိုယ့်ကိုပြော "
" မောင်က..အင့်! မောင်က ဆေးမထိုးဘူးလို့
ပြောတာကို မထိုးလို့မရဘူးတဲ့ အီးဟီး...
မထိုးပါဘူးဆို လက်ကိုလာဆွဲတယ် "
'ခမ်း' ၏စကားကြောင့် ဆရာဝန်ဘေးမှ ကိုယ်ရံတော်နှစ်ယောက်က ဓားတို့အား ပြန်သိမ်းလိုက်ကာ အခန်းပြင်ကိုထွက်သွားကြသည်။
ကျန်သည့်နှစ်ယောက်ကတော့ မလှမ်းမကမ်းတွင်သာရပ်နေကြကာ ထွက်သွားခြင်းမရှိ...
" မောင်.. ဆေးထိုးမှ ပျောက်မှာလေ... မဆိုးရဘူးလေကွာ "
" ဟင့်အင်း... မထိုးဘူး..."
" ခဏလေးပါပဲကွာ... ပုရွက်ဆိတ်ကိုက်သလောက်တောင်မနာဘူး "
" ဟင့်အင်း... နာမှာ.. နာမှာလို့! မထိုးပါဘူးဆို! "
ရင်ခွင်ထဲ အတင်းတိုးဝင်ဖက်တွယ်ကာ ရှိုက်ငိုနေသူကြောင့် ဘာလုပ်ရမည်မသိ....ဆရာဝန်ကလည်း အတော်လန့်သွားပုံရကာ ဘေးတွင်ရပ်နေသည်မှာ တုတ်တုတ်မှပင်မလှုပ်...
" မောင်... "
" ဟင့်အင်း... "
" ကိုယ်အနမ်းပေးမယ်ဆိုရင်ကော.. "
" ဟင်! "
" နာမှာကြောက်ရင် ကိုယ့်ကိုနမ်း "
YOU ARE READING
You're My Beloved ( COMPLETE )
RomanceMyanmar × BL Uni/Zaw [ 3 ] Warning..... My Best Friend Becomes My Husband Season 2 Start Date: 20.11.2023 End Date: 30.1.2024 Photo Crd
