فلتسميه جنون عاشق لا يريد سوى ضحكة منك

البارت التاسع

دخل للبيت يسمع صوت الضحك بالصالة و ابتسم يسكر الباب و يتقدم لهم و حط الشنطة و ناظرهم فالمطبخ و قال : وش طابخين اليوم ؟
تركي بحماس : باستا وردية
عكر حواجبها : ليش وردية نبي زرقاء حنا اولاد
نجد : عشان البنت اللي معكم
ابتسم يناظرها : يا حلو البنت اللي معنا
ابتسمت له و راح تركي لمقرن : يالله بابا غسل عشان ناكل انا مرا جوعان
ضحك مقرن و قام يبدل و يغسل و نزل يشوفهم يجهزون الطاولة و يحطون الاكل و جلسوا و بدو ياكلون و كان تركي بحكي لهم عن المدرسة و ايش يسوي فيها و كانوا جالسين و مستمعين له مثل ما تعودوا كل يوم و من خلصوا قاموا و قال تركي : ماما ابي انام
ناظرته : تأخر وقت النوم
تركي : ماما تكفين بكرا ويكند خليتي انام
تنهدت و قال مقرن : خليه ينام أبيك انا
توردت ملامحها و قالت و هي تناظر تركي : ساعه بس
ضحك بحماس : اخيرا و ركض يروح لغرفته ينام
و ناظر لها تشيل الاغراض و تدخلها المطبخ و تقدم يساعدهاو دخلوا المواعين الغسالة و غسلوا و من خلصوا حاوطها و حط ايدينه على الطاولة و ناظرها من كانت لابسه فستان باللون الاسود ضيق و ماسك على جسمها و نحره الواسع و قرب وجهه لعنقها يستنشق عبقها : تجننيني
عضت شفايفها بتخدر من كانت تحس بقبّلاته على عنقها : مقرن
ناظر لعيونها : انا دايخ و ذايب اللي قدامه انتِ صعب يصبر عنك
ناظرته تحاوط عنقه : لا تصبر
ابتسم و نزل يده لتحت ركبتها يشيلها و ناظرته بخجل تحاوط رقبته : مقرن
ناظرها : انا بعالم ثاني الحين انا غرقان
ابتسمت و مشى معها لغرفتهم و سكر الباب يقفله و نزلها على السرير و ناظرها بابتسامه و نزل يقبلها يغرق معها مثل ما يحب يعبر لها عن حبه لها بالطريقه اللي يحبها بوصلها و ناظرته تهمس باذنه : انا حامل
ناظرها امامه تعض شفايفه بخجل : وشو اللي سمعه
حاوطت عنقه : انا حامل
ابتسم يضحك : بالله ؟
ابتسمت : والله
و قوب يبوسها يبوس كل انش بوجهها : اجمل الاخبار
استحت و قبّلها يرجع من جديد يبدأ معها بالوصل بجنون و عنف لانه مو مصدق اللي يعيشه معها من عشق و هيام

-

طلعت من الكوخ تسكر الباب و تقفله كويس تمشي و ابتسمت من سمعت طارق اللي يقول : ما لحئنا نعئد معكم ليش هيك معجلين
مرهف : والله ودنا نجلس بس والله و رانا خطبه بعد و غمز لهم يأشر على كيان
نسرين : والله يوفقكم بس ما تغيبوا علينا كتير
كيان : حاظر بنجيكم باقرب وقت
سمير : ما تنسوا تعزمونا على عرسكم
مرهف : انتم اول الناس
ابتسموا لهم و ودعوهم و راحوا يركبون السيارة متوجهين للمطار و نزلوا ياخذن شنطهم و دخلوا ءللمطار يدخلون شنطهم للشحن و دخلوا لبوابة الطيارة يركبونها و جلسوا بجانب بعض و ناظرها : قاعد اعيش احلامي انتِ جنبي خطيبتي متوجهين للرياض
ناظرته : ويمكن اهلك يرفضوني مو يمكن اكيد
تنهد : انا اللي باخذك و بعيش معك مو هم 
ابتسمت :  وش اسوي عشان اوفيك حقك
ناظرها بحب : تزوجيني و عيشي معي
كيان : يا حظي فيك والله
ابتسم : يا حظي انا والله كل ذا لي انا
ابتسمت و ناظرت قدام تشوف اقلاع الطيارة و نزلت راسها تشوف الخاتم اللي متوسط اصبعها و وصلوا لارض الوطن الرياض و من وقفت الطيارة نزلوا و وقفوا ياخذون شنطهم و مشوا يركبون السيارة متوجهين للبيوتهم و من وصلوا نزلوا ياخدون شنطهم و ناظرها : اجمل ايامي هالفترة كنت احتاج هالسفرة و معك تحديدا
ناظرته : انبسطت بس احس ما امدانا نجلس
مرهف : نرجع لهم ان شاء الله بشهر عسلنا
ابتسمت : باذن الله و ناظرت لبيتهم : مع السلامة
ابتسم : مع السلامة
راحت تدخل للبيت و هو ناظرها و دخل لبيته و دخل للصالة يشوفهم مجتمعين : مسهم بالخير
ناظروا و سلموا عليه و قال عبدالله : ها كيف الامور
مرهف : كل الامور تمام
عبدالله : الحمدلله
و جلسوا يحكون عن الشغل و الاشياء اللي صارت و من خلصوا قال : يبا
عبدالله : هلا
مرهف : ابي اخطب
عبدالله : بما انك قلت الحين اجل في وحدة ببالك ولا ؟
ابتسم مرهف : ايه والله في وحدة ببالي
عبدالله : ومين ماشاء الله
مرهف : كيان بنت جارنا و تكفى يبا لا ترفض
عكر حواجبه عبدالله : وليه ارفض ؟ بنت دارسه و فاهمه و سنعه و بنت اصول ايه ارفض انك تخطبها
ابتسم مرهف بحماس : صدق يبا ؟
عبدالله : ايه والله صدق و الحين بكلم عمها و نشوف و طلع جواله و دور اسم مشاري و لقاه ودق و من رد قال : ابو عبدالعزيز
مشاري : هلا والله
عبدالله : اعذرني لو ازعجتك بس في موضوع ابيك فيه
مشاري : تفضل
عبدالله : والله حنا طامعين بالقرب منكم من بنتكم كيان لولدي مرهف
مشاري : و هذي الساعة المباركة نشاورها بس و نرد لكم خبر
عبدالله: على خير ان شاء الله
و قفل منه و ناظر لمرهف : و كلمناه ها صدقت
هز راسه بابتسامه و ناظر لامه اللي كانت ملامحها معصبه و ابتسم