المقنع '"الاسواد ''"

Part 8

بقلم:وردهَ ال محمد 🤍

[بأجر نضحك كَـد ما بجينا 🪐✨]
..............................................
وكعت بل كاع عيني على المسدس وجثة الولد الي الدم يسيل منه أيديه ترجف هود يباوعلي بخوف عيونه تخاف من أخته أخته الي ما بحيتها ائذت نمله وهسه قتلت انسان ..

ابو العين::هههه عفيه بل سبعه وهسه أكدر اكلج اشتغلي ويانه

رفعت عيني عليه بس هل مره ما ابجي ما ضعيفه كلني برود وحقد نيران بكلبي اريد اطفيها ومعرف اشون خلوني اقتل انسان واصير مثلهم انكاس واتنكست مثلهم كعد يمي لهب حاوطني وباس كتفي

لهب::هاي هيا حبيبي راح تشتغلين ويانه وتصيرين ويايا مثل ما تريدين؟

لهب::شبيج مارسلين ليش ما تحجين

اختنكت اجاوبه

مارسلين::أنا شسويت؟؟

باوعلي مبتسم عاكد حاجبه

لهب ::مو هذا الي ردتي تشتغلين ويايا . وهذا اول خطوه والي سهله ...

انفجرت بعصبيه دفعته بيدي الترجف بقوه اضرب بيه كعدت على بطنه فاقده اضرب بيه واخرمش بوجهه راجدي وراء راجدي وهو يدفع بيه فقدت كمت حتى براسي اضرب خشمه وحلكه صب دم..

مارسلين ::الله ياخدك قتلت بسببك الله ياخدكم كلكم أنا شسويت شسويت صرت صرت مثلكم الله ياخدني ..

سحبني فلاح منه وابو العين يضحك

ابو العين :::ههههه روحي طلعي اهدي وباجر تعاي لشغل

دفعت فلاح ما يندفع لازم أيدي لي وره مقيديني صيحت اب قهر

مارسلين ::والله اموتك لا تضحك لا تضحك

ضحك ضربت على راسي بقوه متخبله من الي سويته ومن ضحكه واستفزاه احرك بروحي بس اريد فلاح يعوفني جلب بيه لزك عافني بعد ما اشرله يعوفني شلت المسدس ورفعته عليه أيدي ترجف الهت بتعب ..

مارسلين::اقتلك؟ تره عادي عندي مثل ما قتلته اقتلك هو صرت مثلكم صرت خلي اموتك وارتاح اباوع ألهب يحرك بيده تعبان وكف عل حيله واجه يمي.وجه يصب دم أردف يضحك

ابو العين::على هذا حالج ما اتوقع تكدرين انتي بنت ابوج صاوبيني

بعده ما مكمل ظغطت على الزند أطلق رصاص صارة بنص رجله وكع بل كاع مصدوم راحله فلاح ولهب فتح عينه على وسعه اجالي متخبل لزم عكس أيدي وطلعنه من الغرفه واني جامده كمية الحقد الي بكلبي عامي على عيني وكلبي بوقته حتى هود تركته وطلعت

لهب::تخبلتي تخبلتي بنت***اش جاج

ينتر بيه ويمشي معصب واني ساكته

لهب::لج تريدنه يقتلج!!لو يقتلني ويقتل امج واخوج بنت****انعل ابوج مخبله انتي .

طلعنه من المكان وسد الباب الي كله حشيش وما ينشاف الباب اجه عليه يصيح ويخنك متخبل