منصور مسك وجهه بصدمة بعد الكف الي جاه من لانا ولا مرة بحياته احد رفع عليه اليد او تجرأ و ضربه
منصور مسك ايد لانا و لفها:مين الي سمحلك ترفعين ايدك علي انا و تصفعيني كف؟؟!!!
لانا بتألم و بكاء:خلاص منصور اتركني اروح
منصور بغضب:و تبيني اتركك بعد الي سويتيه؟
منصور لف وجهه على سارة الي كانت منصدمة من الي شافته قدامها
منصور:ادخلي داخل و قوليلهم منصور شال لانا عشان بطنها يعورها و بينا لقاء ثاني
سارة هربت من عصبية منصور لانها ولا مره جلست معاه و هدته من العصبية و خففت عنه التوتر على طول تهرب اهم شي نفسها !
منصور كمل الشد على ايد لانا و ضغط عليها و لانا زاد صياحها بسببه و بسبب ألم بطنها
لانا:خلاص منصور تكفى اتركني بموت من الألم شفيييك؟
منصور و الغضب عامي عينه:ما اتركك لحد ما اردها فيك بشكل اقوى و الحين امشي قدامي انا بعرف وش اسوي لك بالبيت
لانا:مابغى ارجع البيت بجلس عند امي
منصور مسكها من ايدها مره ثانيه و شد عليها اكثر لانا صرخت من الألم الي داهم ايدها بعد ضغط منصور و اتضحلهم انه ضغط على الجرح مما خلاه ينزف مره ثانيه لانا بكت اكثر و منصور شال ايده عنها و مسكها من أعلى ايدها بخفه و سحبها معاه
لانا بشهقاتها:منصور ايدي تعورني!! منصوررر أتألم قاعده تكفى ارحم ضعفي على الاقل
منصور انزعج من نواحها على اذنه و تركها بعد ما تاكد انه ابتعد كثير بالمشي عن بيت خالته لانا مسكت يدها بوجع و هي تبكي تنادي أمها
لانا و هي تتأوه بألم:ايدي توجعني و بطني ماتحمل امشي اكثر احس بيغمى علي ما اكلت شي اكيد امي بتخاف علي
منصور:وفري كلامك و امشي بسرعه عشان اعلمك مع من تتعاملين
لانا وقفت فجاه بعد ما حست بدوخة و راسها مصدع منصور التفت عليها
منصور بعصبية:يا بنت امشي بسرعه
لانا بتعب:طيب ثواني جتني دوخه
منصور:لا حول ولا قوة الا بالله منك
لانا تجاهلته و كملت الطريق لوحدها دخلوا ف سكة مظلمة و بدات لانا تحس بالخوف قربت من منصور شوي بس ماتبغى تلمسه و ثواني الا سمعت صوت من خلفها على طول تمسكت ب منصور و هي ترجف منصور حس ب رجفه ايدها و كان المفروض انه يطمنها و يقولها انا جنبك لكن منصور سوا العكس دفعها من عنده و كمل يمشي لوحده
منصور و هو يسرع ب خطواته:امشي ل وحدك و لا عاد تتمسكين فيني
لانا بخوف:منصور انتظرني شوي
دقائق معدودة و سمع صوت ارتطام بالارض التفت بسرعه و شاف لانا تصرخ ركض لعندها و شافها تبكي بخفوت
لانا:شفت لو ما خليتني بروحي ما كنت بطيح على الارض
منصور:تراك مره دلوعه ما صارلك شي قومي
لانا:رجلي توجعني طيب
منصور:متى بتفكيني عن دلعك ذا و ارتاح من ازعاجك بس واضح دلوعه امها و ابوها
لانا عقدت حواجبها ب زعل:ايه محد يهتم فيني غير امي و ابوي و الحين صارت بس امي مابغى حد انا
قامت بنفسها و كملت الطريق و هي تعرج و صلوا على بيت الجدة بس منصور سحب لانا عند نجد
منصور:هنا اقدر احاسبك على راحتي
لانا:فكني ما بروح معك روح ل عند سارة خلها هيا تجي معاك هنا
منصور التفت بسرعه لها و مسك فكها
منصور:لا عاد تجيبين طاريها على لسانك مره ثانيه و لا بتشوفين الي ما شفتيه بعدك مني
لانا:كل الي سويته فيني و تنتظرني اشوف اشياء ثانيه؟ بحياتي ما شفت شخص نرجسي و عصبي و وقح مثلك
منصور:وقح؟
لانا:ايه وقح و اكثر
منصور تنرفز و ترك فك لانا و راح ل نجد يحضنها و يمسح عليها
لانا تقربت من منصور:ما توقعت انك تحب وحدة ولا ما كان تقربت منك و انا اقول ليه كل مره تحاول تبعدني ادري علي الغلط اني تقربت منك لاني ما كنت فاهمة انه بقلبك بنت تحبها بس.....
منصور:بس وش كملي؟؟
لانا:مدري ودي اعتذر اني انفعلت على الموضوع و هذا حق من حقوقك انك تحب بنت و تتزوج و تأسس عائلتك انا ما يخصني فيك و اسفه على الكف ما كنت مستوعبة الي صار
منصور:ليه يعني وش كنتي تتوقعين مني؟ ليه كلكم تحبون تشوفوني مستوحد انا ما صدقت اني انجذبت ل بنت بعد سنوات من الكئابة
لانا:ابد حسبت انك مكتفي ب نجد و ب عائلتك اثاري انك مكتفي ب وحدة بقلبك
تنهدت لانا بعد ما طلعت الي بقلبها و قررت ترجع البيت
لانا:انا بروح ف خاطرك شي؟
منصور:توكلي بس
لانا بهدوء و زعل من اسلوبه:ان شاء الله
