نبدا
..................
يعني تحسب اكبر همي انت
لا والذي سواك غيرك زيون
....................
...........
احد ايام البرد الشديد وبساعات النهار الاولى
دق الباب ودخل ضارب تحية للجالس بكرسيه وقدامه اوراق ومركز فيها بعيونه الحمراء
دليل على سهره ليالي وهالاته حول عيونه زايده و رماد سيجاريه المتروكه باهمال فوق الطاوله و بفمه وحده وينفث دخانه بهدوء ، ناظره وتنهد :- وش صاير بدر ؟
بلع ريقه بدر وقرب يجلس مقابل فريق أول عنان وتنحنح :- فجروا مره ثانيه مجمع تسوق واحد المستشفيات
تأفف عنان وناظر جواله الخاص اللي بدا يرن ، مد يده وصمته ببرود وناظر بدر :- وش اقتراحك فريق بدر !
ابتسم بدر ومد الملف اللي بيده لعنان :- هذا اقتراحي فريق أول عنان
اخذه عنان وفتح يقرأ محتواه قبل ما يرميه على الطاوله ويشفط دخان سيجارته ويرميها جنبه :- روح له لبيته مايرد على الاتصالات واذا ما جبت موافقته لا تجي احسن
توسعت ابتسامه بدر و وقف يدق تحية لعنان وخرج بسرعه مثل دخوله لعند اللواء المذكور بالملف
.......
بأحد الاماكن
يناظر الاسلاك الملونه المشبوكه بجهاز صغير بفتحة الباب ورفع عيونه لملازم الواقف فوق راسه ويأمره يستعجل ويعطل القنبله اللي حبستهم بأحد البيوت المهجوره
تنهد من ازعاج الاشتباك اللي بالخارج ، مد يده لجيب بدلته العسكريه وسحب مسجل صوت وسماعاته الصغيره وشغل له اغنيه تانقو هاديه
رجع انظاره للقنبله ويناظر الاسلاك بتركيز ويحرك راسه مع الاغنيه
حس بشي وراه والتفت يناظر الملازم اللي ركض لشباك وبدا يطلق على اعدائهم وهو يصارخ عليهم
تجاهله ورجع يكمل شغله واحتار اذا يقطع السلك الاصفر او الازرق وقرر بما انه يكره اللون الاصفر يقطعه
ولحسن حظه ما انفجر ابتسم وناظر الملازم اللي قرب منه وباسه بفرحه وفتح الباب منطلق لباقي الفريق يساعدهم و الوليد وراه ويصوب على اعداء ويدوس جثث بعضهم
.........
خرج من المطبخ وبيده كوب قهوه وجلس بالكنبه الوحيده بالشقه واخذ لابه وكمل الشي اللي يسوي
قاطعه دقات خافته على الباب و مرتبه بطريقه معينه
تأفف لما عرف الطارق و توجه للباب وفتحه يناظر بدر اللي ابتسم له وتعداه داخل وبيده ملفات كثيره
