استمتعوا يحلوين
تجاهلوا الاخطاء الاملائية
.....................
الوصل من سلم المحبين .
.................
...............
الساعه 1:20 منتصف الليل
جالس بسياره ومعه هِمان و نمر جالس ورا ومتقدم يناظر معهم المطعم البعيد عنهم امتار قليله
تنهد هِمان وناظر نمر :- ما يوصلني الصوت بشكل واضح لازم ادخل المطعم
همهم نمر وهو يفكر بينما هادي ناظر احد الندل اللي طلع وبيده سيجاره ويدخن :- لقيتها
نزل و توجه له ونمر مسح على وجهه :- ما حبيت تهور شخص هادي
ابتسم هِمان لكلامه وناظر هادي اللي مسك النادل واشر له ينزل
اخذ لابتوبه ولبس سماعته الصغيره ونزل بعد ما سمع نمر يوصيه يكون هادي ولا يثير الانتباه واللي صار عكس وصية نمر
قرب ولبس الجاكيت الخفيف اللي مده له هادي بعد ما جبر النادل يحطه :- لابتوبك خله بمكان هنا قريب وانت اخذ الجهاز معك و روح داخل اقرب مكان عشان يسجل بعدها اطلع فاهم لا تخلي احد يحس عليك
هز راسه وهو يعدل شعره بحيث نزله على اذونه عشان ما توضح السماعه
تنهد وشد على جاكيته وابتسم لهادي الساكت ومد له لابتوبه وشاله بينما هو فتح الباب ودخل يناظر المطبخ والناس اللي تشتغل وريحه المكان تفتح النفس
فكر يعزمهم بمكان زي كذا بعد ما تنتهي مهمتهم ، قاطع تفكيره الشخص اللي مد له صينيه فيها ثلاث اكواب قهوه :- يلا روحوا لهم ليش تأخرت برا كل ذا الوقت تدخن امش امش
ابتسم باستغراب وهو يناظره وكتم ضحكته لما تنهد الواقف قدامه :- بالغرف الخاصه الدور الثالث بثاني غرفه
هز راسه ومشى يدور المصعد ولما لقاه ضغط على دور الثالث
انفتح وناظر الواقف قدامه يناظر من الشباك الزجاج بالممر الكبير وبيده سيجاره ويدخن
حس انه واحد من الثلاثه بس ما عرفه بالضبط لانه معطيه ظهره
مشى للغرفه الثانيه وقبل يدق الباب مسك الصينيه الي كانت بتطيح
وتجمد بمكانه بعد ما حس فيه يوقف وراه بالضبط ويمسكها معاه
بلع ريقه لما قرب منه واستنشق ريحه رقبته وابتعد معطيه مجال يرجع لورا :- موظفينك وانت ما تعرف تمسك صينيه صغيره؟
التفت يناظره وتنهد ما كان ناقصه الا حاكم وتم
ابتسم بتوتر وناظر الباب :- صار لي اسبوع مو متعود على الشغل سيدي
همهم حاكم وتقدم من هِمان وفتح الباب وهو يناظر عيونه وهِمان بدوره يناظره
اشر له يدخل قبله وفعلاً دخل وناظر الجالسين حول طاوله كبيره وحولها اوراق بس ما قدر يلمح اي كلمه
