استمتعوا يحلوين
تجاهلوا الاخطاء الاملائية
................
لو حطو الدنيا بعيني عشان أجفاك
تركت العين والدنيا ، وجـيـتـك
...............
الساعه 12:00 منتصف الليل
منسدح على بطنه ومثبت بندقيته ويناظر الهدف قدامه
كانوا جالسين بمكتب اربعتهم وخامسهم ابوهم ، ناظرهم من المنظار الليل وابتسم لما شاف اللي دخلوا عليهم
مسك جواله وارسل لشِعاع رساله ورجع يراقبهم صار له ساعات كثير منسدح بنفس المكان بس متعود
فوقه بطانيه سودا تخفيه وتدفيه بنفس الوقت ، لبس سماعته يسمع كلامهم
ومو مبسوط انه قدر يدخل ويحط مايك صغير حيل يسجل كلامهم ويبثه بشكل مباشر له
حس بحركه خلفه بس ما تحرك وهو يثبت اصبعه على زناد مستعد يهجم
رفع عيونه يناظر الولد اللي جلس بعيد عنه على حافه السطح وتارك رجلين تتمرجح والهوا يلفح شعره و مو لابس شي ثقيل فوقه
استغرب بس جمد بمكانه لما التفت الولد يناظر المكتب قدامه وضحك يهمس بينه وبين نفسه :- بيجي يوم واخرب العابكم والله ان تندمون على قتل امي
توسعت عيونه وناظر جواله المرمي قدامه ويهتز والمتصل شِعاع
حاول يمد يده يقفل جواله بدون ما يحس الولد بس خاب ظنه لما وقف فجاه
وقرب منه يرفس رجله وهمس بصدمه :- قاتلينه و رموه هنا المجانين
اسرع بخطوات ينزل من المكان ، تنهد هادي واخذ جواله وفتحه يرد على شِعاع اللي سبه :- وينك يالزق ما ترد حسبتهم صادوك يلا انا عند المبنى بجي الحين
قبل يقول شي قفل شِعاع والتفت يناظره وهو يصعد الدرج الصغير ويقرب منه وينسدح جنبه :- وش صار لقيت عليهم شي ؟
ابتسم هادي ومد السماعه لشِعاع :- لقيت اشياء سيدي
اخذها شِعاع ولبسها وهو مركز ، تنحنح هادي وهمس له :- سيدي كان فيه ولد هنا
التفت شِعاع و وقف يناظر وراه لما سمع صوت ، وقف هادي وناظر الولد اللي بيده بطانيه ويناظرهم بصدمه
قرب شِعاع منه بشويش بس رفع يده الولد :- تقرب اصارخ
شِعاع التفت لهادي وهمس له :- ان طلعنا بقتلك ذكرني
ابتسم هادي وهز راسه :- حاضر سيدي
عقد حواجبه الولد وقرب منهم شوي وهمس لهم :- شرطه ؟ لا وين شرطه استخباريين انتم صح ؟ شاكين فيهم صح ؟
قبل يرد شِعاع توسعت عيونه من الولد اللي قرب منه وسحبه ينسدح ومعه هادي
همس لهم وناظر وجهه شِعاع القريب منه :- انتبهوا ترا كل ربع ساعه يمرون حراس تحت وفيها حراس بالسطح بعد
