استمتعوا يحلويني
تجاهلوا الاخطاء الاملائية
من الان اقول لكم :
كل عام وانتم بخير وصحه وسلامه ومن العايدين والفايزين وعساكم من عواده ، اتحداكم تردون علي
......................
ما قلت لك عقب البطى وش يصير؟
...................
.......................
يوم جديد وبداية جديده
الساعه 7:29 مساء
منسدح بسريره يناظر السقف ويفكر باللي صار قبل كم ساعه
التفت لنمر اللي دخل الغرفه وابتسم له :- مانمت للحين ؟
جلس شِعاع وهز راسه :- لا حمدان بخير الحين؟
جلس نمر على سرير مقابله :- ايه توه ينام كان يبي يشوفك بس قلت له انك نايم
همهم شِعاع وهو يمسح على دقنه ويفكر وناظر نمر اللي طبطب على كتفه و وقف متوجه لباب :- تحبه ويحبك لا تخليه يا شِعاع
خرج نمر تارك شِعاع يرجع يغرق بتفكيره مو منتبه للوقت
حس بشي بجيبه يهتز مد يده واخرج جوال قديم يشبه اللي معطيه ياه وسام
عقد حواجبه باستغراب يناظر الرقم الظاهر له مايدري من هذا او كيف وصل الجوال لجيبه
فتح الخط وقرب الجوال لاذنه وظل ساكت ، سمع صوت تنفس مافيه رد
تو بينزل الجوال ويقفل بس سمع صوت وسام :- شُعاع ؟
توسعت عيونه ورد بلهفه :- وسام ؟ شلون وليه؟
تنهد وسام وهو يدور بغرفته او بالاصح الغرفه اللي انحبس فيه :- انت بخير صح ؟
همهم شِعاع وهو يفكر :- وسام ليش سويت كذا ليش ما جيت معي ؟
ابتسم وسام وتنحنح :- اساعدكم وابيك تشتاق لي
تنهد شِعاع هو يحس بالشوق من الحين :- ابوك سوا لك شي؟
وسام ناظر يده المحترقه والجروح اللي عليها :- يعني خفايف المهم ما اقدر اطول اكثر انتبه لنفسك واي معلومه اعرفها بقولك
قاطعه شِعاع اللي وقف وهو يتحرك بالغرفه بقهر :- وش سوا فيك وسام قولي ؟
بلع ريقه وسام وهو يناظر الباب :- احرق يدي لاني دفيتك ماخليته يمسكك
نزل شِعاع الجوال وضغط عليه بقوه يهدي نفسه ثواني ورجع يرفعه وهو يسمع صوت وسام الخايف :- شُعاع ؟
مسح على وجهه يهدي نفسه :- انت لا تتدخل خل الجوال معك واتصل علي اذا قدرت وابوك يومين وحنا ماسكينه فاهم وسام ؟
ابتسم وسام لكلام شِعاع يحس بغضب بنبرة صوته :- فاهم شُعاع
التفت لجهة الباب وهو يسمع صوت خطوات وهمس لشِعاع :- اسمع صوت شُعاع اكلمك بعدين
