بالمكتب
الصمت هو من يسود هذا المكتب ليقاطعه صوت الاكبر الصارم:موافقتك وقرارك بأنك تتجوز روح معنها موافقتك انها تاخد مكان حورية يابدر
رد الاخر بغضب ظهر بنبرته:دا شئ مستحيل جوازي منها عشان خاطر بنتي
رد الاكبر كان أكبر قسوة علي ابنه الاكبر:حورية ماتت وروح مراتك مش خدامتك ولا اله اشترتها عشان تحركها زي ما انت عايز هيا ليها حق عليك ولو غصب عنك مجبر تديهولها
نبرة ابنه الباردة وكانه يتحداه بحديثه يريد من ابيه الخضوع لقراره:لو امي بعد الشر اتوفت هتسمح لحد ياخد مكانها
لم يكن يعلم بدر ان ابيه مهما فعل لن يوافقه بقراره سيظلم بها فتاة اخري:مكنتش هفكر اتجوز من الاصل
صمت بدر ولم يجد ردا لابيه كي ينافسه لقد اغلق النقاش بقوله:اتفضل روح شغلك
خرج بدر من مكتب تحت نظرات هيبة الغامضة الذي تخترقه يحاول التواصل لما يخفيه ابنه عليه
♡_____________________♡
خرجت من شرفة المنزل وهي تصرخ :جرا ايه يافشلة ياعجلة انت مش هتبطل قرف بقى
تحدث الذى بالاسفل:جرا يابت انتى ما تحترمى نفسك
تحدثت بصراخ:بت مين ياللى شبه برميل الطرشي اللي بتبيع فيه وياريته عدل دا شبهك يوجع البطن كتك القرف
دخلت المنزل بعدما رمت كلماتها تجلس امام التلفاز وجدت طرق علي الباب نهضت وهي تمسك حذائها:والله لوريك يامخللية يامعفن هعرفك مين اسيل
فتحت الباب وهي تنقض علي من يحاول حماية نفسه :جرا ايه يامعلم البرسيم يامعفن انتم لازم تاخدو علي دماغكم
صرخ الاخر بها وهو يقول:جرا ايه يابت المجنونة انا ياسر
توقفت عندما سمعت ما قال الاخر ترمي حذائها علي الارض:سورى
صدم وهو يحاول ان يعدل ثيابه من انقلاب حالها بثواني
فقالت هيا بهدوء:عايز ايه
ياسر:جاي اعرف حاجة
توجهت للاريكة تقول:مين الناس اللي هاجمونى امبارح احب اقولك معرفش
جلس علي الكرسي الذي بجانبها يقول:بس انا عارف وجيت ابلغك باسمه
نظرت له اسيل باهتمام تقول:مين
ياسر بهدوء:ابراهيم
ارتجفت يدها الذي كانت تحمل الهاتف مما أدى لسقوطة تقول بدون وعى:ابويا
تحولت ملامح الاخر لذهول يقول:هو انتى عندك اب
خرجت من صدمتها تقول:لا اتولد بالطاقة الشمسية
ياسر :مش قصدى بس ايه هيخلي ابوكي يبعت ناس عشان يخطفوكى
نظرت له بتردد بداخلها شيئا يخبرها انه الذى سيحميها انه سيكون نجدتها لاكن هيا خائفه من ان يخيب الاخر ظنها كما فعل ابيها قاطع تفكيرها صوته الهادئ:ايه حكايتك يااسيل
ردت عليه بجمود عكس الالم الذى يعتصر قلبها:وانت عايز تعرف ليه
لم يستغرب الاخر لكونها سألته فهو متوقع هذا لذلك قال بهدوء:لاني عايز اساعدك
اسيل :انا مشكلتى ملهاش غير حل واحد وانا مستحيل اقبل بيه .
ياسر:اسيل تقدرى تحكي واكيد هلاقي حل تانى يرضيكى
نظرت لعيناه لثواني مرت كالسنوات عليها بصمت قاطعه تشجيعه لها:احكي ومتقلقيش
خرج صوتها اخيرا تقول: بابا اداين عند راجل اعمال ومضي وصلات أمانة بس مكنش يعرف ناوية الراجل دا وانه كان عايز انه ...كان عايز بابا... يمضيلو الوصلات عشان بعد كدا يهدده انه لو مسددش الوصلات هيتحبس ولانه عارف ان المبلغ مش هين ابدا طلب مقابل والمقابل هو ان
صمتتت ولم تكمل حديثها وهي تنظر للارض الا ان الاخر وضع يده علي يدها ليبث لها الامان يقول:كملي يااسيل
نظرت ليداهم ثم له تنظر لعيناه لترى تعابير وجهة :ان بابا يسبنى ليه وانا موفقتش عشان كدا هربت منهم من سنين وهما بيدورو عليا
اسودت عين الاخر ملامحه الذى اصبحت جامده اخافتها شعر بقلبه يشتعل من الغضب الذى لا يعرف سببه
ترك يدها يقول بصوتا حاول جعله هادئا:قومى لمى هدومك
اسيل:ليه
نطق الاخر بجمود :هتيجى تعيشى في القصر
اسيل :لا طبعا هاجى بصفتى ايه وليه
فكر ياسر قليلا ثم قال بهدوء:متنسيش ان صاحبتك هناك وأعتقد محدش هيعارض انك عايزه تقعدي معاها
اسيل:بس ليه
ياسر:لان طول ما انتى تحت عينى هتبقى في امان وكمان روح موحشتكيش ولا ايه
اسيل :وحشتنى بس هقول ايه للبنات
ياسر:سبيها عليا وقومي يالا
نهضت لتنفيذ حديثه فهى الان خائفه واي حل يبعد أهلها عنها ستفعله
♡______________________♡
تسير بين الطلاب تصل الي الكافتيريا تجلس علي كرسى تنتظر صديقتها والتى تعتبرها تؤامها وحمايتها غزل أشارت للجارسون علي طلبها من علي المنيو وقد ذهب الاخر لإحضار ما طالبته
أنت تقرأ
عشق الملوك
Mystery / Thrillerخمس شباب لكل شاب هيبة وطالة خاصة بيه لقبو بالملوك اكبرهم الملك المتحجر والثاني الملك الهادي والثالث الملك العاشق والرابع الملك المرح والاخير الملك المغرور خمس فتيات جمعهم القدر ليعيشو تحت سقف واحد سنوات عديدة ليصبحو اخوات وليس أصدقاء فقط لكلا منه...
