🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 326 🎀
خرج من عندو كيبركم ومشا كيتفقد الاحوال بنظرة خفيفة قليل الناس لي عارفينو هو مول الشي كيحسابهم غي كليان حيت كيجلس عادي مكحكرش ومكيدخلش
داز للريسطو لاخىر لي كان اختصاص ايطالي دار جولة تما عاد دوز ليها الخط فالواتساب بعد رنات جاوبات حيت دار ليها الويفي قبل باش تهضر مع ختها..جاوباتو بصوت ناعس:الو
عبدو:الميكروبة
هدى:ممممم نعست
عبدو:عيتي؟؟
هدى:اه السفر عيااني
عبدو:رتاحي انا واحد الساعة ونجي..مشهية تاكلي شي حاجة؟؟
هدى:لا
عبدو:واخا..رتاحي
قطع عليها وخلاها كتفوه..دوزات ساعات غيابو غي جولان فالدار كتكتاشف كل بلاصة وتقلب ..الكوزبنة فلاتها وكذلك البيوووت وكتفكر اش مشهية تبدل حتى غفاات من التعب
اما هو راه كمل شغالو وجاب معاه العشا عارفها زرقة فالطياب ...دخل كيسمع السقيل وهو يعيط بصوت غليض:هدى
هدى:مممم هاني(خرجات من الدوش)جيتي؟؟
عبدو؛عاد(حط العشا)
جات عندو باستو فحنكو وتخشات فحضنو قايلة:قنطت
عبدو:(حضنها بحب وقبل راسها)ياله جيتي.معرفتش واش عليا جات ؟
هدى:غنولي نخرج انا وياها..هي لي غتوريني المدينة
سكت شويا وقال قالب الموضوع:تعشاي؟؟
هدى:باقي الحال..عبدو خصني نتعلم الاسبانية
عبدو:باله جيتي ..ولفي بعدا ونرتاحو من السفر
هدى:السفر غي نهار
عبدو:غدا نيت غنسافرو..اسبانيا فيها بزااف مايتشااف
هدى:(عيونها برقو)حلف غنسافرو تاني
عبدو:ضروري(باسها ففمها)حاليا نبقاو فاسبانيا غي يخرجو ليك وراقك ونمشييو لدولة خرا
هدى:واخا هههه
كان هذا نقاشهم وغمق عليها فالهضرة وبالفعل كيف قال وعد ووفى ونفذ..من اليوم الموالي جمعو حوايجهم وشدو الطريق لمدينة اخرى من مدن اسبانيا الساحرة..مخلا بها حتى بلاصة والى كان سفر الاحلام راه داتو..من مدينة لمديينة ..وحدة تنسبك فلوخرا وماشي اي سفر..مكينزلهاش فاي اوطيل غي الفنادق الفخمة ذي الخدمات العالية ولي شافتها كتاخدها قبل ماتقول بغيتها باختصار خسر عليها مزيان وبدون تردد منويكفي تضحك ليه وتكون معاه واكيد علاقتهم الحميمة لي تطورات كثر او بالاحرى حرق فيها هو المراحل معاها..كل مرة معلمها حاجة وكل مرة داير حاجة حتى ولات رغبتها فيه كبيرة
أنت تقرأ
🎀 قصة أقوى مما أدرك 🎀 بالدارجة المغربية
Literatura Feminina# أقوى_مِمّا_أُدرك أقوى مِمّا أُدرك، و أجملُ مِمّا أظن. بعد غياب أكثر من سنة، بعد خيط الريح، لي غاع عجباتكم و تفاعلتو معاها، و نجحات الحمدلله، عدت و العود أحمدُ، سالينا قصة و غا نبظاو قصة جديدة، بنفس الأسلوب لي مولفين بيه سكينة آيت الكبير، ولكن بأ...
