🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 438 🎀
دوزو داك اتاي بالهضرة خيرة بلا ماتشعر كتكون شادة الجموع شويا كتلقايهم كيتناكرو وهدى لي كانت بعقلها ومافيهاش تبهليل الحمل خلاها بهلة بهاد المفهوم..لي قلتي ليها تفرنس عليه وعزاز عليها شدان الزكير كثر
ناضت خيرة كتلوي ففمها لبيتها فين كان الحاج كيقرا القرءان عارفاه من عوايدو العشية كيبغي يجلس ويقرا القرءان بين العصر والمغرب..مع دخلات مع اذن المغرب ..تبسمات وقالت:الحاج
بقا لحظات كيقرا حتى كمل هز فيها راسو وقال:لالة خيرة خصاتك شي حاجة؟
خيرة:الخير الحاج(جلسات جنبو)الله يقبل
الحاج:منا ومنك الالة(شاف ليها بتشكيك)اش واقع؟
خيرة:والله الحاج معرفت منين نبدا ليك..هدى مشات لطبيبة وقالت ليها راه ميمكنش تساافر غتبقا معانا
الحاج:(قاطعها)الى غتقولي ليا متبقاش معانا غا نوضي بدلي الساعة بخرا
خيرة:لا الحاج..ضلمتيني فهادي..تجلس الى بغات انا مجاريا على حد..غي هو البنت جات غي سيمانة جوايجها مغيقدوهاش خصها حوايج
الحاج:(بعفوية)نشريو ليها الحوايج!!
خيرة:هادشي لي قلت ..غنمشيو عند حليمة عرفتيها لي كنتقدا من عندها انا والحاجة صفية الله يرحمها..
الحاج:(بابتسامة)سيروو خاصينك فلوس
خيرة:لا الحمد لله الخير مغرقنا..مغيخليهاش ولدك
الحاج:وعلاش؟؟مالها غتهرب؟؟
خيرة:على مكيعاودو مزيرها بزاااف ..وطلباتني نهضر معاه يخليها وانا مبغيتش وحشمت نرجعها ليها فوجهها سير نتا طلبو
الحاج:(تبسم )وسيري نتي طلبيه ميقولش ليك لا
خيرة:واش الحاج انا مكنهضرووش ونمشي نطلبو
الحاج:نتي لي مكتهضريش معاه اما هو كيدوي معاك...(دار راسو رجع يقرا)انا ممساليش خصني نكمل
خيرة:عفااك الحاج
الحاج:(باصرار)سيري نتي ياك نتي لي قلتي ليها واخا..اوا سيري
رجع لقرايتو داير راسو مشافهاش باقي وهي تنوض كتلوي ففمها معاجبها حال وكتفكر كي دير تهضر معاه...رجعات للبيت وقالت:فينو راجلك؟؟
هدى:معرفتش..شوفي البيت(هزات تبليفونها كتصوني)عبدو فينك
عبدو:فلبيت خدام
هدى:صافي
عبدو:باغيا شي حاجة!!
هدى'لالاا
قطعاع معاه وقالت مخاطبة خيرة:ياله سيري
خيرة:(خزرات)وانتي غي جلسي وامري فيا
أنت تقرأ
🎀 قصة أقوى مما أدرك 🎀 بالدارجة المغربية
ChickLit# أقوى_مِمّا_أُدرك أقوى مِمّا أُدرك، و أجملُ مِمّا أظن. بعد غياب أكثر من سنة، بعد خيط الريح، لي غاع عجباتكم و تفاعلتو معاها، و نجحات الحمدلله، عدت و العود أحمدُ، سالينا قصة و غا نبظاو قصة جديدة، بنفس الأسلوب لي مولفين بيه سكينة آيت الكبير، ولكن بأ...
