فلتسميه جنون عاشق لا يريد سوى ضحكة منك

الـبـارت العـاشر

نزل من غرفته للصالة و ناظرها جالسة على جوالها و جلس جنبها : اختي العزيزة
ناظرته : وش عندك ؟
مرهف: بسالك وش اسم الموقع حق الرسم
عكرت حواجبها : ليه
مرهف : ليه يعني بشترك
فزت العنود بحماس : قول والله بتشارك
مرهف : والله يالله جيبي
هزت راسها و فتحت جوالها : وش اللي خلاك تقتنع ؟
ناظرها : الحب قالت اذا شاركت بنعقد فبشارك
ضحكت العنود : والله يا انه كيان ممشيتك صح
كشر : اخلصي عطيني الموقع لا اهفك
فتحت الموقع : افتح الايردروب برسلك
فتح جواله و شفغل الايدروب و جاه الموقع و ناظره بابتسامه : شكرا يا اختي العزيزة
ناظرته : العفو
ناظرها شوي ثم قال : انتِ ليه ما رحتي الدوام ؟
العنود : مالي خلق
كشر : دلع اعوذ بالله
كشرت بوجهه : اخي العزيز ممكن تنقلع
ابتسم : اصلا بروح وراي وجهِِ حسن اشوفه
العنود : روح روح
طلع من البيت و ركب سيارته و تأفف : نسيت اخذ شاهي يالله و مشى يدور محل يبيع شاهي و ناطر للترك اللي يبيعون شاهي و وقف عندهم يفتح الشباك : ابي واحد شاهي نعناع
هز راسه الموظف و سواه له و اعطاه الكوب مع سكر و ملعقه و دفع مرهف حق الشاهي و مشى يتوجه للفندق و وقف عند الباب و اعطى الموظف المفتاح و دخل للفندق و هو يشرب الشاهي و ضغط على المصعد يرقى لدور الادارة و مشى لغرفتها و طق الباب و عكر حواجبه من ما يسمع رد و فتح الباب و ما لقاها و طلع يشوف سكرتيرتها : وين كيان ؟
السكرتيره : ما داومت اليوم
مرهف : ليه
السكرتيرة : ما اعرف والله استاذ مرهف
هز راسه و تنهد و دخل لمكتبه و فتح جواله و ارسل لها [ صاحية ؟ ]
و سكر جواله من طولت بالرد و مرت دقايق ثم فز من جته رسالة منها [ صاحية ]
مرهف [ اقدر اكلمك ؟ ]
كيان [ كلمني ]
ابتسم يضغط على رقمها و دق عليها وردت عليه : هلا مرهف
مرهف : وينك عن الدوام ؟
كيان : شوي تعبانه
فز : وشفيك يا عروق قلب مرهف
ابتسمت : بطني يألمني و نفسيتي شوي تعبانه
مرهف : بسم الله عليك بس فقدتك دخلت ادورك مالقيتك
كيان : اشتقت لي ؟
مرهف : مرا ميت من الشوق و كان عندي لك خبر حلو
كيان : وش الخبر ؟
مرهف : ساراك في المسابقة
ابتسمت بفرحة : صدق ؟
مرهف : والله
كيان : مرا ابسطتني
مرهف : جعله دوم ها متى نعقد ؟
كيان : والله ما توقعت
مرهف: لا تتهربين
ابتسمت : ١٥ من الشهر
مرهف : حلو بعد اسبوعين عجبني الموعد
ابتسمت تسكت و سمع سكتوها و عارف انها متضايقه : احسك للحين زعلانه ؟
كيان : متضايقة مرا ما احب اتعب احس اني ضعيفه و انا ما احب الضعف
مرهف : انتِ مو ضعيفه و الحين علميني كيف ابسطك و اعدل مزاجك؟
ضحكت و قالت بطقطقه : ابغى من كل نوع ورد باقة و كل باقة لون
ضحك : حاضر
كيان : طيب حبيبي بروح اخذ علاجي تبي شيء ؟
مرهف : لا تقولين حبيبي ترا اتخدر
كيان : حبيبي يا حبيبي
ضحك : مستفزه يالله روحي لا اعلمك كيف تقولين حبيبي
ابتسمت و سكرت منه

-

وقف عند بيت اهلها و اتصل عليها : يالله قلبي اطلعي انا برا
ردت عليه : يالله ثواني
سكرت منها و ناظر للباب يشوفها تطلع و تسكر الباب و ناظرها تركب جنبه و قالت بحماس : بيبي مرا شكرا انك جيت تناظر الفيلم معي الكل رفض يروح معي
ناظرها متعب بتخدر : انا بيبي ؟
ضحكت و ناظرت لقدام و ابتسم يمشي متجهين للسينما و لف عليها : ما تضايقتي ؟
ناظرته بعدم فهم : من ايش ؟
ابتسمت تشابك يدها بيده : لا بيبي عادي و اصلا ما يهمني المكان الاهم اني اكون معك و بعدين انا احب خواتك يعني مرا حلو لو بجلس معهم و في نوف بعد مرا كتكوته
رفع كفها يدرسه : يا بخت متعب والله
ابتسمت و وصلوا للسينما و نزلوا و وقف السيارة و نزلوا يمشون مع بعض و اياديهم متشابكه و دخلوا للسينما و وقفوا بالطابور ياخذون لهم بوب كورن و لف عليها : اي نكهه ؟
ناظرته : كراميل
هز راسه : مشروبك ؟
شوق :سلاش مكس
طلب لهم نفس الشيء و مشوا للقاعة و ناظرها فاضية و قال : متوقع لان محد يجي هالافلام الا حنا و العصر بعد
حاوطت ذراعه : احلى شيء
جلسوا على كراسيهم و ناظروا للاعلانات و لف عليها : متحمسة ؟
شوق : بموت من الحماس
بدا الفيلم و ناظروا بانتباه بداية الفيلم الوثائقي اللي تحكي عن حياة النمر الابيض و كيف عيشته و ايش ياكل و وش بيئته منذ الولادة لين كبر و كيف يتكاثر و كيف ينام و يصحى و حطت راسها على كتفه تناظر الفيلم بانتباه تناظر النمر اللي يمشي و يتحرك ياكل و يشرب كان تناظر بدقة و كانها تدرسة