استمتعوا يحلوين
تجاهلوا الاخطاء الاملائية
.......................
محدٍ يخلّيني على مفرق طريق
أنا الطريق من اولّه لين آخره .
........................
الساعه 6:48 صباح
صحى بدر وناظر مكان عنان الفاضي ، مدد جسمه و وقف متجه للحمام يغسل وجهه ويصحصح
خرج و توجه لصاله وبيده منديل يجفف وجه وابتسم وهو يشوف عنان واقف عند الالة القهوه
قرب منه وضمه من ورا وباس كتفه العاري :- وش مناسبة هاليوم تتكرم علي وتسوي لي قهوتك الحلوه ؟
ابتسم عنان والتفت لبدر وباس شفايفه بسطحيه وسكب القهوه بكوبين :- اعطيك دفعة نشاط
ضحك بدر وجلس على الكنبه وجنبه عنان وبدا يشرب قهوته بروقان وتلذذ
ناظر عنان بطرف عينه ولاحظ شحوب وجهه ، مد يده ولمس لحيته وابتسم :- مهملها و مهمل نفسك بعد
تنهد عنان وقرب من بدر وسحبه لحضنه :- انت تحبها كذا وانت عندي ما تهملني
ضحك بدر وسمع جواله يدق وناظر عنان اللي تافف :- ما يخلونك معي شوي
وقف متجه لغرفتهم يشوف جواله :- لا حبيبي شغلنا كذا ما يخلونا
جلس على السرير واخذه يناظر رقم شِعاع ورد عليه :- شعندك يالله صباح خير
سمع صراخ حمدان وسلطان اللي يهاوش احد ، ابعد الجوال عن اذنه ثواني ورجع يكلم شِعاع اللي ما يوصله كلامه :- اسمع بجيكم انا بعد ساعه زين يلا بااي
قفل وضحك للفوضى اللي صايره عندهم ، ناظر عنان اللي دخل الغرفه وبدا يلبس بدلة دوامه
وقف وقرب منه وهو يلبس تيشيرته الاسود واخذ جاكيته وبدا يلبسه هو ويناظر عيون عنان :- انتبه لنفسك حبيبي
ابتسم عنان وباس جبين بدر وابتعد عنه ياخذ محفظته وجواله وخرج من الشقه
تنهد بدر ورمى نفسه على سريره حاس ببرود عنان تجاهله هالفتره بس اكيد من تعبه والأرق اللي يجيه
اخذ جواله وحط منبه بعد ساعه ورجع ينام لعله يتنشط اذا صحى
.................
تأفف شِعاع ونزل جواله يناظر الصاله الي صارت مكان ثاني تمام
حمدان منسدح بالارض ويصارخ على الوليد اللي يلعب معه بجواله ومتحمسين
بينما سلطان يتكلم مع عمر ويهاوشه كل ما سأله عن شي ويجاوبه غلط
وعز جالس ولابس سماعته ويقرا كتاب ونمر جالس قدامه ويشرب قهوه ولا كانه يسمع شي وهادي جالس جنب عز ويناظر كتابه بطرف عينه
سمع دق على الباب وراح يفتح ابتسم ليوسف اللي سكر اذونه ويناظره بصدمه :- اعوذ بالله تونا الصباح ما شرقت الشمس حتى
