عشق الملوك

part 5

" جدو انت قمر كدا ازاي"
كان هذا صوت غزل الذى لاحظت توتر شقيقتها فاردت تغير الموضوع وقد نجحت عندما انفجر الجميع من الضحك علي عكسه الذي نظر لها بهدوء ولم يرد فقالت وهي تمد له كوب العصير
:اصلي حبيتك وانت بتتكلم كدا حسيتك جينتل مان تيتا يابختك بيه متدهوليش اخليه معايا شوية يضرب كل اللي يديقاني اصل قلالات الذوق كتار في الجامعة الايام دي

تحدث الاكبر بهدوء:اللي يحاول يديقك بلغيني باسمه
غزل وهي تتحضنه بقوة صدمة الجالسين: حبيبي ياجدو خلاص اتفقنا بس هات رقم تلفونك
روح باحراج : غزل كفايه كدا
غزل: ليه كفايه ليه جدو معندهوش مشكلة
سميه بحدا: غزل
غزل وهي تهمس للاكبر: متقلقش هجيلك تاني لازما اعرف مين في عيلتكم كان حلو كدا عشان يطلع النسل بالجمال دا والكاريزما دى بس بامانه في شوية في ولادك مش واخدينها
ابتسم الاكبر رغما عنه فتلك الفتاة تركيبه غريبه لم يراها من قبل عكس سام الذي لمعت عيناه بغضب همس له ياسر كاتما ضحكته: بقت في حماية ابوك وريني هتقربلها ازاي
سام وهو يبتسم بخبث: هتعرف ياياسر اصبر واتفرج
روح: انا اسفه هيا غزل عفوية شوية
نظر لها الاكبر بهدوء تام ثم لسميه الذي قالت: احنا موافقين
واخيرا تحدث بدر: تمم نقدر نقرا الفاتحة انهاردة ونكتب الكتاب والفرح بعد يومين
ابتلعت روح تقول بهدوء: انا مش عاوزه فرح
نظرو لها الجميع فاكملت سميه: يعني يبقا بينا وبين بعض ملهوش لزوم لفرح كبير ومعازيم
بدر: والسبب
روح:من غير سبب يااستاذ بدر كل الموضوع ان حابه دا يبقي عائلي لانى مبحبش الدوشة والاغاني والزحمه بس دا بعد اذن حضرتك
وجهت حديثها للاكبر الذي قال بهدوء:موافق
هم لم يعارضو علي المده فاسميه تريد تامين حياة بنتها باسرع وقت ممكن واخيرا قد قراؤ الفاتحة  وكل شاب عيناه علي حوريته الذي لم يعلم لما عيناه ذهبت لها تلقائيا عندما بدا بقراءة الفاتحة
اما غزل فهي لم تترك الاكبر او بدر بل بقت تسال اسئلة كثيرة ولم يقابلها من الاثنان سوي نعم او لا
انتهت المقابلة باسلام حتى بدأ الجميع بالرحيل حتى وقف باسل امام ليان يردف بابتسامة وهو يمد يده بشئ:تلفونك وقع منك وانتى هناك انا اسف مقصدش اقرا اللى مكتوب هو كان مفتوح
خجلت ليان عندما اخذته منه بهدوء
خرج من المنزل يلحق بالباقي
فامسكت سميه غزل من ياقة ملابسها كا من امسك حرامى: بت انتي لسانك هيقصر امتي
روح: سيبيها ياماما
غزل: حبيبت قلبي
روح: اصل ليا حساب معاها
اسيل: احلي حاجة التلقيح كان جامد يابت باغزل
غزل: وفاديته ايه هتعلق دلوقتي
اسيل: خلاص ياطنط سيبنا نهيص ونشهيص شوية دا بعد بكرا كتب كتاب اجمل عروسة
رغد:بكرا ننزل نجيب فساتينا وحاجتنا ايه رائيكم
اسيل: فكره تجنن
غزل: طب حجه سميه ممكن تسيبني برستيجي لو سمحت
                   ♡_____________________♡
تحدثت الجدة وهي تجلس علي الاريكة براحة
: بنات زي القمر بصراحة حبيتهم
خالد: هيشرفولك القصر قريب ياست الكل متقلقيش
قال كلامه وهو ينظر للشباب الذي قابلوه بنظرة غاضبه فاكتم ضحكاته عليهم وعلي غضبهم الغير مبرر
اما ذلك البارد صعد لجناحه بجمود دخل ليجد ابنته تربع يدها بغضب: كنت فين بقي
