استمتعوا يحلوين
تجاهلوا الاخطاء الاملائية
ياويلكم ما تعلقون ترا ما انزل بسرعه وادلعكم بعدين انتبهوا
.................
أنا لجل عينك أصد عن ألف عين .
...............
الساعه 6:06 المغرب
جالسين بالارض وبيدهم منظار ليل و يراقبون المكان
تنهد الوليد ومد المنظار لعز وانسدح بالارض مو مهتم بالطين اللي صار بملابسه وهمس لعز اللي بدا يراقب :- تتوقع عنان مارح يكمل بسبب رجوله ؟
ابتسم عز وناظره بطرف عينه وتنحنح :- تذكر اول مهمه سواه ؟
هز راسه الوليد بايجاب وجلس يناظر عز اللي رجع يركز على المستودع قدامه :- لما انفجر مقر عصابه المخدرات وطلع لنا و رجله مكسوره وفيه حريق بظهره من انقذه ؟
عقد حواجبه الوليد باستغراب :- فريق بدر ساعده بس ما فهمت ؟
تنهد عز ورجع يناظره :- طيب لما هرب الارهابي منه وتوعد فيه ولقوه بشقته يبي يقتله من كان معه وساعده يطلع الرصاصه اللي صابته ؟
ابتسم الوليد وهمهم ، عدل جلسته عز لما حس بتعب :- عمر اللي ساعده طيب ولما هجموا على المركز من كان معه وساعده كثير لدرجه طلع كل الموجودين من بينهم عنان اللي كان فاقد الوعي لانه ضربه على راسه عشان يغمى عليه ويطلع بدون ما يجيه شي ؟ شِعاع اللي سوا كذا وما خرج من المركز الا لما خلص عليهم
طبطب عز على ظهر الوليد :- من اللي انقذه هو و بدر لما كانوا يبون يفجرون بيتهم القديم ؟ انت وليد والحين مارح يتركنا حتى لو تفجرت رجوله مو بس اربطته وبيرجع بالعلاج الطبيعي ماتعرف عنان ما يحب يكون مديون لأحد
توسعت ابتسامه الوليد لكلام عز اللي يعرف انه قاله بصعوبه ويحاول يواسيه
توجهت انظاره لمستودع بصدمه :- ولد عز هذولا اطفال؟؟
التفت عز واخذ المنظار يراقبهم وهو يهمس لوليد :- اتصل على شِعاع علمه بنبدا الليله قبل يسوون فيهم شي و يجي دكتورهم الزق
همهم الوليد واخذ جواله وارسل رساله مشفره لشِعاع بحيث ما يفهم غيره ورجع يراقب مع عز بجديه هالمره
.................
الساعه 11:00 مساءً
منسدح على سريره ويناظر السقف بسرحان ، ثواني وحس بأحد يدخل وما كان الا حمدان اللي دفه من كتفه :- قم نلعنهم ارسل الوليد رساله
فز شِعاع وصرخ لكل اللي بالبيت :- تجهروا ولا تنسون وصياكم
خرج حمدان متجه لغرفته وناظر نمر اللي بدا يلبس ويجهز اسلحته و وصيته فوق سريره
