استمتعوا يحلوين
تجاهلوا الاخطاء الاملائية
..................
ياللي جمالك ماله حدود
كل يوم وانت بعيني تزين
..................
....،....
الساعه 7:30 صباحاً
صحى حمدان وهو يحس بالبرد والألم بنفس الوقت ، حاول يتحرك بس ما قدر
ناظر نمر اللي منسدح وضامه لصدره وابتسم لمنظره وهو يفكر وش صار له عشان نمر يخاف عليه لدرجه ذي كله جرح صغير
سمع كحه شِعاع ونزل عيونه يناظره كان نايم بالكنبه الصغيره اللي بغرفته بطريقه غريبه وبجنبه بالضبط بدر ونايمين
ابتسم لمنظرهم وحاول يسحب الغطاء عشان يتدفى بس ما قدر
تنهد ورجع راسه لورا وناظر نمر اللي يناظره بابتسامه وهمس له بصوت خشن :- صح النوم
ابتسم حمدان بدوره وحس فيه يرفعه بشويش وينزله على السرير ويسحب الغطاء ويغطيه كويس
قرب من حمدان ولمس جبينه يتفقد حرارته :- زين ارتاح بسوي لك شي تأكل وبعدين بعطيك دواك
نزل من السرير بس وقف وناظر حمدان اللي مسك يده وقربه منه
رجع يجلس جنبه وهمس له عشان النايمين وراه :- شفيك فيه شي يعورك ؟
ابتسم حمدان وهز راسه وتكلم بصوت مبحوح :- ايه خدي تعورني نمر
ابتسم نمر بدوره من نظرات حمدان وتنهد يناظر شِعاع وبدر يتأكد انهم نايمين وقرب من حمدان وباس خده بلطف وابتعد عنه خارج من الغرفه
ابتسم حمدان لحركته ما توقع ممكن نمر يبوسه وبرضاه مو هو جابره ، غمض عيونه يحس بتعبت والدفى سبب نعاسه
................
دخل المطبخ وناظر عز وهادي اللي واقفين جنب بعض ويتهامسون
قرب منهم وتنحنح يجذب انتباههم وناظروه :- وش تسون ؟
دخل الوليد وفتح الثلاجه ياخذ علبه مويه وناظرهم بعد ما شرب :- يسون لحمدان شوربه ومحد يشربها غيره مدري شفيهم
همهم نمر وقرب لقدر الشوربه يذوقها وعيون عز وهادي عليه
مسح فمه وناظرهم باستغراب :- وش ؟ اشوف اذا حاره بزياده اول لا
تنهد هادي وناظر عز باحباط بينما عز تكتف :- مو حاره بس كيف ملحها وطعمها
هز راسه نمر ومشى للخارج يدخل الحمام ، قرب الوليد واخذ ملعقه نمر وذاق الشوربه
ناظرهم بفخر ورجع يذوقها مره ثانيه :- والله حلوه
ابتسم هادي وضرب كفه بكف عز اللي ابتسم لابتسامته
عقد حواجبه الوليد باستغراب وخرج من المطبخ متوجه للغرفه الثانيه ودخلها
جلس بفراشه وناظر سلطان و يوسف اللي نايمين فوق السرير حاضنين بعض وعمر نايم بالارض
