المقنع '"الاسواد ''"

Part 22

بقلم:وردهَ ال محمد 🤍

[بأجر نضحك كَـد ما بجينا 🪐✨]
..............................................
حُر:: نصدمنه اب حجي الدكتور كلنه وكعت مارسلين فاقده الوعي واحنه واكفين مصدومين غياَث بدون ضياع وقت كاله باشر بل عمليه انرعب كلبي من شفت يدخلن ادوات حاده لقطع يستخدمه الناس لكسر حديد مو عضم انسان انهرينه نبجي اني ونور من الصوت وهنا يهدن بينه كعدت مارسلين وطلعت من الغرفه متخبله تصيح راحلها غياَث وهيا تدفع بيه وهو يرجع يجرها حتى يكعدها ..

مارسلين::لالا عفيه لا تكطعون رجليه غياَث عفيه لا

لالا هو يخاف من صوت قوي .

لالا مايتحمل الوجع لا .

جرها وكعدها يهدي بيها كعدت تبجي وتضرب على وجهه اجه ممرض ذا يضربلها مهدء وكف يرف بردان ايديها لحد عكس أيدها باوعله غياَث خازره أردف بهدوء .

::لا يضل بالج أن شاء الله يكوم بل سلامه .

هزت راسها عيونها حمر وشفايفه يرجفن تهمس لا ما يتحمل والله طفل ،انوب رجع كالها .

::هنيله على هيج اخت حنونه وخايفه عليه.

جاوبه غياَث بنتر .

غياَث::الله يسلمك خويه روح لشغلك ناس مرضه جاي ينتضروك .

باوعله مستغرب دار وجهه وراح ومارسلين حالها يبجي الكافر ليل يلا خلصو العمليه ونقلوا لغير غرفه ما خلونه ندخل عنده لحد ما يفك البنج تقربت منه مارسلين وكعدت يمه دنكت باست أيده ومسدت على خده شفيافها يرجفن باست عيونه وهمست .

مارسلين::هود ابني

ماجاوبها مغمض احنه الي نعرفه جان كاعد قبل ما ندخل الدكتور كال، بجت ورجعت كالت .

::شنو زعلان مني؟؟

رفعت جفونه بيدها وهمست بعد ما عرفت كاعد وميريد يحجي .

::انت هم خلص حيلك ومتريد تحجي ؟

::هود تريد تعوفني مثل امي وابوي ؟

فتح عيونه نزلت دموعه أردف بغصه .

هود::ماما رجليه يوجعني.

بجت بنوح وحظنته .

مارسلين ::شبيدي عليك حبيبي.

::ريته بيه الوجع ولا بيك .

::ياريت لو رجليه المنكطعه ولا رجليك .

هود::اريد امي أو ابوي .

شهكت تبجي تمددت بصفه وحضتنه تهمس بذنه متريد نسمعها .

مارسلين::حتى اني اريدهم مكسوره بروحتهم .

::صيرلي ام واب هود.

لا تعوفني انت هم والله اموت هودي ابني انته عفيه لا تعوفني .

برطم يباوع النه ويرجع يباوع الها خله أيده على ضهرها وصار يبجي وياها صوت شهكتهم بجاني وبجى عقيل غياَث يطحن بل جكاره من شاف حالنه اشرلنه نطلع بره وهو ضل جوه عدهم .