خلع جاكيته واضعا ايه علي الاريكة باهمال مقتربا منها قائلا: مش طلبتي مني ان اجبلك ماما
لمعت الفرحة بعيناها وهي تعانق رقبته ترمي جسدها عليه: احلي باباااااا يعيششش
حاوطها بيده قبل ان تقع قائلا: كل طلبات اميرتي اوامر
قبلت خده بقوة وهي تعانقه قائلة: بحبك جدا باباااا
ابتسم الاخر ابتسامته الجذابة قائلة: وانا بموت فيكي ياروح بابا
تحدثت بسعادة: انا هروح لتيتا اقولها
هربت الصغيرة وهي تركض بسرعة فقال بهدوء: براحة ياالين هتقعي
اومات له وهي تذهب سريعا نظرة بجانبه لرؤية صورة زوجته مقتربا منها وهو يضع يده علي وجهها:انتى عارفة ان بعمل كدا غصب عنى ألين محتاجة لام وانتى مش موجودة بس هتفضلى في قلبى طول العمر
                      ♡__________________♡
تقف امام النافذه تنظر للخارج بشرود  تفكر بحياتها القادمة مع بدر وكيف ستكون او ستعيش معه وهى لا تأمن لجنس رجل
قاطع تفكيرها يد امها الذي وضعت علي كتفها نظرت لها قائلة: ايه ياماما
سميه بحنان: منمتيش ليه ياحبيبتى
روح:ماما انا مش حابه اخبي عنك حاجة
سميه: وانا متعودتش انك تكدبى عليا
روح: انا هتجوزه عشان بنته عشان ابقي ام ليها انا عارفه دا وراضيه بيه ومش محتاجة اكتر من كدا
سميه: طب وهو عارف انك مطلقة
روح: اكيد يعني ما انا كاتبه في دوسيه بتاعي اللي مقدمة بيه شغلى مطلقة
سميه: بس هيا مش بنتك عشان تبقى راضيه اوي كدا
روح: هيا اه مش بنتي بس لما بشوفها برتاح قلبى بيطمن يمكن ربنا بعتها ليا ياامى عشان يهدى وجعى
سميه:بس وانا خايفه عليكى ياروح
روح: خليها علي الله ياماما متخفيش بنتك تقدر علي اي حاجة
سميه: لما امشي حطي عينك علي اختك متسيبهاش
روح: متخفيش ياماما زي ما حميتها وكنت صغيره هحميها وانا كبيرة
عانقتها وهي تخفى دموعها كيف  تخبرها بانها مازالت بخطر هي وشقيقتها كيف ان تخبرها بانها ستضحي بحياتها حتي لا تعيدهم لاعمها الظالم وابنه المجنون الذي دمر طفولتها ويسعي لتدمير مستقبلها بدافع يسمى الحب
                      ♡____________________♡
اشرقت شمس اليوم التالي بدات أحداثه  باهذا الرجل الجالس علي كرسيه يدخن سيجارته واضعا قدم فوق الاخري يوجهة كلامه بصوته الغليظ الحاد :اسمع ياابراهيم انا صبرت سنين عليك لو بنتك مظهرتش هتدفع انت تمن
ابراهيم بخوف:صدقني هتظهر انا مش ساكت وقريب هلاقيها
نهض بغضب وهو يضرب الطاولة بيده:سنين بتقول نفس الجملة اسابيع قليلة لو ملقتهاش اعتبر نفسك في السجن
اوما له برعب يقول:اومرك ياباشا
اشار له ليرحل الاخر وهو يتنهد براحة عائدة لمنزله استقبلته زوجته تقول بقلق:قالك ايه
ابراهيم:قالي اسابيع لو ملقتهاش هدفع انا التمن
جلست تندب حظهم:ليه كدا يااسيل يابنتي تشحططي اهلك وتخليهم يعانو كدا
ابراهيم بغضب:دا من دلعك المرئ فيها واقسم بالله القيها بس وهربيها بنت الكلب
تحدثت الأخرى :هربت من خوفها احنا مفهمنهاش
ابراهيم:جوزك هيقضي حياته في السجن بسببها لازم تتجوز شكرى والا انا هدمر 
                  ♡_______________________♡
تسير الفتيات بين المحلات وسط هذا الحى الشعبى وهم يرون الفساتين تحدثت غزل بملل:ياجدعان فين الاتيليه
اسيل:تعالي يابت هوديكي احسن اتيليه
روح:اسمه ايه
