🎀 قصة أقوى مما أدرك 🎀 بالدارجة المغربية

🎀 الفصل 48 🎀

🎀أقوى مِمّا أُدرِك 🎀 سكينة آيت الكبير🎀

🎀 هدى - عبدوو 🎀 الجزء : 334🎀

بالفعل شدو الوجهة بجوج فسيارة عليا لي لا تقل عن سيارة عبدو فخامة..متحمسة تشوفو فخدمتو ونيت تشوف الريسطو..غاديين محيحين بالموسيقى..وعليا كتسوق وتسنابي دارت فيديو ليهم كيغنيييوه فيه ويضحكو وحطاتو فسطوري سناب حتى وقفات فشارع طويل وفيه غي المطاعم والمقاهي..طلعات عينيها بحب وهبطو بجوج خلاو كاع لي خداو فالسيارة ونزلو..كتضرب برجليها وكدور فعينيها باغيا تكتاشف..

كان مطعم مغربي مئة بالمئة من المطاعم الموجودة فالديار الاسبانية بتفاصيل مغربية جدا..عجبوها بزااف كتشوفو عامر بانواع الناس فيهم الاسبان وفيهم لي مغاربة بحكم كتسمع الداريجة من البعض..

نطقات عليا مخرجاها من تبركيكها:هاا راه عبدو(ناداتو)عبدو

هو لي كان واقف مع الجيرون حدا الكونطوار كيدوي بجدية وكيضرب بخفة بصبعو على الطاولة كانه كيشرح ليه حتى سمع صوتها تلفت ليها وبسرعة لمحها هي بالابيض نفس الصورة لي صيفتات ليه..لكنها اجمل فعينيه فالواقع..الكسوة عريضة حمقاتو عليها ماكيبان والو فيها وكتبينها صغيرة بزاف حاملة الصاك فيديها بكل شياكة ..تبسم بشويا ومشاا جهتهم..سلم على عليا جيت سابقاها ومشا ليها هي عنقها ومرر يدو على خصرها بحب..وهي الاخرى دراعاتو بكل حنان..حسات بيه قبلها فحنكها وقال:صافا؟؟

هدى:(حشمانة حيت المكان غريب عليها)صافا ونتا؟؟

عبدو:(ذراعها فحضنو من اليسار وخاطب عليا)ضسرتي ليا مراتي..مخليتي بها حتى بلاصة

عليا:(كتقلب عليه فعينيها)هههه موت بسمك

عبدو:(تبسم لهدى لي كتشوف فيه هايمة)فوجتي شويا؟؟

هدى:بزااااف ههه عليا حمقة بحالي

عبدو:ولات تعجبها الخرجة معاك انا كنقنطها هههه

عليا:خويا نتا خلاتها هي مجمر الغمة

هدى:(ضحكات)مجمر غمتي ههههههههههه

عبدو:(خرمز لعليا وجهها)دوزي تجلسي

مشات هي ختارت طبلة سابقاهم فحين هو شد هدى حداه كيسول فيها:رتاحيتي؟؟مبقيتش قنطانة

هدى:بزااف..مخلينا فين مشينا ..

عبدو:(لمس خدها بحب قريب منها )بالصحة والراحة..اجي تجلسي

جرها معاه لنفس طبلة عليا وجلسها حداه..شير لسرباي لي جا مبسم مد ليهم الموني ومشا ينقل التبركيكة

الجيرون:(واقف مع واحد السرباية مغربية وكيهضر بالاسبانية)مراتو؟

س:يمكن..

الجيرون:زوينة..مسلمة بحالو؟؟

س:اكيد..هو مسلم غياخد مسلمة