🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 403 🎀
خرج مخليها ناعسة مفاقتش كاع واش جا..اما هو راه عاد بدااه الهم والتفكير..وجه كلامو لعليا:راجلك يبات عندي
عليا:واا فهمناااك
زاد معصب غي مع جنابو..مع دخل لدارو شعل كاارو وبدا كينفث فيه بدون ملل وعينيه كيحومو فالمكان بلا وذنيه لي كيلقطو صوت الصمت لي فالدار..هي لي كدير ليه الصداع والرواج فالدار..كان عايش غربة قاصحة كيدخل للدار غي الى بغا ينعس ولا يدوش ولى دابا كيدخل باغي يشوفها واخا مكتعرفش طيب واخا مكيلقا والو واجد لكن كيلقاها هي..ديما نقية وزوينة وملقية ليه بتعنيقات حلويين كتفشش عليه وتجيب عليه هبالها وفالمقابل حتى هو كيحط عليها الراس فايامو المتعبة..ديما كتلقايه متكي على صدرها وكتلعب ليه فشعرو وتبقا تعاود ليه حتى كيغفى الشيء لي خلاه يزيد يتعلق بها
كل حركاتها وتصرفاتها محفوظين عندو..اولا حيت كيحضيها من الكاميرات وثانيا حيت كيراقبها بتمعن فاش كتحرك..زفر بقلة حيلة وخرج تيليفونو نيشان للتصاور ديالهم بجوج..بقا تصويرة وا تصوبرة مرة يضحك مرة يجمعها ..حتى فيديواتهم بجوج ملي كيكونو مسافرين..مرة كتغني ليه الراي وتمعني عليه مرة هو لي كيغني ليها..وفيديو اخر كيشطحو بجوج الراي ..ضحك بلا هواه على حركااتها ومفيقو من الجو ديالو غي الصونيت تالباب ناض حل لقاه زوج عليا..تسالمو بالوجه ولاخر كيربت على كتفو بحالا كيواسيه..دخلو وعلمو بالاشارات بلي غيقاد اتاي ولاخر بقا كيتسناه فصمت حتى جاب اتاي ..
بقاو فحوار صامت فيه غي الاشارات والحركات حتى عياو وكل واحد تلاح لبيت ينعس فيه..بدل عليه وتلاح فالفراش كيشم فريحتها لي لاصقة فيه وجلس كيتقلب كيتقلب وتقول النعاس واش جاااه..شيساعتين وهو كيتقلب عادغفىى بعدم راحة
اما هي راه نعسة وحدة جبداتها مفاقتش حتى سمعات صوت محمد كيبكي ناضت طلات على عليا لقاتها كتراري بيه وترضعو
هدى:(بصوت منخافض)مالو
عليا:فيه الجوع ولدي مسكيين
هدى:(كتعجز)خمرت انا
عليا:هادي الجوج ..رجعي نعسي ترتاحي
هدى:فيا الجوووع(باست محمد)غناكلو هاد الخااانز
عليا:كولي جنابك ههههه هاد ولدي كلشي باغي ياكلو
هدى:حيت فن فن ههههه غنمشي ناكل..عندك أ ملو؟؟
عليا:عيقتي بهاد أملو..هدى واش كتوحمي؟؟
هدى:(بجدية)ميمكنش فيا لغيكل الزين(مشات)مخصني غي نولد معاه
🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 404 🎀
أنت تقرأ
🎀 قصة أقوى مما أدرك 🎀 بالدارجة المغربية
ChickLit# أقوى_مِمّا_أُدرك أقوى مِمّا أُدرك، و أجملُ مِمّا أظن. بعد غياب أكثر من سنة، بعد خيط الريح، لي غاع عجباتكم و تفاعلتو معاها، و نجحات الحمدلله، عدت و العود أحمدُ، سالينا قصة و غا نبظاو قصة جديدة، بنفس الأسلوب لي مولفين بيه سكينة آيت الكبير، ولكن بأ...