اسيل:الزواغى
وجدوه واخيرا بعد سير طال لمدة طويلة دخلو لتقابلهم صاحبة الاتيليه:اهلا بالقمامير اتفضلو
دخلو وهم ينظرون حولهم بدا كلا منهم بالانتشار  من يمسك الفستان الذي يعجبها ومنهم فى البروفي تري الفستان عليها
اول من انتهي رغد وروح يليها ليان وبعدها اسيل اما غزل فكانت تتذمر:ايه الريش دا راحة المزرعة اولد الفراخ
اسيل:يابنتي قيستى المحل كله
غزل:ما هو فرح اختي وانا حابه ابقي برنسيسة كدا
رغد:طب يالا تعالي نختار سوا
وبعد ان اختارت نطقت روح بصدمة:انتي راحة فرحي ولا جنازتي
غزل:ليه عشان اسود يعني دا هيا الموضة الا بكام دا اختي
تحدثت الموظفة:إيجار ٥٠٠ جينه
غزل :ليهه جايين كايرو فسيتيال دا انا في الزواغى ٥٠٠ جينه ليه بيتلبس لوحده هناخده ٢٥٠ زي اخواته ما عدا العروسه هااا
رغد:يخربيتك ٢٥٠ ايه شمعيلهم المكان احسن
غزل :اسكتي يابت انتي وهيا اهو لبسكم دا اللي طمعهم فينا
تحدثت الاخري:والله ما ينفع يافندم
غزل:خلاص مش عايزين هدخل اغير
دخلت غزل تغير ثيابها وهي تتجهة للخارج فقالت روح:غزل ربنا يهديكي مش قادره الف
غزل:تحمد ربنا ان مقولتلهاش ١٠٠ جينه انا كارمها يالا منك ليها كنتم تلبيو عبايات محسسنى جايين تشوفو عرسان
خطو عدة خطوات وغزل تردف:عدو لرقم تلاته
ما ان انهت غزل قولها وجدو شاب يركض خلفهم يقول:ليه مشيتو المدام مستنياكم
ذهبو لها ورغد تقول:ملحقتش اعد
ما ان قابلو الموظفة :خلاص ياعرايس مش همشيكم مكسورين 
غزل:كل واحده تطلع ٢٠٠ جينه
الموظفة:لا كدا والله ما ينفع
غزل:ما هو لو رضيت بيهم من الاول كان الوضع اختلف
اعطها الفلوس وهم يرحلو فقالت غزل :حلو ٥٠ جينه للجذمة
فتحت الفتيات أعينهم بصدمة وهم ياخذون الفساتين متوجهين للخارج
اسيل:تربيتي البت دي
غزل:تبوسي ايدي بعد كدا
روح وهي تنظر لذلك المليكان:بت ياغزل مش دا زي فستانك
اسيل:دا نازل عليه عرض
رغد بصدمة:وب ١٥٠ جينه
غزل بغضب:بنت الجذمة تضحك عليا والله لعلقها م ودنها
وهكذا عادو بعدما هدؤ غزل بصعوبة للبيت وبأيدهم الفساتين
سميه:في ايه
أشارت لها ليان بيدها:زعلانة عشان واحده كدبت عليها
سميه:مين دي وانا اجبلك زمارت رقبتها
غزل:انا اتضحك عليا ياأمي الفستان ب ٥٠٠ جينه خدناه ب ٢٠٠ جينه
سميه بصدمة:مين اللي اتضحك عليه
غزل :انا ياما شوفتي بنتك
ضحكت روح تقول:بنتك مفترية
رغد:يالا ناكل ياجدعان انا هفتانه تعالي يابت ياليان دى عيال توجع الدماغ
                     ♡______________________♡
يوم الزفاف
رغد تقف مع العمال بعدما اصرت ان تزين حفل زفاف شقيقتها بنفسها والفتيات بالاعلي يجهزون روح
روح:كفايه يابنات انتم محسسني انه حقيقي
اسيل وهي تمسك الفرشاه :بمزاجك ولا غصب عنك لازم نفرح بيكي
غزل:انا ليا كام اخت اقعد امكيج فيها اصبري بس
أشارت ليان لهم بيدها ان الساعة قد اتت السادسة
دخلت رغد عليهم وهى تردف بفخر:مش عارفه من غيري كنتم قدرتو تزينو البيت ازاي بحجمه دا
نظر الجميع لرغد بانبهار:موزتنا
ابتسمت رغد وهي تستدير :طول عمرى
غزل وهي تنظر لرغد:والله ما خسارة فيه ال ٢٥٠ جينه
روح:ممكن كفايه روحو جهزوا نفسكم
اسيل:انا لابسه اصلا
اجلستها روح مكانها تقول:خلاص انا كدا كفايه سيبوني بقا اهتم بيكم شوية
