منصور لأول مره يحس بشعور غريب شعور ما قد مر عليه من زمان
لانا قالت كل شي بخاطرها الي يسوى و الي ما يسوى و منصور مصدوم من كلامها له و وقف ساكت و مستغرب من نفسه و تصرفاته خاصة مع لانا
لانا:الي علي قلته لك يا منصور و الي عليك انك تفكر ب اسلوبك و شخصيتك معي و مع غيري و اتمنى تعدل من نفسك!
رجعت لانا للبيت و صادفت عايض قدامها اول ما شافته بكت و ركضت ترتمي بحضنه و كل ذا يصير قدام منصور
عايض ب اهتمام:ماعليه ي لانا لا تبكين انتي دموعك غالية وربي لا تبكككيننن اليوم ملكة مريم و لازم تدخلين عليها و انتي مبسوطة صح؟
لانا و هي تمسح دموعها:ايه صح
عايض:اجل يلا ادخلي ولاعاد اشوفك تبكين
لانا ب ابتسامة:ان شاء الله
من طرف الثاني
سالم:منصور و اخيرا جيت وين رحت فجاه اختفيت
منصور:سالم تقدر تجي شوي برع البيت ؟
سالم:عسى ما شر و بعدين وش فيه وجهك احمر؟؟
منصور:بسرعة ي سالم احتاجك ضروري
سالم:كيف اروح عن المعازيم كذا و اطلع
منصور:ياخي عادي بسرعة بس محد بيلاحظ
سالم:طيب يلا الله يستر وش مسوي انت
سالم:ها و طلعنا برع البيت وش فخاطرك قول تكلم شي صاير؟
منصور :احبها
سالم:وش؟؟ من هي تحبها؟
منصور:ي سالم احب لانا
سالم:الحمدلله يوم اعترفت بمشاعرك ولله اني داري
منصور:تكفى ي سالم ساعدني
سالم:ليه وش سويت؟
منصور:توها جت من الامارات و صار شي و تهاوشت معاها و بكيتها بس هالمرة قالت كلام كثير كلام واضح انها كانت شايلة بخاطرها علي
تنهد منصور و كمل:ساعدني سالم انت تعرف بالحب كيف اراضيها كيف أواسيها يعني انا معقولة أسلوبي كذا؟ سويت كل ذا فيها و هي ساكتة؟
منصور رجف لما تذكرها مع عايض:سالممم تدري انها كانت مع عايض بروحهم بالمطبخ يسولفون مع بعض و يتغزل فيها اهخ بموت و القهر الأكثر انها لما بكت راحت تحضنه ي سالممم شاب راسي منها
سالم:صل ع النبي شوي شوي بنفهم الموضوع و بقولك وش تسوي بس مو الحين بعد الملكة
سالم ضحك ب سخرية:سبحان الله من كم اسبوع قلت لك بتجيني متعذب من الحب و بعدين مفروض شعر لانا الي يشيب منك مو انت
منصور:سالم تكفى مو فاضي ل غياضك طيب متى تخلص الملكة استعجل
سالم:مجنون انا استعجل ف يوم فرحي عشان احل قضاياك و مشاكلك يلا دز
منصور:تكفى
سالم:بندبرها و أنا اخوك
دخلت لانا على الحريم و سلمت عليهم و على امها و خالاتها و جدتها و قابلت مريم
مريم بشهقة:لانننناااا
لانا و هي تبتسم:ايييه لانا
مريم حضنتها:تكفيييين اشتقتلك يا الله طولتي علينا
لانا و هي تبادلها الحضن:اييه بس شنسوي هذي الدنيا يروحي
مريم:يلا بتزين مع الايام طمنيني عنك وش مسويه (تغمزلها)هههااا بشري شفتي منصور
لانا تنهدت بضيق:لا احكيلك بس عن الي صار قبل شوي
مريم:قولي قولي بسرعة وش صار
لانا قالتها كل الي صار بالتفصيل
مريم:اح اح اح و حضنتي اخوي بعد
لانا:ايه خله عشان يغار و بعدين عايض حنون
مريم:انتي لا يكون بتحبين عواضي
لانا:وش عواضي؟
مريم:أيه أنا أدلعه كذا بس هو ما يحب و دايم يهاوشني إذا ناديته كذا
لانا:اجل بجرب اناديه بشوف وش يسوي
مريم ضحكت:بيمردغك
لانا و هي تضحك:انشهد بس لا ما يرضى فيني
مريم:خفي علينا بس
