عشق الملوك

part 22

خرج من الحمام وجدها نائمة بخمول اقترب منها وهو يوقظها بحنان :لا ياحبيبتى مفيش نوم غير لما نخلص الدرس وتاخد دواكى 
نظر له بحزن لعله يتركها تكمل نومها الا انه اردف بحدا:يالا دا اوامر الدكتورة
جلب أدوات الكتابة والورق يجلس على الفراش وهى بحضنه يردف بحنان :اللى هقوله هترددى ورايا ونبدأ بالحروف حرف حرف
بدا بتعليمها تحاول الكلام وهو يرد الكلام مرارا وتكرارا دون ملل وهى تحاول جمع الكلام دون تقطعات
كتبت له بانها تعبت مما جعله يترك الأشياء جانبا جالبا دواءها الذى نظرت له باشمئزاز ورغم ذلك لم تعاند بل اخذته بطاعه جعلته يبتسم مقبلا جبينها لتنام على صدره مره اخرى وهى تغفو بسرعة ذاهبه لعالمها اللطيف مثلها
                      ♡__________________♡
عند رغد كانت ألين تبكى باستمرار وهى تردف:عاوزه ماما وباباااا 
رغد بحنان :ياحبيبتى هما جايين بكرا لازم تنامى دلوقتى
هزت راسها وهى ترفس الغطاء:مش عاوزههه عاوزه بابااااا
اسيل:اي رائيك تنامى انهاردة ونوديكى عندهم بكرا
دخل خالد الذى يردف:في اى مالها
ياسر الذى كان يدفع كرسي أمير:مالها اميرتنا زعلانه ليه
جاس خالد جانبها وهو يسحبها الا انها رفضته:عاوزه بابااا
استغرب الجميع عصبيتها مما جعل ياسر يردف:بابا هيزعل منك لما يلاقى ألين بقت عنيده كدا
بدات تبكى مما جعل خالد يردف:يالا ياحبيبى عشان المدرسة
الين بعناد اكبر:مش هروح في حته من غير ما بابا يجى
خالد بحدا قليلا:ألين في اى مالك قولنا معاد النوم
سحب ياسر ألين قائلا:براحة ياخالد مش كدا
امير:سبونى انا وهيا وروحوا نامو انا هنيمها
ياسر:انت كمان محتاج تنام وتعبان
امير:لا انا زى الفل  سيبها بس انا وهيا صحاب وهتسمع كلامى
نهض الجميع تاركين اياهم مما جعله يقترب قائلا:مش عاوزه تنامى ليه بقى
الين:بخاف انام لوحدى
ابتسم وهو يفتح يده مما جعلها تقترب ليعدلها  على الفراش:اى رائيك ان هفضل هنا ومش هسيبك غير بكرا مفيش اى حاجة هتأذيكى
الين:بجد
هز راسه بالايجاب مما جعلها تتسطح ويداه تلمس شعرها بحنان مربتا على ظهرها حتى نامت بالفعل وهو ظل جانبها يضع راسه على السرير ويده تمسك يدها الصغيرة والاثنين ينامون بعمق
لم يمانع ان تلك الطريقة ستجعله يتألم صباحا ولكن كل ما كان يهمه هو راحتها
                  ♡_______________________♡
وقفت بغضب وهى تردف:انت جاى تحبسنى
سحبها لتجلس بجانبه مما جعلها تردف:انا جيت هنا اروق على نفسي سيبنى انزل اقعد على البحر شوية
اغلق التلفاز قائلا:مش هيا نفس القاعدة اللى تعبتك
روح :انا حره في نفسي ولا انت ناسى يوم جوازنا قولتلى اى
نهض وهو يردف:الأمر بقى مختلف
روح بملل:واى اللى خلاه مختلف اقولك انا استنى لحظة بقيت حامل وحرام مش عاوز تاذيه
قربها بدر منه يحاوطها قائلا :ليه مش قادرة تقتنعي ان خايف عليكى انتى
توترت روح من قربهما وهى تردف بحزن: عشان مش قادرة انسي كلامك
ابعدته وهى تذهب لحجرتها تتمدت عليها بحزن تنظر للامام بشرود قاطعه وضع الكوب امامها نظرت له :مهما حصل صحتك مهمه عندى
اخذ الكوب والدواء تشربهم ثم وضعته بعيدا تغطى جسدها لتنام قائلة:ياريت تبقى تقفل النور وانت خارج
رفع حاجبه وهو يقول :ودا امر
