🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 319 🎀
على اثر صووتو فاقت قافزة شادة على قلبها مفاهمة والو ..كتشوف غي الظلام دارت يديها شعلات الضو وبصوت ناعس نطقات:عبدو مالك
عبد الدائم كان عرقان كولو وكينهج وصورة عبد الله بين عينيه..حلم كابووس خاايب وكيبان ليه خوه باغي يمشي وهو كيعيط ليه باغي يشدووو..مجاوبهاش لزم الصمت كبمسح على وجهو..حطات يديها على كتفو محركها:عبد الدائم مالك؟؟حلمتي شي حاجة خايبة
مهضر ماتكلم ناض من بلاصتو نيشان كيسووط ويعاود بعدما ستوعب بلي راه غي كابوس..توجه للحمام مخليها فحيرة من امرها..تبعاتو تاهيا حفيانة وشعرها مخربق ..مدقاتش دخلات نيشان لقاتو كيغسل وجهو بالما بارد وكيسوووط..قطبات حجبانها بتساءل:مالك؟شنو حلمتي؟؟
عبدو:(هز فوطة كيمسح وجهو)مكاين والو رجعي تنعسي
هدى:قوليا مالك؟؟شكون عبد الله
عبدو:(فاتها)سيري رجعي تنعسي(داز هز باكي تالكارو وبريكة وخرج للبالكون)
تبعات ليه العين باستغراب والنعاس طار عليها من غوتتو والاسم لي غوت بيه..هي عارفاه خوه حيت قال ليها عندي.خويا لكن علاش غوت بيه مفهماتش..مغتنكرش تشوشات عليه ونسات خصامهم مطاحش حتى فبالها..لي كيهمها فديك اللحظة هو تعرف مالو..
كيبان ليها من الزاج جلس فجليسة تما وكيكمي عاطي بالجنب ليها وكيبان مهموم..تنهدات ومشات هزات باش كانو مغطيين وخرجات عندي بدون فولار ..تلفت ليها وقالت:كاين البرد..طنجة مبرادة فالليل
شاف فيها مطول وقلب وجهو مكمل كاروه..حتى حس بها لاحتو على كتافو وقالت:مالك؟؟اش حلمتي
عبدو:غي حلمة وصافي(كينفث الكارو)دخلي البرد عليك
هدى:وا هضر فففففف باش حلمتيي
عبدو:ماشي شي حاجة
سكت من جديد وهي تريح حداه دارت رجليها على الطبلة عريانين ومصبوغييين ممفاكاش يا يهضر يا متنوض وهو ينطق:خارجة هاكا؟؟
هدى:الليل هذاا مكاين حد
عبدو:باش عرفتيها؟؟
هدى:علاش كدوخ فالهضرة؟؟عاود ليا اش حلمتي
عبدو:حلمت بخويا
هدى:عبد الله؟؟لي مات،؟؟
حرك راسو بالايجاب وهي تنطق:اشنو حلمتي
عبدو:حلمت بيه غادي انا وياه فالطريق شويا مشا بوحدو فطريق كنجر فيه ومبغاش حتى مشااا
هدى:الله يرحمو ويوسع عليييه..يمكن خصك تخرج عليه شي صدقة
عبدو:ديما كنديرها
هدى:الله يقبل..دخل تنعس رتاح كلشي كيتحل(وقفات ومدات ليه يديها)ياله
أنت تقرأ
🎀 قصة أقوى مما أدرك 🎀 بالدارجة المغربية
Literatura Feminina# أقوى_مِمّا_أُدرك أقوى مِمّا أُدرك، و أجملُ مِمّا أظن. بعد غياب أكثر من سنة، بعد خيط الريح، لي غاع عجباتكم و تفاعلتو معاها، و نجحات الحمدلله، عدت و العود أحمدُ، سالينا قصة و غا نبظاو قصة جديدة، بنفس الأسلوب لي مولفين بيه سكينة آيت الكبير، ولكن بأ...
