استمتعوا يحلوين
تجاهلوا الاخطاء الاملائية
بارت طويل ودسم عشان كلامكم الحلو وصبركم على البارت اللي فات ولاني كنت تعبان وماكتبت كثير واحبكم
واهداء لداعمين واللي اشوفهم يعلقون كثير واحبهم برضو
وفيه بعض الحركات والبركات يمكن البعض ما يحبها ؛
....................
من عذاب البرد جيت أبغى دفاك
وأثرك بصادق حنينك لي شحيح
....................
...............
الساعه 7:00 مساء
منسدح بسريره ويناظر شِعاع الجالس قدامه وجنبه حمدان ومتكتفين ، تنهد ورفع راسه يناظر عمر اللي يركب له مغذي :- ياعيال ماله داعي ترا انتم اوفر
وقف حمدان وهو معصب وعاقد حواجبه :- اسمع الكلام وخلك بسريرك لين يخلص المغذي وانا بسوي لك شي خفيف تأكله اصلا عنان قال لك بس حبك للعناد توك متصاوب وتاكل هالكثر وتتحرك بعد كلزق واجلس
سكت بدر وهز راسه وهو يشوف حمدان ياخذ جواله ويخرج و وراه عمر
ناظر شِعاع اللي وقف وقرب منه يبوس جبينه :- بروح اراقب مع هادي وانت ارتاح واسمع كلام حمدان تمام بدبد
ابتسم بدر لكلام شِعاع اللي خرج وقفل الباب وراه ، كشر ملامحه وناظر يده اللي فيها الابر وتنهد : معقوله ما فكر يجيني يعني حتى لو زعلان انا تعبان مفروض يجي اوريه والله ما ارضى
انفتح الباب ودخل عنان وناظر بدر اللي يناظر السقف و مو منتبه له
دفع بكرسيه لدولابه واخرج شربات وقرب من السرير ورفع اللحاف عن رجول بدر وبدا يلبسه عشان ما يبرد
فز بدر لما حس بشي يلمسه بس عدل جلسته يناظر عنان بهدوء
خلص عنان ورفع راسه يناظر بدر ولف متوجه لكنبته وقف وهو يسمع كلام بدر :- اطلع برا
عقد حواجبه والتفت بكرسيه يناظره :- ايش ؟
بلع ريقه بدر وصد عنه وهو يحس بعيونه تحرقه :- اطلع برا ابي ارتاح
همهم عنان و توجه للباب خارج منه بس وقف قبل ما يقفله وناظر بدر اللي غطى عيونه بيده
قفله وهو عارف ان بدر يبكي الان بس نزل لتحت وهو يحاول ما يفكر فيه كثير
........................
الساعه 10:29 مساء
هادي منسدح ومسند بندقيته ويراقب الوضع وجنبه شِعاع اللي جالس وضام نفسه من البرد والهوا القوي
انتبه لأحد الشبابيك تنفتح وحاول يناظر الداخل وابتسم لما لمح وسام يفصخ الهودي حقه مكتفي بتشيرت خفيف ويسحب كرسي المكتب ويجلس قدام الشباك
