بقلم:وردهَ ال محمد 🤍
[بأجر نضحك كَـد ما بجينا 🪐✨]
..............................................
التفت اله عيوني حمر عضيت شفتي شحجيت اني شنووكلت الله ياخدني . عيونه تباوعلي بعتب. باوع لنورهان واردف متجهل نضراتي الي كله خوف من ردة فعله
غياَث:: يلا نوري اطلعو ورانه طريق .
باوعلي وابتسم بهدوء عيونه الجانت تباوعلي بحب وحنان تحولت لعتب ولوم .
نورهان::اء اي بس اجيب هود واجي طلعت واني واكفه اباوعله منتضره يحجي ولو ما يحجي جان احسن ،انتجه على الحيط ورادف
غياَث::حتى انتي شايفتيني ابن حرام وقذر جنت فرحان بيج اكول هيا تشوفني انسان نضيف بس طلعتي مثلهم بعيني بعيني بعد ما اشوفج وجهي ولا اذل روحي الج .
حجياتج كسرة عيني مو بس كلبي"
طلع ضليت واكفه معرف شسوي أو أنا شسويت شكلت؟ ذبيت نفس وطلعت وراه اخدنه لبيت وطول الطريق ساكت وصلنه نزلت ونزلت هود التفت على صوته باوعتله ما يباوعلي يباوع كدام أردف بصوت بي بحه .
غياَث::إذا احتاجيتي شي او صار شي وياج اتصلي العقيل ويجيج .
شخصت عيني عليه بقهر وعتب.
مارسلين::ليش مو انت؟
ابتسم تك خد اب استهزاء جاوبني.
غياَث::خليج بعيدا عن قذارتي
شخط سيارته وراح ضليت مصفصفه ركض هود لبيت وكف يم الباب مشيت حيلي خلصان ومتاكده سيارته واكف بنهاية الشارع يتأكد من دخلتي لبيت ادري بي ما يعوفني إذا ما يتأكد اني دخلت البيت فتحت الباب دخلنه بدلت هود وخليته بغرفته طلع كتبه يدرس واني دخلت الحمام أسبح كلبي يوجعني من الي سويته خلصت وطلعت لغرفتي تمددت اريد ادفى جسمي بردان اذكر حجيه يردد اب اذني همست ويا روحي اباوع لسكف .
مارسلين::شسويتي غبيه؟
كسرتي الي جان يجبر بخاطرج .
جان متأمل بيه واني خدلته .
نزلت دموعي واطلقت شهكاتي ابجي أنا شسويت هففف ليش حجيت هيجي ضليت بل ساعات ابجي لا أدري بل دينا راشه ولا شي نمت وبين احلامي شفت امي وأبوي كعدت مخنوكه وبجيت وهيجي مرة ايام واسبوع وشهر وغياَث مكو مختفي بس نورهان وعقيل وحُر يجوني متتت قهر يعني شنو ميريد يشوفني بعد؟ كاعدين بل صاله توي جاي ادخل وسمعت نورهان تشكي لحُر .
نورهان::ولج خبلني بروده رجع غياَث الي جان بس يشتغل أو يعتني بينه راح اموت ما ينطي استراحه لروحه ولا يكعد ويانه والله خايفه عليه مريده يرجع مثل قبل ..
حُر::لالا أن شاء الله لا يرجع ولا شي متاكده راح يتصلحن وبعد يتزوجن وكولي حُر ما كالت .
أنت تقرأ
المقنع '"الاسواد ''"
De Todoالوصف" "قاتل بحق مسجون بضلم" ملاك برئي شيطان لئيم " حملت ذنوب لم ترتكبها " وسيلة قتل واجرام _ من أجل من؟ _ من أجل ذلك الصغير .. _من هو؟ ' أمانة ابي ' ...
