مهرة دخلت للصالة على اختها ميرة بقوة: يا ميرة بكلمك بموضوع
ميرة:بسم الله وش مستوي؟
مهرة:ولدك كان ماسك بنتي طول الوقت و مربطها ب أحبال!!!تستوعبين وش ذي الحركات هذي مهي ب حركات شخص صاحي اسمحيلي ولدك لازم يتعالج نفسياً
ميرة وقفت مصدومة:كيف ربطها ب أحبال؟؟؟كييف مافهمتتت
مهرة:ولله هذي سوايا ولدك طلع مختل عقليا
ميرة:ألفاظك إلا ولدي مستحيل
مهرة رفعت صوتها:اجل يربط بنتي ب أحبال بمكان النياق و ملثمها و حنا ندورها كل مكان و هو حابسها!!؟
دخلت سلامة بفزع على صراخ بناتها و سمعت كلام مهرة:مين الي ربط الثاني بأحبال؟
مهرة التفت على امها و هي معصبة:منصور حفيدك هو الي ربط بنتي بالسرج و كتمها عنده و لافها بأحبال بكامل جسدها
ميرة:مستحيييل منصور ما يوصل لذي الدرجة
سلامة تنهدت و هي تناظر ميرة:تابعي ولدك يا ميرة كم مرة قلتلك
ميرة تنفي بعدم تصديق:قلت مستحيل ولدي و اعرفه ما يسويها
مهرة صرخت عليها:لانا ما بتكذب عليييي و ألم يدها و رجلها من الوهم؟
ميرة مسكت راسها و جلست تحس بالدوار و غمضت عينها بقوة تسمع كلام اختها مهرة عليها تزامن دخول لانا الصالة و هي تمسح دموعها
لانا:ماما خلاص
مهرة التفت على لانا:خلاص ايش؟!!!!
لانا نزلت راسها بتوتر:حصل خير ما صار شي لا عاد تتكلمين كذا عن منصور
مهرة فتحت عيونها بصدمة:تدافعين عنه؟؟و عن اللي سواه فيك هااا؟
لانا سكتت بهدوء و كملت مهرة:ردييي علي؟علميني تدافعين عنه و هو رابطك بحبال و ملثم فمككك راضيه يعني؟
سلامة:هدي ي مهرة لا تصرخين على البنت
مهرة تجاهلت امها و تقدمت تمسك معصم لانا بقوة:علميني يا لانا ليه كل مره تكونين ضدي بكل شيء؟وش سويت لك أنا امك؟قبل شوي علمتيني تبين تروحين لأبوك و الحييين تدافعين عن منصور و رغم انك جيتي تبكين بسببه
لانا مسكت يد امها تبعدها عنها بألم:ايدي توجعنييي
مهرة كملت تمسكها بقوة:لانا انطقييي وش سويت لك لهدرجة تبين ابوك أنا مقصرة معاك ب شي
لانا بدات تبكي بألم بسبب ضغط امها على يدها بقوة
سلامة تقدمت تدافع:مهرة اتركي البنت تعورينها تراك
مهرة:امي لوسمحتي لا تتدخلين بيني و بين بنتي
سلامة بغضب:بنتك تتألم منك
رخت يدها مهرة عن يد لانا و نطقت لانا بعصبية و بكاء مع دخول منصور للصاله:برجع ل بابا غصب عن الكل
سمعها منصور و خرجت لانا متجاهلته كان بيلحقها بس مسكته سلامة تبي تفهم منه الموضوع
راحت لانا و دخلت الغرفة بقوة فز سالم الي كان يكلم مريم بالجوال بسبب دخول لانا و شافها تبكي
سالم:مريم بخليك شوي بعدين برجع اتصل لك
مريم من الجوال:تمام حبيبي
اغلق سالم المكالمة و التفت على لانا الي جلست على فراشها تبكي بصمت:لانا شفيك تبيكن ؟؟؟و بعدين وش كل ذا الصراخ الي بالصالة ماقدرت اكلم خطيبتي براحة
لانا رفعت عيونها عليه بعصبية:انكتم انت و اخوك هذاك
سالم تنهد:ايه اجل السالفه فيها منصور ما خلصنا منه وش مسوي هالمرة
لانا التفت ما ردت عليه و هوجست بالفراغ
رجع سالم يدق على مريم و ينقل لها علوم اللبيت