روح:اعتبره زى ما تحب
شعرت بالنور يغلق يليها سحب جسدها مما جعلها تردف:بتعمل اى
بدر:دا اللى بحبه
روح:انت فهمت غلط
قاطعها قوله بهدوء:نامى ياروح ربنا يهديكي مهما اتكلمتى مش هيغير وضعيتك غير للأسوء
صمتت روح ليس خوفا بل بسبب شعورها بالامان وهذا ينبعث لابنها حتى يكون في امان هو الاخر
                ♡______________________♡
حل صباح جديد على تلك النائمة بعشوائية والاخر يقف امام المراءه يرتب نفسه مردفا بصوتا عالى :غزل غزل اصحى عشان جامعتك
اردفت غزل بنعاس:مش راحة معنديش محاضرات
امسك هاتفها وهو يردف:هشوف بنفسي ياشقية
لم تهتم بل اكملت نومها اما هو فتأكد من حديثها جذب انتباه رساله من اسم فتاة لم يعرفها مما جعله يردف:غزل مين كريستين
اخذت غزل الهاتف سريعا تردف:انت واخد تشوف جدول محاضراتى ولا تفتش فيه
رفع سام حاجبه يردف:في اى مالك مجرد اسم معرفهوش سألتك عنه ليه اتخضيتى كدا
غزل:عشان هيا حكيالى على أسرارها والمفروض محدش يشوفها حتى لو انت عشان هيا امنتنى
هز راسه يردف :متقلقيش انا بثق فيكى مش هفتح شات حد وابص فيه لان واثق ان مهما كنتى شقيه وبتاعت مصايب  مش هتعملى حاجة عيب او تخلي ثقتى تقل
قبل جبينها يردف:كميلى نومك لسه بدرى
هزت راسها بتوتر وهى تردف:هو انا ممكن اطلب طلب
نظر لها باهتمام فاردفت:حضن كبير
ابتسم وهو يعانقها بقوة مقبلا راسها :لو عوزتي حاجة اتصلى بيا
هزت راسها وهو يتجهة للخروج مما جعلها تتنفس براحة وهى تعود لنومها
                     ♡______________________♡
دخلت الحجرة لتجد ذلك المنظر الذى فطر قلبها اقتربت بهدوء وابتسامة وهى تردف :أمير حبيبى اصحى
فتح امير عيناه الذى لم تفرق كثيرا بينه وبين كونه يغلقها تردف:روح قوضتك ياحبيبى نام فيها انا هفضل مع ألين
هز راسه وهو يحرك كرسيه للخارج اما رغد فبدات بايقاظ تلك الصغيرة بحنان:ألين حبيبت خالتو
فتحت عيناها تردف:فين بابا
حملتها رغد تردف:بابا لسه مجاش احنا دلوقتى هنجهز عشان نروح مدرستنا
كشرت وجهها وهى ترى نفسها داخل حجرة عمها الذى اقترب يقبل راسها:احلى صباح بشوفت اميرتنا
لم ترد مما جعله يردف:اى رائيك منروحش المدرسة انهاردة ونخرج
لمعت عيناها وهى تردف:الملاهي
هز راسه يردف:الملاهي
عانقته الصغيرة وهى تنهض بسرعة:ألين هتجهز فورا يالا يارغد
ضحكت رغد وهى تذهب معها لتبدا ب تجهيزها
                  ♡______________________♡
يسيرون بالطريق وهذا بناءا على طلب تلك العنيده الذى اثرت على ذلك رغم تعبها وهى تردف عندما وجدت مكان يحويه الخضره والاشجارة:تعالى ندخل جوا
اردف بهدوء:مش كنتى حابه تروحى البحر
ابتسمت وهى تسير بخطوات سريعه:غيرت رائى اهو نعمل حاجة جديدة
هز راسه بيأس وهو يذهب خلفها دخلت وهى تسير تحاول رؤية اى شئ جديد تردف :دا طلعت ممله يالا نرجع تانى
كادت ان تعود مما جعله يمسك يداها يجعلها تعود مره أخرى يسيرون باتجاه شجرة كبيرة مما جعلها تردف:اي
ابتسم وهو يحاوطها بيداه:هنحفر اسمنا على الشجرة
نظرت له تردف بتعب:اى جو المسلسلات دى
ابتسم وهو يخرج مفتاحة مما جعلها تردف: هرسم انا
اعطاها اياه وهى تقترب ترسم قلب كبير قائلة:امسك تعبت كفايه قلب
