🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 334🎀
تبسمات بشكل عادي وقالت:اه..انا نعيط لعليا(نادات بصوت عال)عليا خوك جا
خرجات عليا كتزرب تلاحت عليه بتعنيقة حتى هزها من الارض بحب وحنان فكروها غي فخوتها..كتشوفها كتبوس فيه بشوق
يقين:مباغاش ديري عقلك نتي ههههه
عليا :توحشتك(باعجاب)شوف.كي زيانيتي؟؟ههههه
يقين :حتى نتييي(مد ليها ساشي)هاكي هذا الشوكولا لي كيعحبك
عليا:(شداتو وباستو فحنكو)منسيتيش؟؟لهلا يخطيك علي..دخل دخل
هدى:حممم انا نمشي حتى يجي عبدو
عليا:لا خليك معانا نصوني ليه يجي نيشان حتى راجلي دابا غيجي
هدى:واخا
مشاو بثلاثة بيهم للصالة العصرية لي فيها لي فوتوي جلسات هي حدا خوها وهدى فاص ليهم كتشوف انسجامهم وكيفاش كيتساولو على الحال والاحوال حتى شركوها فحديثهم ملي نطق هو:عبد الدائم مسافر؟؟
عليا:لا خدام..دابا غيجي حتى هو
هدى:(شافت فتيليفونها)وقتو هادي
يقين:غنتخاصم معاه معرضش علي لعرسوو
عليا:انا نيت محضرتش دارها بيا ل vol هههه
هدى:(بمزح)فات عليك نص عمرك محضرتيش لعرسنا
يقين:درتوه هنا ولا فالمغرب؟؟
هدى'المغرب..انا عاد.جيت هنا
يقين:اااه ماعايشاش هنا؟؟حسابني هنا
عليا:لا عاد جات..باقي الاسبانية مكتهضرهاش
يقين:ساهلة دغيا تعلميييها..
هدى:غندخل نقراها ان شاء الله حيت مكنفهم فيها والو
عليا:ساااهلة وحنا نبقاو نهضرو معااك(ناضت)نمشي نوجد الصينية غندير ليك اتاي صحرااوي
يقين:(براحة)توحشتوووو
مشات عليا على نيتها للكوزينة لي مبعيداش عليهم كطل عليهم يعني كتشوفهم فحين يقين قال:كنعرف واحد السونطر زوين هنا
هدى:حتى تقولها لعبدو هو لي غيتكلف هه
يقين:ان شاء الله ضروري..غيجي ويخلص العراضة ديال العرس لي معلمناش..شكون قال هو يتزوج
هدى:هههه كلكم كتقولوها علاش؟؟
يقين:هههه دروييش عبد الدائم غي روفيكس
هدى:لا ضريييف وولد الناس
يقين:مقلناش لا..انا راه عندي.عزيز وديما الوقت لي جيت كيعاملني زويين..فيه السخاوة ديال باه
أنت تقرأ
🎀 قصة أقوى مما أدرك 🎀 بالدارجة المغربية
ChickLit# أقوى_مِمّا_أُدرك أقوى مِمّا أُدرك، و أجملُ مِمّا أظن. بعد غياب أكثر من سنة، بعد خيط الريح، لي غاع عجباتكم و تفاعلتو معاها، و نجحات الحمدلله، عدت و العود أحمدُ، سالينا قصة و غا نبظاو قصة جديدة، بنفس الأسلوب لي مولفين بيه سكينة آيت الكبير، ولكن بأ...
