منصور قرب من أذنها و همس:احبك لولي
لانا تفاجأت:احسسس اني بحلم!!!
منصور مسك يدها و ابتسم:لا منتي بحلم إلا بالواقع و معي و بين أحضاني و احبك و تحبيني
لانا دمعت عينها:يا الله من قال بيجي هاليوم و بحبك فيه و تبادلني الحب
منصور:الحمدلله يلا يا قلب حبيبك انتي الوقت تاخر لازم ننام
لانا:ي جعلني افدا قلبك ولله
تمشوا و هم يسولفون لحد ما وصلوا البيت و قبل لا يدخلون
لانا:ايه صح بكره عزيمة عندنا
منصور:مين قال
لانا:جدتي قالت العزيمة على الغداء يعني لازم نصحى بدري
منصور:ان شاء الله على خير
لانا ابتسمت و مسكت يد منصور:قبل لا ندخل البيت (قربت همست له) لازم نعبر عن مشاعر بعض قبل النوم
منصور:ايه وش بتسوين
لانا قربت منه:امممم (باست عيونه و ابتسمت) يلا قووود نايت
و راحت للغرفه بس ماتدري وش سوت للي واقف مصدوم للمرة المليون
ضحك بخفة
منصور:يعني ما لقت مكان الا عيوني اهخخخ
الصباح 8:00
البيت به ازعاج و حركة و ترتيب و صراخ
سلامة:منصور وينه ليه ما صحى للحين غريبة مو من عوايده
ميرة:ايه ولله خلني اروح اشوفه
فزت لانا من مكانها:لا تقومين ي خالتي أنا بروح عنك ارتاحي
ميرة:بتسوين فيني خير تكفين روحي شوفيه لاني مشغوله
لانا:ابشري
دخلت الغرفة و راحت ل عند منصور جلست على السرير بجنبه و تتأمله بحب و هو نايم
لانا حطت يدها على شعره:منصوررر حبيبي قوم يلا
منصور يزفر بضيق
لانا عقدت حواجبه و شافته معرق و وجهه احمر حطت يدها على جبهته
لانا شهقت:مممنصورر مسخننن فيك حرارة؟؟؟
قامت بسرعه للمطبخ تجهز الكمادات و جابت مقياس حرارة و ميرة استغربت من لانا لانه تسألها و ما ترد عليها خافت و قامت لحقتها
لانا وصلت عند منصور و على طول صحته ياخذ الدواء
لانا بخوف:منصور قوم خذ دواك ترا فيك حرارة لا ينفجر راسك
منصور بتعب:وخري عني مابا
لانا بتوتر:منصور تكفى عشاني اصحى خذ الدواء و خلني أداريك
منصور بعصبية:قلت وخريييي عني ياخي
لانا:وربي أنادي خالتي ترا (حاولت تدخل الدواء ب فمه و تشربه المويه)
منصور مسك قارورة الماء و كباها على صوب لانا و ابعد لانا عنه بقوة
لانا وقفت مصدومة من الي سواه
منصور بعصبية:لما اقولك وخري عن وجهي يعني توكلي مابغاك تداريني ولا ابغا منك شي بس قلبي وجهك عني
بنفس الوقت دخلت ام منصور عليهم
ميرة:يمه منصور ولدي وش فيه
لفت على لانا شافتها مصدومة و الدمعه ب عينها
ميرة:شفيك لانا ليه تبكين وش صار
منصور:امي خليها تطلع من الغرفة قبل لا اقلب عليها
ميرة:ماعليه حبيبي انت الحين علمني شفيك خلني أشوفك و بعدها نتفاهم
لانا طلعت من الغرفة و هي تبكي و حست ب شعور الذل و قالت هذا منصور و مستحيل يتغير و بيرجع يكون القاسي و البارد عليها
شالت اغراضها الي بتحتاجها و علمت امها انها بترووح ل مريم
بيت عذبة
عذبة:حبيبي عايض شوف مين يدق الباب
