အချိန်အားဖြင့်ည၁၁:၄၅မိနစ်...
အိပ်ယာမဝင်ခင် ထွန်းထားတဲ့ဖယောင်းတိုင်တိုလေးကို ငြှိှမ်းလိုက်သည်။လမိုက်ညဖြစ်သည့်အတွက် မီးငြှိမ်းလိုက်သည်နှင့်တပြိုင်နက် ပတ်ဝန်ကျင်တစ်ခုလုံးအမှောင်ဖုံးသွားခဲ့သည်။
ထိုစဉ်ကလေးငိုသံသဲ့သဲ့ကို ကြားလိုက်သည်။နားကြားများမှားသလားထင်လို့ ထပ်ပြီးအာရုံစိုက်ကာ အသံလာရာသို့နားစွင့်လိုက်သည်။ထပ်မံပြီးပီပြင်စွာကြားလိုက်ရတော့ နော်မူးဝါးတစ်ယောက် ဖယောင်းတိုင်တိုလေးကိုပြန်ထွန်းကာ လက်နှိပ်ဓာတ်မီးယူပြီး အသံလာရာကိုထွက်လာခဲ့သည်။
"အူဝဲ ....အူဝဲ..."
"အယ် ကလေးလေးပါလား။"
ညောင်ပင်အောက်တွင် အနှီးထုတ်လေးနှင့်ကလေးသေးသေးလေးအားတွေ့ရှိသည်။
"အို ဘုရားသခင်ကျေးဇူးတော်ကြောင့် ဒီကလေးအသက်ရှင်ရမည်။"
ကလေးသေးသေးလေးကို အိမ်လေးဆီပြန်ခေါ်လာပြီးအနှီးတွေအားလုံးကိုဖယ်ရှားပစ်လိုက်သည်။
"ယောကျာ်းလေးဘဲ ချစ်စရာလေးကွယ် ပစ်ရက်လိုက်တာ။"
အိမ်မှာရှိနေသေးတဲ့ ခင်ပွန်းဖြစ်သူ၏ပုဆိုးတို့ကို စုတ်ဖြဲကာ အနှီးအစားပတ်ထားပေးလိုက်ပြီး ကလေးအားဒီအချိန်နို့ချိုတိုက်ရန်မလွယ်တာကြောင့် ထမင်းအိုးတစ်လုံးအမြန်တည်ကာ ထမင်းရည်ကိုငဲ့ယူလိုက်သည်။
အအေးခံကာ ကလေးသေးသေးလေးအား နို့အစားထိုးထမင်းရည်ကိုသာတိုက်ထားသည်။
"အို အဖဘုရားသခင် ကျွနု်ပ်ကိုအထီးမကျန်အောင် ဘုရားသခင်က ကျွနု်ပ်အားဤလက်ဆောင်ကိုပေးသနားတော်မူတာဘဲ။ကျေးဇူးကြီးမြတ်လှပါသည် အဖဘုရားသခင် ဤကလေးလေးအပေါ် ဘုရားသခင်ကောင်းချီးပေးပါစေ အာမင်။"
*********************************
"အမိုး ဘယ်သူ့ကလေးလေးလည်း ချစ်စရာလေး။"
"ညက အမိုးရဲ့တဲအနောက်ဘက်က ညောင်ပင်အောက်က တွေ့တာဆရာ။"
"အို....ဘုရားသခင်ကျေးဇူးတော်ကြောင့်ဒီကလေးလေး ဘေးကင်းစွာနဲ့ရှင်သန်လာရတာ အာမင်။"
YOU ARE READING
ရင်ခုန်သံကိုမညာချင်ဘူး_(Completed)
Romanceကိုယ့်ရင်ခုန့်သံကို ကိုယ်မညာချင်ဘူး။မင်းလည်းကိုယ်နဲ့ထပ်တူ ကျနေမယ်လို့ကိုယ်ထင်တယ်။ Shine+စောအယ်စေးဝါး
