منصور:شفيكم
عذبة:مصدومين منك
ميرة:يا جعل هالضحكه تدوم لك يا بعد كل ناسي و اهلي انت
منصور تنهد و نطق:ان شاءالله معاك يا الوالدة
مهرة:اجل نخليها الاثنين عقد قران و العرس بندبره
سلامة:ايه صح
ميرة:ولله تم ان شاء الله
التفت منصور على لانا الي كانت شوي و تموت خجل:وش رايك انتي؟
ناظرته لانا:ماعندي مانع
منصور بهمس:اكيد لانك تبيني
فتحت عيونها لانا تسكته و ضحكت بخفه
صباح الجمعة
سالم:ياليللل وش ذا الازعاج من الصباح
لانا بصراخ:سااااللللممم اطلعع مع منصور برع الغرفه ابغى أتعدل على راحتي
سالم:طيب لا تصارخين كلنا متوترين وين اروح الحين وش اسوي توني صاحي
لانا بصدمة:اليوم عرسك و انت ماتعرف وش تسوي اكيد تروح حلاق الديرة و تضبط امورك و بعدين تجهز ثوبك و الشماغ و قول ل منصور يروح معاك بعد بس لا يحلق شعره لانه حلو احبه بس لحيته يخففها و الشنب يعدله
سالم يتفلسف:آشكرك ساعدتيني كثير بصراحه مدري مين العريس أنا ولا حبيبك
لانا:هذا جزاتي يلا يلا
دخل سالم الحمام و تروش سريع و طلع من الغرفة و كملت لانا تعديلاتها بما انه اليوم عرس سالم و مريم
دخل الصالة و شاف امه و خالته و جدته يجهزون الفوالة للحريم و الجلسة
سالم:خلصتوا المجلس للرجال؟
ميرة بتعب:ايه ايه و انت هنا بتدخل على مريم و نصوركم مع بعض و معانا و تطلعون معاها على البيت الثاني الي هو حقك
مهرة:ايه لا نشوفك هنا زابن خلاص أعرست ان شاء الله
سلامه:يا حبيبي يا سالم خلصت امورك ولا باقي؟
سالم:طردتني لانا من الغرفه تقولي روح الحلاق وش فيه وجهي و شعري
ميرة:ايه حبيبي لازم تتعدل ترا عرس عرس
مهرة:و منصور ضروري يحلققق شعره
سالم:ايه بس لانا تقول لا يحلق شعره لانه تحبه
مهرة:يوههه هذي البنت
ميرة:يلا سلوممم خلص امورك مافي وقت
سالم:شفيكم متوترين الا عرسي
سلامة بضحك:تعرف الحريم لازم التوتر ولا ما يكمل شي
سالم ضحك:ولله انك صادقة يا جدتي
منصور كان عند نجد ينظفها و يروشها جاه سالم و وقف على عتبه الباب من برع
سالم:منصور قم نطلع للحلاق
منصور التفت على سالم و رجع يلتفت على نجد:وش حلاقه عرسك انت مب عرسي أنا
سالم:ايه كلنا ندري بس حبيبتك موصتني اني أشيلك الحلاق و اقوله يخفف لحيتك و يعدل شنبك بس لا تحلق شعره
منصور ابتسم بخفه من نطق سالم حبيبتك و على وصيتها:يلا جايك
سالم:اسرع خالتي و امي ابثروني يبوني استعجل
منصور:يلااا
عند حلاق الديرة
سالم:فهمت يا مدير
عامل الحلاقة:ايوه
سالم:كفو يلا احلق
منصور:يعني لو خليتني أنا بالأول
سالم:سلامات يالحبيب عرسي أنا
منصور:ايه ايه عرسك عرسك يلا استعجل
سالم:تعجلونييي ليه خلوني على راحتي
منصور:الوقت ما بيخليك على راحتك
سالم ضحك:ايه ولله
خلص سالم حلاقته و جا دور منصور
سالم:ها وش رأيك بس بالعريس
منصور:شيخ شيخ ماشاءالله
سالم:الشيخ من رباك
سالم التفت على عامل الحلاقة:اسمع يا مدير هذا حلق لحيه خفيف و شوي رتب شنب من أطراف طيب؟و شعر لا يسوي شي
عامل الحلاقة هز راسه:معلوم
سالم طبطب على كتفه:رجال كفو
منصور:شوي شوي لا يخرب لحيتي لا تهزه
سالم:ابشر ابشر
خلصوا من الحلاق و طلعوا يكملون مشاويرهم