عايض:يمه مو على اساس بعد ساعتين بنروح بيت جدتي سلامة من جا
عذبة:طيب شوف افتح الباب
عايض فتح الباب و اندهش من الي واقفه قدامه و تبكي:لانا!!!!؟؟ليه تبكين بسم الله وش صارلك؟؟
لانا و هي تدمع:قوم عني ابغا مريم
عذبة:مين جاي
عايض:يمه هذي لانا بنت خالتي
عذبة:حياها الله
لانا:خالتي وين مريم
عذبة فزت:حبيبتي لانا وش فيك ليه تبكين؟
لانا:تضايقت من الي بالبيت و قلت اجي عند مريم
عذبة:مريم بغرفتها تتجهز عشان بنروح عند امي سلامة
لانا:أنا مابروح انتوا روحوا و خلوني هنا جالسة
عايض:تحت أوامرك تددلي انتي
لانا ابتسمت و راحت ل غرفة مريم و دخلت على طول
مريم فزت:بسم الله الرحمن الرحيم ليه ما تدقين الباب و وش جابك
لانا و هي تبكي:خيييير يعني ما تبيني اجيك
مريم انصدمت:لااا ما قلت كذا و بعدين ليه تبكين افا من زعلك
لانا:تعالي بقولك وش صار
لانا قالت ل مريم كللل الي صار من ليلة امس و لحد الصباح اليوم
لانا:و هذي أنا جيت عندك
مريم:لاحول ولاقوة إلا بالله يعني منصور ما جاي يتعدل ابد
لانا:كرريريييه قهرني و أبي اقهره عشان ما يتلاعب فيني كذا
مريم:استهدي بالله يمكن هوا لما مرض كذا نفسيته خربت معاه
لانا و فيها غصة:بس مو كذاااا يعاملنيييي تراني ازعل منه
مريم ضحكت:دلوعه انتيييي
لانا:لا ماني ب دلوعه
مريم:الا الا بس بقولك خطة تحرق قلبه ها وش قلتي؟
لانا:لا مابيه يتعذب كثير مارضى عليه
مريم:اجل دزي امها ما ترضين عليه اجل
لانا:نعممم!!!
مريم:امزح بس لانا صدق ما تبين يعني تأخذين حقك؟
لانا:الا بس ب شي هييين
مريم:ازهليها
لانا ضحكت:كفو
12:00
الكل تجمع بيت الجدة سلامة و متجمعين على وليمة وحدة
ميرة:و كذا ولله ي عذبة مرض و عالجته و الحين هو احسن عن الصباح
عذبة:الله يعين ي اختي داري عليه
مهرة:طيب ما بيجي يتغدا شوي ع الاقل يتغذى و يقوي نفسه
ميرة:بحاول فيه (لفت على عايض) عايض عيني روح شوف منصور إذا بيجي يتغدا و أقنعه كان بتقدر عليه
عايض:ابشري
ميرة:تبشر بالخير حبيبي
مريم غمزت ل لانا
لانا قامت ورا عايض على طول تلحقه و وصل عايض عند منصور
منصور طلع من الحمام و شاف عايض عنده
منصور:يالله مساء خير؟؟
عايض:خالتي مهرة تبغاك تتغدا معنا بتجي؟
منصور:ما بجي توكل!
دخلت لانا الغرفة
لانا بدلع:عواضيييي
عايض التفت و هو مصدوم:هاه؟
منصور عقد حواجبه ب استغراب!!
لانا قرب من عايض:عواضي بصراحه أنا و مريم طفشانات و نبغاك تطلعنا
عايض يناظر لانا و هو مبتسم على دلعها و منصور الي محترق صوب ثاني
لانا تتغنج عليه قدام منصور و كملت:شرايك بعد الغداء نطلع أنا و انت و مريم
و حتى لو مريم ما رضت عادي بنطلع أنا و انت وش قلت؟
عايض:ابشري من عيوني كم لانا عندنا
لانا ابتسمت:تسلم عيونككك شكرااا
عايض ضحك:ولو ما بينا ي عيني
استحت لانا
و راحت و هي مخليه الغرفة شرار و نار من منصور
