🎀أقوى مِمّا أُدرِك 🎀 سكينة آيت الكبير🎀
🎀 هدى - عبدوو 🎀 الجزء : 342🎀
هدى مدات مجابت حيت النهار كامل وهي كضور ناااشطة اما عليا ضرب ليها تخنزييرة نييت..جلس حداها وقاليهم يطلبو شنو بغاو..ناضت عليا للطواليط..وقال مخاطب هدى:حبيبة خودي لكلاص لي كيعجبك انا نشوف واحد البلان ونرجع
هدى:واخا
بالفعل ناض تبع عليا وقبل ماتوصل لطواليط نادى باسمها بصوت مدعدع بالكارو تلفتات وقالت:مالك
عبدو:اجي معايا نهضر معاك
عليا:واخا
مشات معاه لبيروه كي.دخلات ردخ الباب وقالت:الجهل مالك
عبدو:واش نتي وقتما خرجتي مع هدى تجيبيها ليا لهنا
عليا:فيها شي حاجة؟؟
عبدو:فيها بزااف..عشرين الف راجل هنا وجايباها ليا هنا؟؟
عليا:(دارت اشارة براسها)شويا لباااس؟؟اش فيها
عبدو:فيها..فيها بزااف..انا مراتي ميشوفها حد..متجيبها لهنا لي خدامين معايا ميعرفووش مرااتو شكون ولا حتى يطولو فيها الشوفة
عليا:(خرجات عينيها)عبدو هذا راه مرض اش فيها؟؟
عبدو:واش باغيين تسطيييوني وماايشوفها حد..مبغييت حد يشوووفها
عليا:(ساطت)نتا مريييض غتبقا تخنق فيها حتى طج وديك الساعة شوف اش دير..
عبدو:ماشي شعلكم..متعصبيبش طبون مي
عليا:(رفعات صوتها)غتخرج على راسك وعليها..انا اسيدي مباقيش غنخرج معاها كاع باش تهنا..كتبقا تندمنا حيت خرجنا ولات كتخرج وكتهز الهم لهضرتك..عوووم بحررك
خرجات رادخة الباب عليه مخلياه كيترعد ومغدد غي بوحدو غي تفكر لوخرا وهو يخرج نيشان حيت خلاها بوحدها...مع خرج وغادي جيهتها كيبان ليه منظر أكثر من رائع ..منظر باه داخل بملابس عصرية شاد فخيرة لي ضاربة الملحفة الصحراوية فقاع اسبانيا شادة فيه وملامحها جامدييين مافيهم حتى حيااة..تبسم ديك الساعة ومشا كيزرب فاتجاهو ..الاخر غي شافو طلق من خيرة ومشا لولدو تعانق هو وياه بشووق
الحاج:بني ....الله
عبدو:الواليد(باس راسو)
الحاج:ولدي..تبارك الله(كيربث على ظهرو)ماشاء الله
عبدو:مرحبا مرحبا
شاف بشوق جيهة مو وعيونو كلها حب مشهي يعنقها..ياله قرب ليها وهي ترجع خطوة لور مدورة وجهها وقالت مخاطبة الحاج:الحاج عيييت بالوقيف
تلغات ابتسامتو فورا ورجع خطوة اللور محرج وقال بهدوء عكس العافية لي شعلات فيه من تصرفها :الوليدة لباس ؟؟
أنت تقرأ
🎀 قصة أقوى مما أدرك 🎀 بالدارجة المغربية
Romanzi rosa / ChickLit# أقوى_مِمّا_أُدرك أقوى مِمّا أُدرك، و أجملُ مِمّا أظن. بعد غياب أكثر من سنة، بعد خيط الريح، لي غاع عجباتكم و تفاعلتو معاها، و نجحات الحمدلله، عدت و العود أحمدُ، سالينا قصة و غا نبظاو قصة جديدة، بنفس الأسلوب لي مولفين بيه سكينة آيت الكبير، ولكن بأ...