اقترب منها محاوطا اياها ممسكا يدها وهو يحفر  حروفهم بشكل جميل وهى تنظر له :مكنتش اعرف انك بتعرف ترسم
اردف بابتسامة وهو ينظر لعيناها :لما الحاجة بتتعمل من قلبك  مستحيل تطلع وحشه
سرحت بعيناه وهى تردف:وانا أسمى في قلبك
ظل ينظر لعيناها يشعر بتقيد لسانه لكن لا يريد كسر قلبها خاصتا عندما نظر لعيناها الحزينه كادت ان تبتعد حتى وجدت نفسها تسحب وهو يقبلها بحب وود
شعر بدموعها على وجهة مما جعله يبتعد ناظرا لها باستغراب:مش عاوزاك تعمل حاجة غصب عنك دا هيزود حزنى يابدر حتى
اقترب وهو يمسح دموعها :مش اسمك لوحده في قلبى ياروح
ابتسمت له وهى تردف:يعنى
اشتدت إشاعة الشمس الذى انارت عيناها مما جعله يسرح بها قائلا:بحب عينيك
خجلت وهى تنزل عيناها عنه مما جعله يمسك بذقنها يرفع وجهها لتجعل عيناه تتشبع من رؤية عيناها الذى جعلت قلبه ينبض بقوة امسك يدها يضعها على قلبه لتشعر بنبضه :عينك لوحدها عملت كدا في قلبى وبتسائلى اذا كنت بحبك انا مبعرفش اقول الكلام الفارغ دا لكن اقدر اخليكى تعيشيه سيبيلى نفسك ياروح ووقتها هتعرفى إجابة سؤالك
حاوطت رقبته وهى تتعلق برقبته تعانقه بقوة إجابة لسؤاله مما جعله يبتسم  وهو يحاوطها برفق
                   ♡______________________♡
ركضت من عمها وهى تضحك تقف امام من يرسم على الوجوه تردف:عاوزه ارسم عصفورة
ابتسم خالد وهو يشير للرجل الذى بدا برسمه ورغد تصورها وما ان انتهت اردفت:عمو عاوزه اركب العربيات واركبها انا وأمير
ابتسم خالد وهو يردف :من عيونى اي رائيك ياامير
أمير بابتسامة هادئة:اللى تحبه العصفورة
صفقت وهى تركض للعربات تصعد ساعد خالد أمير وهو يضعه بالعربه معها وهى تصفق صعدت بجانبها رغد الذى جلست واجلست ألين الذى انتقلت لحضن أمير تردف:انتى سوقى يالا ياسطا
اردفت بابتسامة:في أميرة تقول ياسطا
الين:خالتو غزل بتقولها
ضحك أمير وهو يردف:مش هتعرف تسلكى معاهم سوقى وانتى ساكته
تحركت رغد وهى تلاعب ألين الذى كانت ضحكاتها تملئ المكان وخالد يصورهم بابتسامة
واخيرا بعدما انتهو من لعب الكثير بالطبع مع أمير الذى اثرت ألين ان يكون معها بكل لعبه مما جعل خالد يشعر بشئ غريب لكن قرر تجاهل الأمر وهو يستمع لابنة اخيه الذى كانت تتحدث بنعاس وتعب :انا اتبسطت اوى وأمير كمان احنا الاتنين لعبنا كتير خلينا نيجى تانى ياعمو
قبل خالد جبينها يردف:حاضر ياحبيبى
نامت على صدره وهى تمتص الحلوى حتى ذهبت بسباق عميق في عالمها
اخرج خالد المناديل وهو يمسح فمها راميا الحلوى مقبلا جبينها يعدلها بحنان تحت نظرات رغد الذى اردفت:كل ما ابصلك انت والين افكر ازاى هتبقى مع ابنك او بنتك
غمز لها وهو يردف:نجيبه وتشوفي بنفسك
اردفت رغد بغيظ:اه وكل الدلع يروح ليهم يفتح الله انا عاوزاك ليا لوحدى مش عيلة دى تاخدك منى
صدح صوت ضحكاته وهو يردف بحنان:لو كنت هحبها او هدلعها فدا عشان هيا حته منك
ابتسمت وهى تردف:يعنى لو كان من حد تانى كنت هترفضها
اختفت ابتسامته يردف:وانا هجيبه من غيرك ازاى اذا كنت مقدرش ابص في وش ست غيرك محدش يملى عينى غيرك ياحياتي
امير:انا قاعد ياعم منك ليها وللعلم انا أعمى مش اطرش
نظرت له رغد بحزن وهى تمسك يداه :ما انت سر اختك
امير:طبعا ياحبيبتى
خالد:حبك برص ياامير
