🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 220🎀
فطوموبيل ديال أحمد كان هو العريس لابس لباس زوين عادي ماشي رسمي ومريح وحداه باه بجلابتو وبلغتو وكينكر عليهم ..والور كانت هدى أنيقة كيف العادة بأشياء بسيطة وكتبان زوينة..وحداها نجية عمتها غاديين يخطبو لاحمد
باعدي:تا دووز اش ساير تسنا
أحمد:(كيدوز ابيل)كنتسنا خوالي
باعدي:اش دير بيهم؟؟
أحمد:(زفر بعصبية)كيفما نتا غادي حتى هوما غيمشييو
هدى:بابا ضروري يمشييو حشووومة
باعدي:(كيبركم)على زيينهم تف تف
هدى:(باغيا تلف الموضوع)بابا علاش مجبتوش يوسف
باعدي:باقي صغير مبغاتش مو..خليها تحضن عليه حسابها معرت اش والدة
هدى؛(شداتها الضحكة)ههههه نعل الشيطان راك كتعاير فولدك
باعدي:يتبعها البلا يخ
سكتو كيتسناو حتى بانت طوموبيلة خوالو وتحركو تابابعينو للدار لي جات فحي شعبي..هبطو مهبطين معاهم شنو تقداو..
ستقبلوهم الناس بترحيب كبير وعزلو الرجال على النسا وكل جنس ونوع حديثو وأشكال مواضيعو..
عند النسا
كانت غيثة جالسة حدا هدى حشمانة وكتهضر معاها معاهم مها وخواتاتها وحتى بنات خالاتها مدوزين حديث نسائي خااص بيهم
هدى:اوا والعرس ان شاء الله امتا
غيثة:تافققت انا وياه منديروش العرس داكشي لبي نخسرو فالعرس نسافرو بيه
الام:لا ابنتي حنا نتي لخرة عندنا خصنا العرس
هدى:(ضحكات)والشيخات على حسابي هههههه بغينا نشطو اختي حنا راه هو لول فخوتي لي غيتزوج وبغينا نفرحو بيه
الام:ختك ان شاء الله امتا تجي؟؟
هدى:نبغيو نديرو العرس وتجي (بابتسامة)كوني هانيا أخالتي غيثثة بحال ختنا مكاينش لي يبرزطها فينا ..غتعيش وحدها(بضحكة)لا عدوزة تفلق لا لوسة تنكر هههه
غيثة:هههههه مرحبا بيكم اختي وقتما بغيتو..خوكم هذااك
بنت الخالة:لهلا يحشمنا..(بابتسامة)عفاك بغيت غي نسولك ومديريهاش مني قلة الصواب
هدى:غي سولي حنا دابا عائلة وحدة
ب:خ:داك الاونصومبل لي دايرا زويين منين خديتيه؟؟
هدى:(كتوريها يديها)هذاا؟؟كنبيعهم أنا هادو
ب.خ:بصح؟؟وريني اختي
هدى؛نخلي ليك باج انستغرام ونهضرو تما راه كاين شكييلات خرين زوينين
ب.خ:ايييه احييبة
أنت تقرأ
🎀 قصة أقوى مما أدرك 🎀 بالدارجة المغربية
Genç Kız Edebiyatı# أقوى_مِمّا_أُدرك أقوى مِمّا أُدرك، و أجملُ مِمّا أظن. بعد غياب أكثر من سنة، بعد خيط الريح، لي غاع عجباتكم و تفاعلتو معاها، و نجحات الحمدلله، عدت و العود أحمدُ، سالينا قصة و غا نبظاو قصة جديدة، بنفس الأسلوب لي مولفين بيه سكينة آيت الكبير، ولكن بأ...
