استمتعوا يحلوين
تجاهلوا الاخطاء الاملائية
..............
شاب قلبي والعمر توه شباب
ياغديرً منه ريقي ما ارتوى
............
....
اليوم التالي الساعه 10:56 صباحاً
دق الباب ودخل مقفله وراه وبيده كيسه ومق متوسط الحجم
ابتسم لما التفت له عنان ونزل الكتاب اللي كان يقراه جنبه وتكتف :- ليش ما طمنتني عنهم امس ؟ مادريت الا من القاده
تنهد بدر وتقدم له لحد ما جلس جنبه على السرير وسحب طاوله الاكل وبدا يخرج الاكل الصحي اللي جابه وصب لعنان عصير توت بينما هو اكتفى بمق القهوه :- نسيت حبيبي حتى نمت بمكاني وتوي اصحى وجيتك اطمنك
همهم عنان وابعد الطاوله عنه :- اذلف عني
ابتسم بدر ومسك يد عنان وباسها :- من ورا قلبك هالكلام بس مارح اطلع امس تركتك براحتك بس الحين مشتاق لحبيبي
غمض عيونه عنان ثواني وفتحها يدف الطاوله بقوه وطاحت بالارض
فز بدر وهو يحس بفخوذه تحترق بسبب القهوه اللي طاحت من يده ، ناظر الممرض اللي دخل واشر له يخرج وخرج بتوتر من شكل عنان المعصب
بلع ريقه بدر يحاول يتجاهل الألم اللي يحس فيه ونزل نفسه يشيل الاكل ومسح المكان ودمعته اللي هربت من عيونه المحمره
رفع راسه يناظر عنان اللي يناظره بحده ، ابتسم له وتنحنح يرجع صوته لطبيعته :- بروح لحمام دقيقه
دخل الحمام بعد ما سمع رد من عنان اللي تجاهله تماماً
فصخ بنطلونه بصعوبه وناظر احمرار فخوذه ، قرب من الدش وشغل المويه بارد وكل ما حاول يقرب رجل يلسعه الالم
لدرجه استسلم ولبس بنطلونه فوق فخوذه اللي تنبض ورتب شكله وخرج
ناظر حبيبه وقرب منه :- عنان
همهم عنان وهو يناظر السقف بسرحان ، قرب منه بتوتر وجلس بمكانه بصعوبه :- اليوم بتبدا تعرف صح ؟
ناظره عنان وهو عاقد حواجبه :- ابدا وش ؟
تنهد بدر ومد يده يمسك يد عنان اللي سحبها يتكتف :- العلاج الطبيعي حبيبي
ابتسم عنان بسخريه وهز راسه :- منجد ومن بيجبرني انت ولا الدكتور الشفقان علي
غمض عيونه بدر ومسح على وجهه و وقف يناظر حبيبه :- بخليك ترتاح الحين بعد الظهر بيجونك الشباب
ما سمع رد عنان كالعاده وخطى للباب ببطء سمع صوت عنان يناديه ولف له بحماس :- لبيه
اشر عنان على جوال بدر المتروك فوق سريره ، قرب واخذه خارج من الغرفه بسرعه
