مافيه استمتعوا يحلويني
تجاهلوا الاخطاء الاملائية
.................
جلَ شان اللي ملاه بالحَسن والقبله
................
.........،........
الساعه 1:49 مساء
بيت عساف :|
جالسين حول طاوله الاكل وشِعاع يناظر الجالسين باستغرب منهم
كانوا عساف و زوجته و اولادهم الاثنين محمد وراغب ولحد الان محد اكل ينتظرون احد يمكن
واقف وراهم وجنبه حراس واقفين مثله ، نزل وسام بخطوات سريعه ولابس كالعاده شورت وتيشيرت اسود وشعره مبلول واضح جا من الدكتور وتروش
وقف قدام كرسيه وناظر ابوه اللي اشر له يجلس ، جلس واخذ المنديل وحطه على فخوذه اللي ظهرت بشكل بسيط
بدوا ياكلون الستيك بينما وسام مكتفي بسلطه مخصصه له
رفع عيونه يناظر شِعاع بشكل سريع وغمز له ، حس براغب اخوه الجالس جنبه يكلمه :- شفيك ؟
التفت له وسام ورفع حاجبه :- وشدخلك ؟
ابتسم عساف وضرب الطاوله بملعقته :- اسكت انت وياه
تنهد وسام وشرب من كوب المويه وهو يناظر شِعاع شكله بالبدله السودا مختلف تماماً
بدوا يسولفون بشكل عام عن يومهم بينما وسام يقلب بطبقه وحاط يده على خده وسرحان
تنهد عساف وناظر زوجته :- اليوم زاد الدكتور جرعة الدواء حقه
ابتسمت زوجته بشكل سريع واخفتها وهي تدعي الحزن :- ما يستجيب وسام حبيبي للجلسات ؟
هز راسه عساف وناظر ولده اللي عقد حواجبه و وقف يناظره :- شبعت اقدر اطلع لغرفتي بابا ؟
ابتسم عساف وهز راسه :- روح يا بابا ارتاح
مر من قدام شِعاع وخطى بسرعه لدرج يبي يهرب منهم ومن تمثليتهم
التفت عساف لشِعاع وناظره :- وش تنتظر مكانك مع وسام
مشى شِعاع لفوق وهو وده يضرب راس عساف بالطاوله بس مسك نفسه
دخل جناح وسام وناظر الصاله وابتسم للاثاث الفكتوري القديم وناظر التي في اللي حوله اشرطه قيم وافلام قديمه والكنبه تنقلب لسرير وفيه شطرنج على طاوله بمنتصف الغرفه
وفيه دولاب زجاج داخله جوائز كثيره توقع انها لوسام وانتبه لجائزه افضل رامي سهام وركوب خيل
فتح اول غرفه وكان فيه سيت اب وثلاث كراسي وطاولات فوقها ثلاث شاشات وقرب يناظر يد التحكم وكانت عليها ملصقات Marvel
