تحاول لانا تستوعب الكلام الي قاله و هي مصدومه
لانا:تمزح صح؟قول انك تمزح معاي تكفى
منصور ببرود:لا ما امزح و عشان تذلفين من وجهي ولاعاد اشوفك حولي لازم يكون لك محرم يعرف كيف يربيك
لانا:طيب قققوللل قول انك ماتبغاني حولك لهدرجة و الموضوع ما يوصل انكم تزوجونييي اجباري!!!
منصور:ياما حذرتك و نبهتك مني بس انتي عنيدة و ما تسمعين الكلام و تحاولين تستعطفيني بكل قوتك لكن انا منصور و هذا الشي الي بيوقفك عند حدك
لانا نزلت دموعها:منصور تجرحنيي بالكلام تراك! و بعدين وربي ما توصل للزواج و انا مابغى سالم و مابغى اتزوج اساسا تكفى تكفى ترجيتك ي منصور لا تخليهم يزوجوني غصبا عني
منصور التفت على نجد و كمل شغلة:بقولهم يستعجلون بمراسم الزواج!
لانا انهارت:ليه تسوي فيني كذااا؟ مو من حقك حرام عليك ي منصور
و طلعت من عند منصور و راحت للبيت و هي تبكي قابلت سالم ب وجهها
سالم:شفيك تبكين؟ عرفتي عن الموضوع؟
لانا بقهر:ايه عرفت و يليتني ما عرفت و يليتني ما جيت الديرة اصلا تدمرت
سالم:هدي من نفسك كل شي خيرة و الي بيحصل خير
لانا سحبت عليه و دخلت للغرفة و قفلت الباب على نفسها تكمل بكي و انهيار و تلوم الكل فيها و انه حتى امها ب بيوم و ليلة تغيرت عليها سمعت حد يدق الباب
لانا تمسح دموعها بين شهقاتها:مين؟
مهرة بهدوء:افتحي انا امك
لانا:مابغى خليني لحالي
مهرة تدق الباب بقوة:لانا افتحي الباب بسرعة بكلمك
لانا قامت و فتحت الباب ل امها مهرة دخلت الغرفة و سكرت الباب
مهرة ب اصرار:اسمعي ي لانا اليوم الاحد و بأذن الله يوم الجمعة بتكون مراسم الخطبة و الجمعة الي بعدها زواجكم ميرة اختي تبغى تستعجل ب موضوع سالم و لعلمك للحين سالم ما يعرف عن موعد الخطبة ف لا تلومينه هو !
لانا انقهرت اكثر و رجعت تبكي بقوة:امييي تكفييين وش الي الجمعة خطبة و بعدها على طول ورانا زواج ليه الوقت بسرعة و انتوا مستعجلين ارجوك امي لا تزوجيني مابغى اتزوج
مهرة بعناد:غصباً عنك انا ادور الستر لك لمصلحتك و أولى لك ولد خالتك
لانا انقهرت و صرخت على امها:و لو ابوي هنا ما بيرضى يزوجني و انا اعرف
مهرة غضبت من موضوع انها تقارن امها ب ابوها:لا تقارنيني ب ابوك الخايس الي يتزوج الثلاث و الاربع انا لي بالتربية قوانين و ابوك له قوانين لحاله و دامك اخترتي تعيشين معاي تحملي الي يجيك مني
و طلعت مهرة من الغرفة
لانا صرخت:مامااا مفروض تكونين الامان حقي مو الرعب!!!! وش صارلك ب يوم و ليلة تكفين للليه الكل تغير علي؟؟؟؟
لفت نفسها بالفراش و هي تشاهق من كثر البكاء لدرجة غطت بالنوم ب تعب و من بعد ما نامت دخل سالم الغرفة جلس يتأمل لانا بهدوء و يفكر ب مليون شي براسه لين اخذه النوم بعد ساعتين دخل منصور الغرفة و الحمام على طول و بدل ملابسه و طلع و شاف فراش لانا يرجف و يسمع أنين منها قرب منها و نزل لعندها يبعد الغطى عن وجهها شاف دموعها الي عالقة بعيونها و خشمها المحمر من كثر البكاء و أنين تصدره من فمها استغرب منصور و عقد بحواجبه و حط راحة يده على جبهة لانا و حس بالحرارة الي طالعه منها و عرف انها مرضت على طول قام من مكانه و راح لخالته مهرة دخل للغرفة و شافهم الكل نايم و ماقدر يصحيها او يتصرف ف راح للمطبخ و جهز الكمادات و اخذ الادوية اللازمة رجع للغرفة و جلس على فراش لانا جنبها صحاها من النوم بغصب
لانا بخمول و تعب:ماما مابغى اصحى خليني نايمه
منصور:انا منصور مو امك اصحي تراك محمومة لا تموتين علينا
فتحت لانا عيونها ب هدوء تستوعب الوضع الي هيا فيه
لانا بكحة:منصور خلني انام ياخي وش تبغى الحين؟!
منصور:مريضة انتي لازم تشربين الدواء و احط على راسك كمادات
لانا:مابا دواء و مابا كمادات باردة احس بالبرددد خلني انام
منصور:لانا لا تعاندين و اصحي يلا اشربي الدواء عشان تخف عنك الحرارة و بحطلك كمادات
لانا قامت و هي تتذمر من منصور:طيب
مد يده بالدواء لحد فمها يحاول يشربها:يلا بسم الله افتحي فمك شوي بس عشان تشربينه كامل
لانا مسكت ايد منصور و حاولت انها تشرب كل الدواء بعد ما شربته تقززت منه شوي و ضغطت على ايد منصور
لانا:طعمه مو حلو
منصور:ايه اكيد دواء وش تتوقعين يلا نامي بحط الكمادات على راسك
لانا و هي ترجف من البرد:الكمادات باردة مابغى
منصور:لاحول ولاقوة الابالله بتجلسين تعاندين كذا ترا بخليك و بروح انام و الحرارة بتفجر راسك
لانا:ايه خلني اموت احسن من ذي العيشه الي انا فيها
منصور بعصبية:لانا كلامي واضح بسرعه نامي
لانا نامت و عدلت وضعيتها و منصور حط الكمادات على راسها بخفة عشان ما تحس بالبرد بسرعة رجفت لانا و تمسكت ب منصور و تأثير الحرارة فيها واضح
لانا:منصور لا تروح عني
منصور:ايه خير ان شاء الله
لانا بدلع و فيها نوم:منصور نام عدالي تعبانه
منصور عقد حواجبه:صاحيه؟تسمعين وش تقولين
لانا بإصرار:منصوررر نام جنبي
منصور:مابغى امرض منك
لانا و هي تمسكه و تقربه عدالها:بسرعه ابغى اتدفى بردانه
