استمتعوا يحلويني
تجاهلوا الاخطاء الاملائية
........................
عطرك اللي ضمني لحظة لقى
ضيّع الدنيا و ضيّعني معاه .
.........................
..........................
الساعه 8:20 صباحاً
صحى وهو يحس بالبرد يكسر عظامه من شدته ، سحب الغطاء عليه اكثر مرت دقايق واستوعب اخر شي يتذكره انه كان بيموت بثلاجه لحوم
فز وناظر السرير الكبير جدا النايم فوقه وديكور الغرفه الفخم و الواضح مو غرفته
ابعد الغطاء عنه وجلس على طرف السرير يناظر الارض اللي ما وصلت لها رجول
السرير يطوف ولا هو يتخيل لانه طويل كيف ما يوصل للارضيه !
نزل من السرير وهو يمشي ببطء ويحس بعظام رجوله ترجف بس كمل مشي للباب الوحيد الموجود
مسك المقبض وحاول يفتحه بس مقفل ، سند راسه عليه يحاول يتذكر بس مافيه شي ذاكرته فراغ
تراجع وجلس على السرير وسحب الغطاء وحاوط فيه كتوفه بعد ما حضن رجوله لصدره وهو مركز بنظره على الباب
يمكن شغل يمكنهم طلعوه والان يعاقبونه بس مستحيل يحبسونه
او يمكن بدر معاقبه بس من وين عنده بيت مثل هذا واضح انه قصر من اللي بالافلام من الاثاث الغريب
رفع راسه يناظر اللوحه الكبيره المعلقه بالجدار
عقد حواجبه باستغراب يحاول يتذكر هالوجه شايفه بس مايدري وين
نزل نظره لشنبه المرسوم كان كثيف وطرفه مرفع لفوق ودقنه مخففه
ناظر العيون المرسومه و بلحظته عرفت الشخص وانصدم
التفت لباب اللي انفتح ودخل الشخص اللي مرسوم باللوحه
بلع ريقه هِمان بتوتر ومثل البرود وعدم اهتمامه وهو يدعي احد يسعفه ويطلعه من ذي المصيبه
تقدم له حاكم و وراه شخص يدف عربة اكل لحد ما صارت بوسط الغرفه وخرج مسكر الباب وراه
تسند حاكم على جدار يمين هِمان وتكتف :- مالك صوت لو ما جيتك ماكنت بعرف انك صحيت
صد عنه هِمان ببرود وناظر العربه يشم ريحته كارسون شوكولاته وهذا نقطه ضعفه
ما صار يسمع صوت حاكم وهو يناظر اللي بالطبق قدامه حرفياً يحس مو عصافير بطنه الا دجاجات بطنه
انتبه لحركة حاكم اللي توجه لها وسحبه يقربها من هِمان وتوجه للمكتب الكبير وسحب كرسي وقربه بحيث يصير مقابله والعربه بينهم
ابتسم وصب لنفسه قهوه بفنجانه المزخرف وناظر هِمان :- اكل اول عشان تستوعب اسئلتي لك
ناظره هِمان بطرف عينه وصد عنه بدون ما يجاوب
