BLUE

Episode _ 7

ဒုတိယထပ်အလွှာ ၊ အခန်း ( ၇ )၏ အခန်းဝ​ရှေ့၌ သူ ရပ်တန့်​နေခဲ့သည်မှာ မိနစ်အနည်းငယ်မျှပင် ရှိ​ချေ​တော့မည် ။ စိတ်မြန်လက်မြန်ရှိသည့်အကျင့်​ကြောင့် ကြာကြာထိုင်​တွေးမ​နေနိုင်ဘဲ အလုပ်မှ လစ်ထွက်လာခဲ့ခြင်းဖြစ်သည် ။ အဖြစ်မှန်အား အမှန်တကယ် နဖူး​တွေ့၊ ဒူး​တွေ့ ​တွေ့ရနိုင်​​တော့မည်အချိန်ကျ သူ စိတ်မတင်းထားနိုင်ပါ​ချေ ။ ​ကြောက်ရွံတုန်လှုပ်​နေမိခြင်း​ကြောင့် ယခုအချိန်ထိ ဘဲလ်မနှိပ်နိုင်ရခြင်း​ပေ ။ မင်ယွန်းဂီမှာ မျက်စိစုံမှိတ်ကာ သက်ပြင်းချလိုက်သည် ။ သူ့၏ သံသယစိတ်များသည် အဖြစ်မှန်အား မသိရမချင်း ကြီးမားလွန်ကဲ​နေဦးမည်ဖြစ်သည် ။ တအုံ​နွေး​နွေးဖြင့် ပူ​လောင်​နေမှုအား သူ မခံစားနိုင်​တော့ပါ​ချေ ။ ချိတုံချတုံဖြစ်​နေသည့်တိုင် သူသည် လက်​မြှောက်ကာ ဘဲလ်နှိပ်ရန် ပြင်လိုက်​တော့သည် ။

" အဲ့ဒီမှာ ဘာလုပ်​နေတာလဲ "

အမျိုးသမီးတစ်​ယောက်၏ ခပ်မာမာအသံ​ကြောင့် သူ လှည့်ကြည့်လိုက်မိသည် ။

အမျိုးသမီးသည် သူ့အား မယုံသင်္ကာမျက်လုံးများဖြင့် စိုက်ကြည့်​နေသည့်တိုင် ​စိုးထိတ်​နေဟန်လည်း ရ​ပေ၏ ။

မင်ယွန်းဂီသည် သူ့​ရှေ့မှ လူအား လှမ်းကြည့်ရင်း သူ့ တစ်ကိုယ်လုံး​အေးခဲသွားသလို ခံစားလိုက်ရ​ပေသည် ။ ထိုအမဲ​ရောင် ​ဖြောင့်စင်း​နေသည့်ဆံပင်ရှည် နှင့် ရင်းနှီးသည့်မျက်နှာအား သူ တစ်ခါမျှသာ မြင်ဖူး​သော်ငြား မှတ်မိ​နေဆဲဖြစ်သည် ။

ထိုသူသည် ​မောင်၏ သူငယ်ချင်းဟု ဆိုသူဖြစ်သည် ။ တစ်နည်းအားဖြင့် သူမသည် ယူ​မြောင်ဟီးသာ ဖြစ်၏ ။

မင်ယွန်းဂီမှာ သူမအား ​ခြေဆုံး၊ ​ခေါင်းဆုံးကြည့်ရှူ​နေရင်း သူ့၏အကြည်တို့သည့် တစ်ခု​သော​နေရာ၌ ရပ်တန့်သွားရ​တော့သည် ။ ထို​နေရာသည် အမျိုးသမီး၏ ဝမ်းဗိုက်အလယ်ဖြစ်သည် ။ သူသည် ထို​နေရာအား စိုက်ကြည့်​နေမိရင်း လက်များမှာ တဆက်ဆတ်ပင် တုန်ယင်လာရ​တော့သည် ။ ယူ​မြောင်ဟီးသည် သူ၏အကြည့်​တွေအား သတိထားမိသွားသည်အလား ထိုသိသိသာသာဖောင်း​နေသည့်ဗိုက်​ပေါ် လက်တင်လာကာ ကာကွယ်လာပါ၏ ။ သူသည် ဤသို့ အနီးကပ်မြင်လိုက်​တော့မှသာလျှင် သူမအား ကိုယ်ဝန်​ဆောင်သည်မှန်း သိရ​ပေ​တော့၏ ။ ပထမတစ်ခါ သူမအား ​တွေ့လိုက်ရ​သော်ငြား ဤ​လောက်အထိ သတိမထားခဲ့ခြင်းများလား သို့တည်းမဟုတ် ထို​နေ့က ပွ​ယောင်း​ယောင်း အဝတ်အစား​ကြောင့် သတိမထားမိခဲ့ခြင်းများလား သူ မ​တွေးနိုင်​တော့​ပေ ။ သူသိသည့် တစ်ခု​တည်း​သော ကိစ္စမှာ ယူ​မြောင်ဟီးသည် ကိုယ်ဝန်​ဆောင်သည် တစ်​​ယောက်ဖြစ်သည်ပင် ။