Fall in love casually

2

Renjun ၊ Haechan နှင့် Chenle တို့ သုံးယောက်သား ကန်တင်းရောက်နေကြသည်။ သူတို့က တက္ကသိုလ်ရောက်ကတည်းက တတွဲတွဲဖြစ်သည်။ မေဂျာလည်းတူသည်မို့ စားအတူ သွားအတူများဖြစ်သည်။

"ဒီနေ့ ရာသီဥတုမကောင်းပါလား"

Haechan က ပြောတော့ Chenle က ဆိုင်အပြင်ကိုကြည့်သည်။
ပတ်ဝန်းကျင်သည် လေပြည်သာတစ်ချက်တစ်ချက်တိုက်နေသည်။ ကောင်းကင်သည်လည်း ပြာလွင်နေသည်။

"ရူးနေလား"

"Renjun မျက်နှာကို ကြည့်ကွ။ အမြဲတမ်း ဟို ကလေးနဲ့ပဲ ချက်မနေနဲ့"

ထိုအခါမှ Chenle က ဖုန်းကို စားပွဲပေါ်တင်လိုက်သည်။

"ပြောပါဦး Haung Renjun shi။ မင်းကို ဘယ်သူဆွလိုက်ပြန်ပြီလဲ"

"အေးလေ တစ်မနက်လုံး ဆူပုတ်နေတာ"

"မင်းတို့ပဲ ငါ့အကြောင်းသိ။ ငါမျက်နှာမကောင်းတာလည်းသိတယ်"

Renjun ‌ပြုံးစိစိနှင့်ပြောတော့ Chenle က နှာခေါင်းရှုံ့ပြသည်။

"Taeha ကြောင့်ကွ"

"မင်းတို့နှစ်ယောက်က ဘာဖြစ်လို့လဲ ရန်ဖြစ်တာလား"

"မဟုတ်ဘူး။ မနေ့ညက သူနဲ့ ငါနဲ့ လိုင်းပေါ်စကားပြောကြတယ်ကွာ။ ပြီးတော့ ဒီနေ့ကျတော့ သူ့ကောင်မလေးပုံကို တင်ထားတယ်"

"ဪ မင်းကလည်း ဘာများလဲလို့၊ သူ့ကောင်မလေးပုံပဲ တင်မှာပေါ့"

Haechan က မှတ်ချက်ပေးသည်။

"ပုံတင်တာက ဘာမှမဟုတ်ပေမယ့် ငါနဲ့ စကားပြောဖြစ်ရင် နောက်နေ့တင်တာကွ။ သိတယ်မလား သူ့ acc ကို ကောင်မလေးက ဝင် checkပြီး ဘာညာ ဘာညာ ပြောလို့ လို့ ထင်တာပဲ"

"အေး ဟုတ်တယ် ။ ငါလည်း အဲ့လို ခံစားရတယ်"

Chenle က ဝင်ပြောသည်။

"မင်းတို့ သိပါတယ်။ ငါကလည်း ငါ့ကို အဲ့လိုအထင်လွဲတာတွေ သိပ်မုန်းတာ။ အခုကကွာ ငါက Taehaအပေါ် သူငယ်ချင်းလိုပဲ။ ငါသာ အဲ့ကောင်ကို ကြိုက်တယ်ဆိုရင် သူနဲ့ အခုလို တွဲနေမှာတောင်မဟုတ်ဘူး။ ငါနဲ့တွဲနေမှာပေါ့"

"ဒါပေါ့" "ဒါပေါ့"

Taeha က Chenle နှင့် သိပ်မခင်သော်လည်း Renjun ရော Haechan နှင့်က တော်တော်လေးရင်းနှီးသည်။ ပြီးတော့ Taeha နှင့် Renjun သာ တစ်ခုခုထူးခြားရင် သူတို့နှစ်ယောက်အရင်ဆုံးသိမှာပင်။

"မာနထိခိုက်တယ်ကွာ"

"အာအီဂူး ငါတို့ Renjun လေး"

Haechan က သူ့ပါးကိုလာဖဲ့၍ လက်ကို ရိုက်လွှတ်လိုက်သည်။ Chenle က သူတို့နှစ်ယောက်ကိုကြည့်ရင်း ရယ်နေသည်။ပြီးမှ တစ်စုံတစ်ခုကို သတိရသွားဟန်နှင့်

"Lee Jeno နဲ့က ဘယ်လိုဖြစ်သွားပြီလဲ"