لحظات من الصدمة كانه وقف الزمن ف هذا الوقت سارة مصدومة و لانا صدمتها أكبر ثواني و ابتعد منصور عن لانا بخفة بس لانا عصبت و صفعته على وجهه للمرة الثانية
لانا بعصبية:ماتستحي انت؟؟؟؟تلعب ب مشاعري و قدام حبيبتك الي بتصير زوجتك!!!!
منصور:مين قال اني بتزوجها؟
لانا:وخر عني بروح البيت
منصور مسكها من ايدها و قالها:الحين بتشوفين الحقيقة و ليه انا قبلتك
سارة ب صدمة:شقصدك ي منصور؟ليه سويت كذا ؟
منصور ناظرها ببرود:لا تنسين انه حمد خويي و قالي عنك كل شي!
سارة خافت و حاولت ما تبين الخوف بس كل شي واضح بعيونها:ح ح حمد؟؟؟؟ وش قالك اكيد يكذب
منصور:ايه حمد ولد جيرانكم مو اخوك ! قالي المرة الي ترجيته عشان يطلع وياك اخر الليالي و كيف كنتي تركضين من واحد ل واحد و عطاني دليل رسايلكم ف الرسايل و صورك الي ترسلينها له و رغم انه حمد مو عاطنك وجه ي قليلة الحياء
سارة انصدمت:كيف قالك كل ذا حمد كذاب !! انته ليش تصدق كلامه؟
منصور:و ازيدك من الشعر بيت قالي انك تمثلين تحبيني بس عشان اتزوجك و تاخذين انتي و اهلك ورث امي و ابوي و حلالهم مثل ما أمك خذت زوج خالتي
سارة بلعت لسانها من الصدمة و ما قدرت تنطق او تتكلم و رجفة ايدها و شفايفها توضح انه كل الي قاله منصور ب اصدق كلام
لانا:منصور فك يدي ابغى اروح!
منصور:بيروح غيرك و انتي بتبقين
ناظر ف سارة و كمل:انتي ذلفي من هنا و لا عاد اشوفك حولي و لو لمحت وجهك مره ثانيه بتشوفين الي يسوى و ما يسوى و ف وقت العزايم لا تحاولين تجين طيفك مانبيه و توكلي
سارة استغلت فرصة الهرب و ركضت راجعة لبيتهم
منصور بتوتر:ببررلك كل شي
لانا نزلت وجها من الخجل و تلعب ب اصابعها:ليه تبوسني قدامها؟
منصور حس بالخجل بس ما بين لها:احم كنت ابغى ارويها انه في احد ف حياتي غيرها و مهو ب شرط الدنيا توقف ع شخص ما يستاهل
لانا رفعت راسها تناظر منصور:بس انته تلعب بمشاعري و مو من قلبك الي سويته انته قبلتني بس عشان تفصل علاقتك مع سارة و طيب و انا؟
منصور تنهد:لانا بعدين بنتكلم
لانا تنرفزت و عصبت:ليه؟ الحين في وقت انه نتكلم عن الموضوع و نخلصه بعد!
منصور غمض عيونه بتعب و مسح عليها:لانا قلت بعدين سمعي الكلام و يلا ارجعي البيت
لانا بعناد:ماني برايحه اي مكان لين تفسررر لي ي منصور
منصور:لانا!
لانا:خلاص طيب طيب زعلت منك ماتستاهل تاخذ شفايفي انت
منصور انصدم من كلامها:وش؟؟
لانا هربت للبيت ركض قبل لا يعصب و يمسكها
دخلت الغرفة و هي تهوجس من الصدمة منصور قبلها تتلمس شفايفها بصدمة و ابتسمت لا شعوريا لانا تحب منصور و مهما الي سوا لها تبقى تحبه بس ابدا ما تقدر تعترف و ماتعرف متى بيجي اليوم الي بتعترف ل منصور
دقت امها الغرفة
مهرة:لانا موجودة؟
لانا:ايه ي مامي موجودة
مهرة:بكلمك ب موضوع
لانا:يا هالمواضيييع الي ما تخلص
مهرة:هالمرة الموضوع غير
لانا:ايه بسم الله قولي
مهرة:تعرفين ان ابوك رجع من روسيا للامارات و قبل لا نجي الديرة طلبت من ابوك الطلاق و هو واقف و بعد اسبوع بتكون جلسة محكمة و لازم نروح لها و تعرفين انه بيكون لك قرار مع من تعيشين و تكملين حياتك و طبعا بيكون لك شهر تروحين تجلسين عند الطرف الثاني
لانا انصدمت و دموعها نزلت:مامي ما كنت اتمنى يجي يوم و انتي و ابوي تتطلقون للحين اعيش ب حلم كيف كنت دلوعتكم و نلعب و نطلع مع بعض و ناكل و نعيش ليه كل ذا صار؟
مهرة بضيق:تعرفين السبب.........الممهم يا روح مامي انتي ابغاك تجهزين اغراضك بعد يومين بنطلع للمطار و بنروح الامارات بنجلس هناك لحد ما تخلص جلسات المحكمة و بنشوف وش بيصير بعدها
لانا هزت راسها بالزين و ضاق خاطرها اكثر و جلست ع الفراش تفكر كثير و تبكي مصيرها ماقدرت تحدده و كيف انها بتحتار بين أمها و أبوها