وبالفعل بدات روح تضع لهم مستحضرات التجميل وبعدها وضعت لليان اما غزل فاوضعت لنفسها
ابتسمت ليان وهي تنظر لهم تخبرهم بلغتها انهم جمال جدا
فاعنقوها بابتسامة
روح بحنان :ربنا ما يحرمكم مني
غزل:ايه النرجسية دي اوعو انا نازلة ورايا ما هو أهم
اسيل :خديني معاكي ياختي
نزلو للاسفل وجدو الجميع مجتمع فقالت غزل بصوتا عالي:كله يبص هنا حان الان موعد نزول قمرنا
نظر لها الجميع ما عدا الجالس ببرود وهي تنزل بخطوات سريعة توقف شقيقتها تقول لها بهمس:ايه اللي بتعمليه اسكتي
ذهبت روح بخطوات بطيئة لتجلس بجانب المأذون وقبل البدء سمعو صوت خطوات تركض السلالم وهي تبكي ناحية روح:ماما هما مش عارفين يعملولي شعري بصي وحش ازاي
حاوطت روح وجهها تمسح دموعها :متزعليش انا هعملهولك
رغد:خليكي انتي انا هاخدها اعملهولها
روح:متقلقيش دقايق مش هتاخر المهم الأميرة تبقي مبسوطة
اخذتها روح تحت انظار الجميع تصعد للاعلي فقالت سميه:انا اسفه جدا روح مكنتش تقصد تسيبنا
ابتسمت الام وهى تردف بحنان:ولا يهمها
دقائق قليلة والصمت هو سيد المكان الا ان قاطعته صوت خطوات روح نظرو لها ليجدو تلك الصغيرة تتعلق بيدها
اتجهت روح لمكانها فاركضت الصغيرة لابيها تقول:بص يابابا ماما روح عملتلي ايه حلوه صح
تحدث بدر بحنان:قمر
نظر بدر لخالد الذي سحب ألين يحملها ليبدا الماذون بكتب الكتاب
الذي تم وانتهي بتوقيع روح علي عقد زواجهم
صفقت الصغيره بحماس وابتسامة سعيده فبدا الجميع يصفق بابتسامة  بارك الشباب لبدر والفتيات لروح
تتحدثون عن وجود الاب لقد كان يجلس بهدوء تام والشباب يقفون خلفه اما الفتيات فكانت خلف سميه
اشتعلت الاغاني الذي كان مصدرها تلك الشقيه بالتأكيد علمتم من هيا غزل الذي جرت الفتيات آخذين الصغيرة وهم يقفون علي مسافة بعيده باساحة القصر يرقصون
وروح تجلس بهدوء لا تصدقون انها لا تريد فهي عاشقه للفرح لاكن نظرت الجالس جانبها جعلتها لا تتحرك
ذهبت لها غزل تقول لبدر:بعد اذنك ياجوز اختي دا يوم ومش بيتكرر كتير فاهسمحلك اخطف عروستك شوية
اخذتها غزل بسرعة تجعلها تقف وسطهم وهم يدورون حولها ويصفقون ضحكت روح وهي تنظر لهم بوجهة سعيد ليس بالفرح ولا بزوجها بل بالمة اصدقائها حولها  بدات اسيل ترقص معها وهي تتجاوب بفرحة امسكت الين يد روح الذى حملتها ترقص معها بحنان والفيتات يغنون بمرح تحت انظار الجالس الذي تذكر قطعة من روحه يوم زفافهم وكأن المشهد يعاد امام عيناه هيا ترقص والضحكة علي وجهها وحولها فتيات يدورون ابتسم رغما عنه عندما رائ ابتسامتها اما الباقى كان سعيد خاصتا الام الذى شعرت وكأن القصر له روح بوجود تلك الفتيات بعدما كانت تشعر وكأنه مهجورا
روح ايه اللي علي فستانك دا
كان ذلك صراخ إحدى الفتيات الذى لاحظت ما جعلهم ينظرون برعب حولهم
نظرت روح للبقع الحمراء الذى وقعت على فستانها ليتبدل للونه للاحمر ثم نظرت للاعلي وهي تصرخ برعب:دممممم
وقف الشباب متجهين لهناك واولهم بدر وابيه ينظرون لتلك النقط الذى تنزل واحده تلو الاخرى على روح والين الذى طبع الدماء على فساتينها.
                          ******************                   _انتظرو البارت القادم ؟