امير:اختى وحبيبتى ملكش حاجة عندنا
رغد:ايوا صح ياحبيبى
نظر لها بطرف عيناه مركزا مع ابنة اخيه يفكر بحديث زوجته مما جعل قلبه يتلهف شوقا ليصبح لديه ابن او ابنه

وصلت السيارة القصر مما جعل روح تردف:اخيرا وصلنا ألين وحشتنى
بدر:حمدلله على السلامة
نزلت روح خلفه وهي تردف:الله يسلمك
حاوطها وهم متجهين للداخل نظر الجميع لهم وهم ممسكين بأيد بعضهم واول ما ذهبت له روح هيا شقيقتها الذى اردفت:هنت عليكى ياروح
عانقتها روح تردف:حقك عليا ياغزل المره الجايه هاخدك معايا
سام :اي ياماما مين دى اللى تاخديها
بدر:دا لو في مرات تانيه
سام:ايوا كدا ياخويا
تجاهلت روح الحوار وهى تعانق اسيل الذى ضربت راسها:وحشتينا متعملهاش تانى بقى
انتقلت روح لليان الذى نزلت دموعها مما جعل روح تقبل جبينها معانقه اياه:متعيطيش والله ما هعملها تانى خلاص
مسحت دموعها وهى تنتقل لام زوجها والذى تعتبر والدتها:مش هتحضنينى انتى كمان
عانقتها بحب:كنت عارفه انه هيرجعك بخير وسلامه حمدلله على سلامتك ياحبيبتى
نظر روح حولها تردف:فين ماما و رغد
غزل بتنهيده:ماما رجعت البيت اللى كنا سكنين فيه اثرت تروح تقعد هناك اما رغد فخالد خدهم هي وأمير والين الملاهي عشان من ساعت ما سبتوها وهى زعلانه وحلفت متكلموش
ابتسم بدر على اميرته خاصتا عندما وجد شقيقه يدخل حاملا اياها اقترب بهدوء يحملها وهو يقبل جبينها اقتربت روح منهم تقبل يدها وهم يصعدون للأعلى بعدما راضت رغد الذى اردفت ما ان صعدو:اتمنى كله يفضل زى الفل كدا للنهاية
غزل:يارب يالا نطلع ننام
بالفعل صعد الجميع لغرفهم ليخلد للنوم
واخيرا قد هل صباح جديد عليهم وتلك الأميرة قد فتحت عيناها لتجد نفسها بحضن ابيها ابتعدت عنه مما جعله يستيقظ يردف:اميرتى مالك قاعده كدا ليه
اخذت هاتفها ثم نهضت مما جعله يردف بحدا:ألين بتتجاهلى بابا
اردفت بحزن:ألين مش هتكلم بابا
نهضت روح وهى تردف:في اي
اعتدل بدر وهو يردف بحدا:ألين تعالى
خافت تلك الصغيرة وهى تتجهة له رفعها وهو يضعها على قدمه:مهما حصل لما بابا ينادى عليكى تردي
نزلت دموعها وهى تردف:انتم مشيتوا ومخدتوش ألين معاكم وعارفين ان ألين بتخاف تنام من غير بابا وماما
روح:حقك عليا ياروح ماما بعتذر مش هكررها تانى بس دموعك دى غاليه اوى على ماما
قبل بدر جبينها وهو يمسح دموعها:بابا ميهونش عليه زعل اميرته نهضت وهى تبتعد مردفه :والين مش هتكلمكم تانى
ذهبت خارج الغرفة لتصتدم بعمها الذى اردف :مالك ياحبيبتى بتعيطى ليه
عانقت قدمه وهى تبكى مما جعله يرفع نظره ينظر لبدر الذى اقترب حاملا اياها الا انها تمسكت بعمها:انا هقعد مع عمو ياسر
ياسر:سيبها شوية يابدر معايا لحد ما تبطل عياط على الاقل
اخذها بدر منه بهدوء وهو ينظر ل ألين بحدا حتى لا تبتعد عن يدها:ألين مش هتبطل عياط غير لما تتراضى
ياسر:براحة عليها انا بخاف من نظاراتك
بدر بحدا:والله شكلى بدل ما ارضيها هعاقبها عشان بقت تبعد بابا عنها
ألين:انت كداب انت مش بابا اصلا
صمت حل على الجميع حتى تلك الطفلة الذى دفعت يد بدر الذى مازال مصدوم يحاول تحليل وضع ابنته
                     ♡_____________________♡

                        _انتظرو البارت القاااادم🔥