فلتسميه جنون عاشق لا يريد سوى ضحكة منك

البارت السادس عشر

فتح باب جناحهم و صرخ : جوسي تعالي خذي و دخل لجناحه : يالله نوف تاخرنا
هزت راسها : يالله
طلعوا من جناحهم ينزلون و قالت نوف : يالله خالي و خالي تبون شيء
ابتسموا لهم و قال مشاري : لا استودعناكم الله
عبدالعزيز: يما تبين شيء ؟
ابتسمت طرفه : سلامتك توصلون بالسلامة
ابتسموا و طلعوا من البيت و فتح عبدالعزيز الباب الخلفي يركب غيث و ناظر لجوسي اللي رميت الاغراض و ركب قدام و شغل السيارة يمشون متوجهين لطريق الدمام و رفعت يدها نوف على بطنها اللي كبر و ناظرها : تعبانه ؟
نوف : مرا تعبانه بس ابي اولد حملي بغيث كان افضل و اخف ذا اغث
ابتسم عبدالعزيز : الله يسهلك و يجي فايز على خير و بصحة و عافية
تنهدت : يارب
قرب غيث لهم : ماما و بابا مين تحبون انا و لا فايز ؟
ابتسمت نوف : طبعا بكري و ما الحب الا للحبيب الاولي
ابتسم غيث و قال عبدالعزيز: وانا ؟
كشرت : تراكم اشغلتونا مين يحب و مين احب
ضحك عبدالعزيز: صدق نوف تحبيني اكثر؟
ناظرته : لا ما احبك عشان كذا انا حامل بولدك
ضحك : منطق الصراحة
وقف عند المحطة يعبي بنزين و قالت نوف : عبدالعزيز
ناظرها : سمي
نوف : ابي اولد
ضحك : هانت ما بقى شيء
تنهدت : كله منك يا عبدالعزيز اخر مره
عبدالعزيز : تراك لما ولدتي بغيث قلتي كذا
كشرت نوف : عبدالعزيز لا تكلمني فاهم
ضحك : ابشري ماراح اتكلم
شغل السيارة و مشى فيهم و كان طريق مليء بالضحك و كان عبدالعزيز منتبه للطريق خايف بانه يتكرر الحادث و كان طول الطريق يرجف خايف من الغفلة و حس بيدها تشابك يدها بيده : لا تتوتر
ابتسم : خايف عليك و على غيث
شدت على يده : لن يصيبنا الا ما كتبه الله لنا لا تخاف يا عيني
ابتسم : ابشري و وصلوا لبيت ناديه و نزلوا مع بعض ينزلون الاغراض و ضغطت نوف الجرس و فتحت العاملة الباب و قالت : madam nouf welcome
ابتسمت لها نوف و دخلوا كلهم البيت و ناظرتهم نادية بفرحة : يا هلا بعيالي يا هلا
ابتسموا يسلمون عليها و قالت نادية : اخيرا يا عبدالعزيز زرتنا
ابتسم : والله يا خالتي انتِ على البال دايم بس الطريق يتعب
ابتسمت : عاذرتك يا وليدي المهم طمني عنك
دخل عز ( اخو نوف ) : حي الله النسيب
قام عبدالعزيز يسلم عليه : حيه ابو نسب
جلسوا و قال عز : حي الله اللي ساحبة علينا
نوف : والله مو ساحبه انتم بعيدين مرا
عز : والله محد قايلك تاخذين واحد من الرياض
ناظرت نوف عبدالعزيز : العشق
كشر عز : يا شينك يا نوف انكتمي
ابتسمت نوف و قال عز : كيف الدوام يا عبدالعزيز
عبدالعزيز: والله الحمدلله كل امورنا ماشيه انت كيفك مع الحياة و الدراسة
عز : من حفرة لدحديره
ضحك عبدالعزيز : افا
عز : والله هذا الحاصل
نزل ناصر ( اخو نوف ) : يما و شاف نوف : يا هلا بام كرش
كشرت نوف : خير
ضحك ناصر : وش هالبطن متاكده انه بس واحد
ناظرته بطرف عين و قال : والله نوف وشذا البطن شكل بطنك بحملك بذا الخايس افضل
ناظرت نوف لغيث : لا تقول عن ولدي خايس لو سمحت
ناظرها بطرف عين : اقول بس انقلعي و ناظر لعبدالعزيز : اهلا ابو نسب وينك اشتقنا
ابتسم عبدالعزيز : والله موجودين انتم اللي ايش ما تجوون
ناصر : ما نتخلى عن الدمام نعتذر
عبدالعزيز: والله محد يقدر يتخلى عنها لو علي كان جلست هنا
ابتسموا له و ناظر ناصر لغيث : ورع
ناطره غيث : نعم
ناصر : وشو نعم قول لبيه
كشر غيث : انت مين
ضحك ناصر : حلو الولد نساني انا خالك
ناظره غيث : طيب
ضحك عز : ولله مرا ماله خلقك
ناظره ناصر : شفت
عز : طيب غيث مين انا ؟
غيث : اخو ماما
هز راسه : حلو اخو ماما يعني مو خالك
هز راسه بالنفي و ضحكوا نوف و عبدالعزيز على حركات غيث اللي اول مرا يشوفونها